Sim-картадағы ЭЦҚ Баспаға шығару нұсқасы

SIM-картаға ЭЦҚ алу үшін:

1. Ұялы байланыс операторларынан ЭЦҚ жазу мүмкіндігі бар SIM-картаны сатып алу.
2. ЭЦҚ генерациясына өтініш беру үшін "Азаматтарға арналған үкімет" КЕАҚ филиалына өту.
3. Нұсқауларды орындау арқылы телефоныңызда баптау.

Пайдаланушының ЭЦҚ оның SIM-картасына байланысты болады. Басты артықшылығы-оңай пайдалану және ұтқырлық. Сұранысты растау үшін пайдаланушыға мәтіндік хабарларды жіберуге болатын ең қарапайым телефон қажет болады.

SIM-картадағы ЭЦҚ ұялы телефонның кез келген үлгілерінен электрондық қызметтер мен сервистерді алуға мүмкіндік береді.

Мобильді ЭЦҚ көмегімен қызметтерді қалай алуға болады?

SIM-картадағы ЭЦҚ-мен "электрондық үкімет"порталының қызметтерін алуға болады. SIM-картадағы ЭЦҚ-ны пайдалана отырып, қызметті алу үшін:

1. Сұранымға қол қою әдісін таңдау "SIM-картадағы ЭЦҚ таңдау".
2. ЭЦҚ бар ұялы телефон нөмірін растау.
3. Ұялы телефонда "Қол қою"хабары көрсетіледі. Қол қою процесін растау.
4. Ұялы телефонда кілтіңіздің атауы көрсетіледі. Қол қою процесін жалғастыруды растау.
5. Ұялы телефонда "PIN кодын енгізіңіз"командасы көрсетіледі. ЭЦҚ PIN-кодын енгізу және қол қою процесінің жалғасуын растау.
6. Ұялы телефонда "қолтаңба сәтті жасалды!". Қол қою процесін растау
7. "Нәтижені қарау" батырмасын басу.
8. Мобильді Жеке кабинетте ("өтініштер тарихы" бөлімінде), сондай-ақ ЭҮП жеке кабинетінде өңделген анықтамамен танысу және талап етілген жерге көрсету.