Салық кодексінің 148-бабына сәйкес, салық тексерісін жүргізу негізі келесі деректемелерді құрайтын ұйғарым болып табылады:

• салық органындағы ұйғарымды тіркеу күні және нөмірі;
• ұйғарымды шығарған салық органының атауы;
• салық төлеушінің тегі, аты, әкесінің аты (егер ол жеке басын куәландыратын құжатта көрсетілген болса) немесе салық төлеушінің толық атауы (салық агенті);
• сәйкестендіру нөмірі;
• тексеру нысаны мен түрі; 
• тексеретін адамдардың, сондай-ақ қатыстырылатын мамандардың тегі, аты, әкесінің аты (егер ол жеке басын куәландыратын құжатта көрсетілген болса);
• тексеруді жүргізу мерзімі;
• хронометраждық зерттеп-тексеруді қоспағанда тексерілетін кезең.

Мынадай мәселелер бойынша тақырыптық тексерістерді қоспағанда, бір ұйғарым негізінде тек бір тексеріс жүргізілуі мүмкін:

• салық органдарындағы тіркеу есебіне қою;
• бақылау-касса машиналарының болуы;
• төлем карталарын пайдаланумен төлемдерді жүзеге асыруға арналған жабдықтың болуы (құрылғының);
• акциздік және есептік-бақылау маркаларының болуы және түпнұсқалығы, алкоголь өнімдеріне, мұнай  өнімдері және биоотынға ілеспе жүкқұжаттың болуы және түпнұсқалығы,  лицензияның, этил спиртіне, патент, тіркеу картасына рұқсаттың болуы;
• автокөлік құралдарын көліктік бақылау немесе жол полициясы бекеттерінде тексеру кезінде импортталатын тауарларға тауар-көлік жүкқұжаттарының болуы және тауар атауларының тауар-көлік жүкқұжаттарда көрсетілген мәліметтерге сәйкес келуі.

Салық тексерісін жүргізудің басталуы  ұйғарымға қол қоюдан салық төлеушінің бас тартуы туралы актіні құрастыру күні  немесе ұйғарымды салық төлеушіге тапсыру күні болып есептеледі.
Мына мәселелер бойынша тақырыптық тексерістерді жүргізгенде: салық органдарына тіркеу есебіне қою; бақылау-касса машиналарының болуы; төлем карталарын пайдаланумен төлемдерді жүзеге асыруға арналған жабдықтың (құрылғының) болуы; акциздік және есептік-бақылау маркаларының болуы және түпнұсқалығы, алкоголь өнімдеріне, мұнай өнімдеріне және биотынға ілеспе жүкқұжаттардың болуы және түпнұсқалығы, лицензияның болуы, тауарларды өткізу және қызметті көрсетуді жүзеге асыратын салық төлеушіге немесе оның қызметкеріне танысу үшін ұйғарым түпнұсқасы ұсынылады және оның көшірмесі тапсырылады. Түпнұсқада ұйғарым көшірмелерін алу уақыты және күні, көшірмені алу және ұйғарыммен танысу туралы қызметтерді көрсететін және тауарларды өткізуді жүзеге асыратын салық төлеушінің немесе оның қызметкерінің қолы қойылады. 

Салық төлеуші салық қызметі органының ұйғарымы данасында қол қоюдан бас тартқан жағдайда, тексерісті жүргізетін салық қызметі органының қызметкері куәгерлерді қатыстырумен қол қоюдан бас тарту туралы акт құрастырады. Бұнда қол қою туралы актінде бас тартуда мыналар көрсетіледі: 

1. Құрастыру орны және күні;
2. салық қызметі органының актіні құрастырған лауазымды тұлғасының тегі, аты және әкесінің аты (егер ол жеке басын куәландыратын құжатта көрсетілген болса);
3. Тегі, аты және әкесінің аты (егер ол жеке басын куәландыратын құжатта көрсетілген болса), жеке куәлік нөмірі, қатыстырылған куәгерлердің тұрғылықты мекенжайы;
4. ұйғарым нөмірі, күні, салық төлеушінің аты (салық агенті), оның сәйкестендіру нөмірі;
5. ұйғарым данасында қол қоюдан бас тарту жағдайы. Салық төлеушінің ұйғарымды алудан бас тартуы (салық агенті) салық тексерісін жою үшін негіз болып табылмайды.

Салық төлеушінің (салық агентінің) салықтық тексеруді жүргізу туралы нұсқаманы алудан бас тартуы салықтық тексерудің күшін жою үшін негіз болып табылмайды.

