Күшін жойған

"Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Сыбайлас жемқорлыққа қарсы іс-қимыл ұлттық бюросында (Сыбайлас жемқорлыққа қарсы қызмет) құқық қорғау қызметін өткерудің кейбір мәселелері" Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 7 қазандағы № 4 бұйрығына өзгерістермен толықтырулар енгізу туралы

Актінің түрі
Бұйрық
Толықтыру
Өзгерту
Қабылдау күні
29.09.2017
Өзгерту күні
30.10.2019
Актіні қабылдаған орган
Қазақстан Республикасының Мемлекеттік қызмет істері және сыбайлас жемқорлыққы қарсы іс-қимыл агенттігі (ҚР Президентінің 13.06.2019 ж. N 12 Жарлығымен ҚР Мемлекеттік қызмет істері жөніндегі агенттігі болып қайта аталды)

      Ескерту. Күші жойылды – ҚР Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) төрағасының 30.10.2019 № 272 (алғашқы ресми жарияланған күнінен бастап қолданысқа енгізіледі) бұйрығымен.

      БҰЙЫРАМЫН:

      1. "Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Сыбайлас жемқорлыққа қарсы іс-қимыл ұлттық бюросында (Сыбайлас жемқорлыққа қарсы қызмет) құқық қорғау қызметін өткерудің кейбір мәселелері" Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 21 қазандағы № 17 (Нормативтік-құқықтық актілерді мемлекеттік тіркеу тізілімінде № 14451 болып тіркелген, 2016 жылы 15 желтоқсанда Қазақстан Республикасының "Әділет" нормативтік құқықтық актілерінің ақпараттық-құқықтық жүйесінде жарияланған) мынадай өзгерістер мен толықтырулар енгізілсін:

      1-тармақтың 6) тармақшасы мынадай редакцияда жазылсын:

      "6) осы бұйрыққа 6-қосымшаға сәйкес Сыбайлас жемқорлыққа қарсы қызметтің аттестатталуы тиіс қызметкерлерінің Қазақстан Республикасының заңнамасын білуін және логикалық ойлау қабілетін компьютерлік тестілеуден өткізудің қағидалары мен шарттары, кәсіби жарамдылығын айқындау жөніндегі нормативтер, сондай-ақ лауазымдардың санаттары үшін шекті мәндер;";

      1-тармақтың 12) тармақшасы мынадай редакцияда жазылсын:

      "12) осы бұйрыққа 12-қосымшаға сәйкес Сыбайлас жемқорлыққа қарсы қызмет қызметкерлерінің қызметтік куәлігінің сипаттауы, сондай-ақ оларды қағидалары.";

      1) көрсетілген бұйрықпен бекітілген Сыбайлас жемқорлыққа қарсы қызмет қызметкерінің дербес деректері жазылған жеке істерін жүргізу қағидаларында:

      13-тармақтың екінші бөлігі мынадай редакцияда жазылсын:

      "Осы Қағидаларға 8-қосымшаға сәйкес нысан бойынша өмірбаяндық тексеріс бойынша қорытынды қосымша толтырылып, сыбайлас жемқорлыққа қарсы қызмет басшысымен, сыбайлас жемқорлыққа қарсы қызметтің аумақтық органының басшысымен келісіледі, сондай-ақ арнайы тексерістің қосымша құжаттарымен бірге арнайы тексеріс құжаттарына қосылады.";

      15-тармақтың бірінші бөлігі мынадай редакцияда жазылсын:

      "15. Осы Қағидаларға 10-қосымшаға сәйкес жеке істің әрбір бөлімінде сақталатын құжаттар жеке нөмірленеді және тиісті бөлімдердің ішкі тізімдемелеріне нысан бойынша енгізіледі, ішкі тізімдеменің парақтар саны шектелмейді. Әрбір бөлімнің парақтары қарындашпен оң жақ жоғарғы бұрышында нөмірленеді. Бұл ретте жеке істің ішкі тізімдемесінің парақтары нөмірленбейді.";

