Күшін жойған

Қазақстан Республикасының Әділет министрлігінде N 2106 тіркелген Қазақстан Республикасы Қаржы министрінің 2002 жылғы 23 желтоқсандағы N 629 бұйрығына және Қазақстан Республикасының Ұлттық Банкі Басқармасының "Валюталарды айырбастаудың нарықтық бағамын анықтау тәртібін белгілеу туралы" 2002 жылғы 23 желтоқсандағы N 512 қаулысына толықтырулар енгізу туралы

Актінің түрі
Бұйрық
Қаулы
Қабылдау күні
19.08.2004
Өзгерту күні
26.01.2009
Актіні қабылдаған орган
Қазақстан Республикасының Қаржы министрлігі
Қазақстан Республикасының Ұлттық Банкі

       Ескерту. Қаулының күші жойылды - ҚР Қаржы министірің 2009.01.28 N 36 Бұйрығымен, ҚР Ұлттық Банкі Басқарамасының 2009.01.26 N 4 Қаулысымен.

      "Бухгалтерлік есепке алу және қаржылық есеп беру туралы" Қазақстан Республикасы Заңының 14-бабының 3-тармағын және "Салық және бюджетке төленетін басқа да міндетті төлемдер туралы" Қазақстан Республикасы кодексінің (Салық кодексі) 10-бабының 1-тармағының 27-1) тармақшасын іске асыру мақсатында, БҰЙЫРАМЫН/ қаулы етеді:
      1. Қазақстан Республикасының Әділет министрлігінде N 2106 тіркелген Қазақстан Республикасы Қаржы министрінің 2002 жылғы 23 желтоқсандағы N 629 бұйрығына және Қазақстан Республикасының Ұлттық Банкі Басқармасының "Валюталарды айырбастаудың нарықтық бағамын анықтау тәртібін белгілеу туралы" 2002 жылғы 23 желтоқсандағы N 512  қаулысына (Қазақстан Республикасының нормативтік құқықтық актілерін мемлекеттік тіркеу тізілімінде N 2106 тіркелген, Қазақстан Республикасының орталық атқарушы және өзге де мемлекеттік органдарының нормативтік құқықтық актілер бюллетенінде жарияланған, 2003 жыл, N 8) мынадай толықтырулар енгізілсін:
      Қазақстан Республикасы Қаржы министрінің 2002 жылғы 23 желтоқсандағы N 629 бұйрығының/Қазақстан Республикасының Ұлттық Банкі Басқармасының 2002 жылғы 23 желтоқсандағы N 512 қаулысының қосымшасындағы шетел валютасының тізбесі мынадай мазмұндағы тармақтармен толықтырылсын:
      "26. 1 беларусь рублі;
      27. 1 польша злотыйы;
      28. 1 Оңтүстік Африка ранды.".
      2. Қазақстан Республикасының Қаржы министрлігі:
      1) Қазақстан Республикасының Әділет министрлігінде оны мемлекеттік тіркеуден өткізу шараларын қабылдасын;
      2) оны мемлекеттік тіркеуден өткізгеннен кейін бұқаралық ақпарат құралдарында жарияласын.
      3. Қазақстан Республикасының Ұлттық Банкі осы бұйрық/қаулы Қазақстан Республикасының Әділет министрлігінде мемлекеттік тіркелген күннен бастап он күндік мерзімде оны екінші деңгейдегі банктерге және банк операцияларының жекелеген түрлерін жүзеге асыратын ұйымдарға жіберсін.
      4. Осы бұйрықтың/қаулының орындалуын бақылау Қазақстан Республикасының Қаржы Вице-Министрі А.Р.Ойнаровқа және Қазақстан Республикасының Ұлттық Банкі Төрағасының орынбасары Н.Қ.Абдулинаға жүктелсін.
      5. Осы бұйрық/қаулы Қазақстан Республикасының Әділет министрлігінде мемлекеттік тіркелген күннен бастап қолданысқа енгізіледі.

      Қазақстан Республикасының      
      Қаржы министрі

      Қазақстан Республикасы
      Ұлттық Банкінің Төрағасы

Көмек
Көмек
Ай бойы келгендердің барлығы:
Кеше келгендердің барлығы:
Қазір порталда:
URL:
Қате:
Пікір:

Спасибо, информация об ошибке принята.

Извините, в данный момент информация об ошибке не может быть обработана.
Попробуйте позже.