Салық төлеушінің салық қызмет органының ұйғарымына қол қоюдан бас тартуы салықтық тексеріске салық қызметі органдарының лауазымды тұлғаларын жібермеуді білдіреді. 

Салық төлеуші салық қызметінің лауазымды тұлғаларын тексеру үшін салық салумен байланысты объектілер және салық салу объектілеріне немесе салық салу объектілеріне, табыстарды алу үшін пайдаланылатын аумаққа (тұрғын бөлмелерден басқа) салық қызметінің лауазымды тұлғаларын жіберуге міндетті. 

Салық органдарының лауазымды тұлғалары, егер салық төлеушінің аумағына және/немесе бөлмесіне кіру үшін ҚР заңнамалық актілеріне сәйкес талап етілсе, арнайы рұқсаттары болуы тиіс. 

      Салық төлеуші салық қызметінің лауазымды тұлғаларын салық тексерістерін жүргізу үшін аумаққа немесе бөлмеге жібермеуге құқылы, егер:

• нұсқау белгіленген тәртіпте рәсімделмесе;
• ұйғарымда көрсетілген тексеріс мерзімдері болмаса немесе аяқталса;
• аталған тұлғалар ұйғарымда көрсетілмесе;
• салық қызметі органының лауазымды тұлғалары ҚР заңнамалық актілеріне сәйкес салық төлеушінің бөлмесіне немесе аумағына жіберуге қажетті арнайы рұқсаттарға ие болмаса.

Салықтық тексеру аяқталған соң салық органының лауазымды адамы:

• салықтық тексеру жүргiзілген орынды, акт жасалған күнді;
• тексеру нысаны мен түрі;
• салық органының салықтық тексеру жүргiзген лауазымды адамдарының қызметiн, тегiн, атын, әкесiнің атын (егер ол жеке басын куәландыратын құжатта көрсетілген болса);
• салық органының атауын;
• салық төлеушiнiң (салық агентiнің) тегiн, атын, әкесiнiң атын (егер ол жеке басын куәландыратын құжатта көрсетілген болса) не толық атауын;
• салық төлеушiнiң (салық агентiнiң) орналасқан жерiн, банктiк деректемелерiн, сондай-ақ оның сәйкестендіру нөмiрiн;
• салық төлеушiнiң (салық агентiнiң) басшысының және салық есептiлiгi мен бухгалтерлiк есептiлiктi, салықты және бюджетке төленетiн басқа да мiндеттi төлемдердi төлеуді жүргізуге жауапты лауазымды адамдарының тегiн, атын, әкесiнiң атын (олар болған жағдайда);
• алдыңғы жүргiзiлген құжаттық тексеру және бұрын анықталған Қазақстан Республикасының салық заңнамасын бұзушылықтарды жою бойынша қолданылған шаралар туралы мәлiметтерді (кешенді, тақырыптық тексерулер жүргізген кезде);
• тексерiлетiн кезеңді және тексеру жүргiзу үшiн салық төлеушi (салық агентi) табыс еткен құжаттар туралы жалпы мәлiметтердi;
• Қазақстан Республикасының салық заңнамасының тиiстi нормасына сiлтеме жасай отырып, салық бұзушылығының егжей-тегжейлi жазылған сипаттамасын;
• тексеру нәтижелерін көрсете отырып, салықтық тексеру актiсiн жасайды.

Салық тексерісінің аяқталу мерзімі салық төлеушіге салықтық тексеріс актісін беру күні болып есептеледі.
Салықтық тексеріс актісін алуда салық төлеуші салық қызметі органдарының салықтық тексеріс актісінің данасында оны алуда қол қоюға міндетті. 

Орналасу орны бойынша салық төлеушінің болмауымен байланысты салық төлеушіге актіні беру мүмкін болмағанда, белгіленген тәртіпте куәгерлерді қатыстырумен салықтық тексеріс жүргізеді. Бұнда салықтық тексерістің аяқталу күні салықтық тексеру актісін құрастыру күні болып табылады.

Егер салық тексерісінің аяқталуы бойынша ҚР салық заңнамасының бұзылуы анықталмаса, бұл туралы салықтық тексеріс актісінде тиісті жазба жасалады. Салықтық тексеріс актісіне құжаттардың қажетті көшірмелері, салық қызметі органының лауазымды тұлғалары жүргізген есептер және басқа материалдар қоса беріледі.