      2) көрсетілген бұйрықпен бекітілген Сыбайлас жемқорлыққа қарсы қызмет қызметкерлерін тәртіптік жауапкершілікке тарту туралы қағидалары мен шарттарында:

      19-тармақ мынадай редакцияда жазылсын:

      "19. Міндеттемелерін үлгілі атқарғаны және қызмет барысында жоғары нәтижелерге қол жеткізгені үшін, атқарып отырған лауазымынан босатуды және біліктілік сыныптарын бір сатыға төмендетуді қоспағанда, кемшіліктерді жою жоспарында көрсетілген кемшіліктерді жою жағдайында жаза алты ай өткенге дейін алынады, алайда берілген күннен бастап үш айдан ерте алынбайды.

      Кемшіліктерді жою жоспарын тәртіптік теріс қылыққа жол берген қызметкердің тікелей басшысы әзірлейді және ұйымдастырушылық-басқарушылық сипаттағы (теріс қылықты жасауға ықпал еткен факторларды, себептер мен жағдайларды, оның ішінде қызметтік жүктемені талдау мен бағалау) теріс қылықты жасаған қызметкердің кәсіби біліктілігін арттыру (функцианалдық міндеттемелерін орындау кезінде қызметкерді іс-қимылдар алгоритміне үйрету), тәрбиелік сипаттағы (құқықтық үгіт-насихатты ұйымдастыру, профилактикалық шаралар дербес жүргізу) шаралар көзделеді.

      Ерекше жағдайларда, қызметкер аса маңызды нәтижелерге жеткені үшін, сондай-ақ мемлекетке сіңірген еңбегі мен ерлігі үшін тікелей басшысы кемшіліктерді жою жоспарының орындау нәтижелерін есепке алмай, бұрын қолданылған жазаны алып тастау туралы ерікті нысандағы өтінішхат енгізеді.

      Тәртіптік жазаны алып тастауға, аталған тәртіптік жазаны салған лауазымды тұлға құқылы.";

      3) көрсетілген бұйрықпен бекітілген Сыбайлас жемқорлыққа қарсы қызмет қарамағындағы қызметкерлердің қызмет өткеру қағидаларында:

      мынадай мазмұндағы 3-1-тармағымен толықтырылсын:

      "3-1. Қызметкердің қарамағында болу мерзімі келесі жағдайларда тоқтатылады:

      1) Заңның 71-бабымен белгіленген еңбек демалысында;

      2) денсаулық сақтау ұйымдарында (әскери-дәрігерлік комиссияның жолдамасы арқылы тексерілу) емделу барысында;

      3) сыбайлас жемқорлыққа қарсы қызметтің алдыңғы қызмет атқарған бағытынан кейінгі қабылданған, сондай-ақ тиісінше сол жердің басшылығына есепке алынған аумақтық орны аралығында;

      4) сырттай оқыту нысаны жағдайында білім беру ұйымдарының оқу-емтиханы сессияларында;

      5) қылмыстық жауапкершілікке тартылуына байланысты, қылмыстық істің ақтау негізімен қысқартылуы немесе ақтау үкімімен қамауға алынған күнінен босатылған күнді қоса алғанда.";

      4-тармақтың бірінші бөлігі мынадай редакцияда жазылсын:

      "4. Қарамағындағы қызметкер оны лауазымға тағайындау туралы шешім қабылданғанға дейін жұмысқа шығады және қарамағына енгізуге дейін қызмет атқарған құрылымдық бөлімшенің басшысына тікелей бағыныста болады. Қарамағына алынған қызметкердің жұмыс уақытын бақылауды және есептеуді жалпы негіздерде қарамағына енгізуге дейін қызмет өткерген құрылымдық бөлімше басшысы жүзеге асырады.";

      мынадай мазмұндағы 4-1-тармағымен толықтырылсын:

      "4-1. Басшылық қарамағына алынған қызметкер үш жұмыс күні ішінде өз өндірісіндегі материалдарды (құжаттамаларды) тікелей басшысына өткізеді.";

      мынадай мазмұндағы 5-1-тармағымен толықтырылсын:

      "5-1. Осы қағидалардың 3-1-тармағы 2) және 5) тармақшаларында көрсетілген жағдайларда, сондай-ақ, қызметкер қызмет өткеру аймағынан тыс жерлерге шыққанда кадр қызметін кешіктірмей хабардар етеді.";

      мынадай мазмұндағы 7-1-тармағымен толықтырылсын:

      "7-1. Кадр қызметтері қарамағына алынған қызметкерді үш жұмыс күні ішінде осы ереженің талаптарымен және басшылық қарамағында болған кезеңдегі қызмет өткеру тәртібімен таныстырады.";

      4) осы бұйрыққа 1-қосымшаға сәйкес, көрсетілген бұйрықпен бекітілген Сыбайлас жемқорлыққа қарсы қызмет қызметкерлерінің аттестаттаудан өту кезінде тестілеуден өту қағидалары мен шарттары, кәсіби жарамдылығын айқындау жөніндегі нормативтер, сондай-ақ лауазымдарының санаттарына арналған шекті мәндер жаңа редакцияда жазылсын.";

      5) көрсетілген бұйрықпен бекітілген Сыбайлас жемқорлыққа қарсы қызмет қызметкерлеріне кезектен тыс біліктілік сыныптарын белгілеу жөніндегі қағидаларда:

      3-тармақ мынадай редакцияда жазылсын:

      "3. Кезектен тыс біліктілік сыныбы қызметкерлерге иеленіп отырған штаттық лауазымы бойынша біліктілік сыныбында белгіленген еңбек еткен жылдары мерзімінің кемінде үштен бірі өткенде, қызметтегі ерекше жетістіктері үшін көтермелеу тәртібімен Ұлттық бюроның құрылымдық бөлімшелерінің немесе аумақтық органдары басшыларының ерікті нысандағы ұсыным хаттары негізінде қызметкердің иеленіп отырған біліктілік сыныбынан өзге екі біліктілік сыныбынан көп болмай белгіленеді.

      Кезектен тыс біліктілік сыныбын белгілеу аса ауыр сыбайлас жемқорлық қылмыстарын ашу және тергеу кезіндегі еңбегіне қарай, қолданыстағы біліктілік сыныбында қызмет өткеру мерзіміне қарамастан, иеленіп отырған біліктілік сыныбынан екі біліктілік сыныбынан көп болмай белгіленеді.";

      6) көрсетілген бұйрықпен бекітілген Сыбайлас жемқорлыққа қарсы қызметте қызметтік тергеулер жүргізу қағидаларында:

      19-тармақ мынадай редакцияда жазылсын:

      "19. Қызметкерге өткізілген қызметтік тергеу нәтижелері бойынша қызметке толық сәйкес еместігi туралы ескерту, атқаратын лауазымынан босату және жұмыстан шығару түріндей тәртіптік жазалау шаралары қолданылатын жағдайда, қорытындысы және қажет болған кезінде, қызметтік тексерістердің материалдары оларды Сыбайлас жемқорлыққа қарсы қызметтің Тәртіптік комиссиясында қарастыру үшін кадр қызметіне жіберіледі.";

      7) көрсетілген бұйрықпен бекітілген Сыбайлас жемқорлыққа қарсы қызмет қызметкерлеріне сыныптық біліктілік беру жөніндегі нұсқаулықта:

      2-тармақтың 3-тармақшасының екінші бөлігі мынадай редакцияда жазылсын:

      "Ерекше жағдай ретінде, сыбайлас жемқорлыққа қарсы қызмет бөлімшелерінің құрылымдық басшыларына "1-сыныпты маман" сыныптық біліктілігі берілген күннен бастап үш жыл мерзімі өткен және құқық қорғау органдарында кемінде 8 жыл еңбек өтілі бар, сондай-ақ, құқық қорғау органдарында кемінде 15 жыл, оның ішінде басшылық лауазымдарда кемінде 5 жыл қызмет атқарған қызметкерлерге тәлімгерлік тағайындалусыз, "1-сыныпты маман – тәлімгер" сыныптық біліктілігін беруге рұқсат етіледі.";

      мынадай мазмұндағы 5-1, 5-2-тармақтарымен толықтырылсын:

      "5-1. Ұлттық бюроның ішінде қызметкерлердің ауысуы кезінде кадр қызметтері олардың жеке ісін жолдау барысында біліктілік сыныбын белгілеу (растау) жөніндегі бұйрықтан үзінді көшірлені қоса жолдайды.

      5-2. Келесі жағдайларда қызметкердің сыныптық біліктілігі төмендетілуі тиіс:

      1) қызметке толық сәйкес еместігi туралы ескерту түріндегі тәртіптік жазаға тартылғанда, атқаратын лауазымынан босатылғанда (немесе) және біліктілік сыныбынан бiр сатыға төмендетілгенде;

      2) аттестаттау, сонымен қатар кезектен тыс аттестаттау қорытындысы бойынша атқаратын лауазымынан төмендетілуі немесе басқа қызметке ауысуы;

      3) жылдық бағалау қорытындысы бойынша "тиімсіз" деген баға алған жағдайда.

      "2-сыныпты.-.маман" сыныптық біліктілігі бар қызметкерлер осы Нұсқаулықтың 5-2-тармағының 1), 2), 3) тармақшаларында көрсетілген жағдайлар орын алғанда, сыныптық біліктілігі алынып тасталуы тиіс.";

      8) осы бұйрыққа 2-қосымшаға сәйкес көрсетілген бұйрықпен бекітілген Сыбайлас жемқорлыққа қарсы қызмет қызметкерлерінің қызметтік куәлігінің сипаттамасы жаңа редакцияда жазылсын.

      2. Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Сыбайлас жемқорлыққа қарсы іс-қимыл ұлттық бюросы (Сыбайлас жемқорлыққа қарсы қызмет) Қазақстан Республикасының заңнамамен белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрықты Қазақстан Республикасы Әділет министрлігінде мемлекеттік тіркегеннен кейін күнтізбелік он күн ішінде Қазақстан Республикасының Нормативтік құқықтық актілерінің эталондық бақылау банкінде орналастыру үшін, Қазақстан Республикасы Әділет министрлігінің "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберілуін;

      3) осы бұйрықтың Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің интернет-ресурсында орналастырылуын қамтамасыз етсін.

      3. Осы бұйрықтың орындалуын бақылау Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Сыбайлас жемқорлыққа қарсы іс-қимыл ұлттық бюросының (Сыбайлас жемқорлыққа қарсы қызмет) Басшысына жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      Қазақстан Республикасы
Мемлекеттік қызмет істері және
сыбайлас жемқорлыққа қарсы
іс-қимыл агенттігінің Төрағасы
Қ. Қожамжаров

  Қазақстан Республикасы
Мемлекеттік қызмет істері және
сыбайлас жемқорлыққа қарсы
іс-қимыл агенттігі Төрағасының
2017 жылғы 7 қыркүйектегі
№ 179 бұйрығына 1-қосымша
  Қазақстан Республикасы
Мемлекеттік қызмет істері және
сыбайлас жемқорлыққа қарсы
іс-қимыл агенттігі Төрағасының
2016 жылғы 21 қазандағы
№ 17 бұйрығына 6-қосымша

Сыбайлас жемқорлыққа қарсы қызметтің аттестатталуы тиіс қызметкерлерінің Қазақстан Республикасы заңнамасын білуін және логикалық ойлау қабілетін компьютерлік тестілеуден өткізу қағидалары мен шарттары, кәсіби жарамдылығын айқындау жөніндегі нормативтер, сондай-ақ лауазымдардың санаттары үшін шекті мәндер

1-тарау. Жалпы ережелер

      1. Осы Сыбайлас жемқорлыққа қарсы қызметтің аттестатталуы тиіс қызметкерлерінің Қазақстан Республикасы заңнамасын білуін және логикалық ойлау қабілетін компьютерлік тестілеуден өткізу қағидалары мен шарттары, кәсіби жарамдылығын айқындау жөніндегі нормативтер, сондай-ақ лауазымдардың санаттары үшін шекті мәндер (бұдан әрі - Қағидалар) "Құқық қорғау қызметі туралы" Қазақстан Республикасы Заңының (бұдан әрі - Заң) 48-бабы 2-тармағына сәйкес әзірленген және сыбайлас жемқорлыққа қарсы қызметтің аттестатталуы тиіс қызметкерлерінің Қазақстан Республикасы заңнамасын білуін және логикалық ойлау қабілетін компьютерлік тестілеуден (бұдан әрі - тестілеу) өткізу қағидалары мен шарттарын, кәсіби жарамдылығын айқындау жөніндегі нормативтерін, сондай-ақ лауазымдардың санаттары үшін шекті мәндерін айқындайды.

      2. Қызметкерлердің аттестаттау кезінде дене шынықтыру және жауынгерлік дайындық бойынша нормативтерді тапсыруы олардың кәсіби жарамдылық деңгейін айқындау үшін жүргізіледі.

      3. Аттестаттау өткізу кезінде сыбайлас жемқорлыққа қарсы қызмет қызметкерлерін (бұдан әрі – қызметкерлер) тестілеу Қазақстан Республикасының заңнамасын білуін объективті бағалау мақсатында жүргізіледі.

2-тарау. Кәсіби жарамдылығын айқындау жөніндегі нормативтерді тапсыру тәртібі

      4. Сыбайлас жемқорлыққа қарсы қызмет қызметкерлерінің кәсіби жарамдылығын айқындау жөніндегі нормативтер осы Қағидаларға 1-қосымшаға сәйкес тапсырылады.

      5. Қызметкерлердің дене шынықтыру және жауынгерлік дайындық бойынша нормативтерді тапсыруы кезінде объективтілікті қамтамасыз ету мақсатында, кәсіби жарамдылығын айқындау жөніндегі комиссия құрылады.

      6. Кәсіби жарамдылығын айқындау жөніндегі комиссия, кемінде, үш мүшеден құралады және Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Сыбайлас жемқорлыққа қарсы іс-қимыл ұлттық бюросында – Ұлттық бюро Басшысының бұйрығымен, аумақтық органдарда – уәкілетті басшының бұйрығымен құрылады.

      7. Екі және одан көп дене шынықтыру және жауынгерлік даярлық бойынша нормативтерден қанағаттанарлықсыз баға алған қызметкерлер кәсіби жарамдылықты айқындау жөніндегі нормативтерді тапсырмаған болып есептеледі.

      8. Кәсіби жарамдылық нормативтерін тапсырмаған қызметкерлер тестілеуге жіберілмейді.

3-тарау. Тестілеуден өткізу тәртібі мен шарттары, сондай-ақ лауазым санаттарына арналған шекті мәндер

      9. Тестілеуді ұйымдастыруды кадр қызметтері жүзеге асырады.

      Кадр бөлімшесінің қызметкері тестілеу әкімшісі (бұдан әрі – әкімші) болып табылады.

      10. Тестілеудi өткiзу объективтілігі жағдайлардың, уақыттың, нәтижелердi есептеудің және тесттер мазмұнының стандарттылығымен қамтамасыз етiледi.

      11. Тестілеу рәсімдерін техникалық қамтамасыз етуді, тест тапсырмаларының деректер базасын қалыптастыруды және оларды жаңартуды "Мемлекеттік қызмет персоналын басқару ұлттық орталығы" акционерлік қоғамы (бұдан әрі – Орталық) жүзеге асырады.

      Орталықтың жұмыскері тестілеу операторы (бұдан әрі - оператор) болып табылады.

      12. Тестілеу Орталықтың және оның аумақтық бөлімшелерінің тестілеу залдарында жүргізіледі.

      13. Тестілеуде логикалық тестілеуді және Қазақстан Республикасы заңнаманы білуге арналған тестілеуді қамтиылады.

      14. Тестілеу қызметкердің таңдауы бойынша мемлекеттік немесе орыс тілдерінде жүргізіледі.

      15. Кадр қызметтері тестілеуге жіберілетін қызметкерлердің тізімін дайындайды.

      16. Тізімде мынадай мәліметтер қамтылады: тегі, аты және әкесінің аты (бар болған жағдайда), санаты көрсетіле отырып, атқаратын лауазымы, жеке сәйкестендіру нөмірі.

      17. Кадр қызметтері тестілеу басталатын күнге дейін үш жұмыс күнінен кешіктірілмейтін мерзімде телефон немесе электрондық мекенжайға және ұялы телефонға ақпарат жіберу арқылы, тестілеуден өту тиіс қызметкерлерді тестілеудің өтілетін күні, орны мен уақыты туралы хабардар етеді.

      18. Қызметкерлерді тестілеу осы Қағидаларға 2-қосымшаға сәйкес Сыбайлас жемқорлыққа қарсы қызметтің аттестатталуы тиіс қызметкерлерін компьютерлік тестілеу бағдарламаларына сәйкес өткізіледі.

      19. Тестілеуге жеке куәландыратын құжаты бар қызметкерлер жіберіледі.

      20. Тестілеу басталғанға дейін Әкімші нұсқама өткізеді.

      21. Тестiлеу сәтiнде өзiн нашар сезiнген қызметкерлер ол туралы Әкімшіге тестілеу өткізу басталғанға дейін хабарлайды. Бұл жағдайда, ол тұлғаларды тестілеу осы күннен басқа жұмыс уақытында немесе тестілеу кестесіне сәйкес анықталатын басқа жұмыс күні өткізіледі.

      22. Тестілеуден өтуші қызметкерлерге басқа қызметкерлермен сөйлесуге, материалдармен алмасуға, қағаз немесе электронды тасығыштардағы ақпараттарды қолдануға, үй-жайды тастап кетуге тыйым салынады. Тестіленуден өтуші тұлғалардың қабылдайтын-беретін электрондық құрылғылары (оның ішінде дербес қалта компьютерлері және өзге де электрондық жабдықтар) тестілеуді өткізу уақытында сөндіріледі және әкімшіге өткізіледі.

      Қызметкер осы тармақтың бірінші бөлігінің талаптарын бұзған жағдайда, осындай қызметкердің тестілеу процесі тоқтатылады және оны тестілеуге арналған үй-жайдан шығарып жібереді. Бұл ретте, әкімші, тестілеу операторы және бұзуға жол берген қызметкер қол қоятын ерікті нысандағы акті жасалады.

      Егер бұзушылыққа жол берген қызметкер актіге қол қоюдан бас тартқан жағдайда, бұзушылыққа жол берген қызметкердің осы актіге қол қоюдан бас тарту фактісін растайтынын куәландыратын басқа тұлғаның тиісті жазбасы актіге енгізіледі.

      Осы тармақтың бірінші бөлігінің талаптарын бұзған қызметкерлердің тестілеу нәтижелері жойылады.

      Талаптарды бұзған қызметкер тестілеуден өтпеген болып саналады.

      23. Қазақстан Республикасының заңнамаларын білуге арналған тест бойынша шекті мәндер:

      В-РК-2, В-РК-3, В-РК-4, В-РК-5, В-РКО-1, В-РКО-2, В-РКО-3, В-РКО-4; В-РКО-5 санаттары үшін:

      1) әрбір нормативтік құқықтық акті бойынша ықтимал 10 жауаптың, кемінде, 7 дұрыс жауабы;

      2) әрбір нормативтік құқықтық акті бойынша ықтимал 20 жауаптың, кемінде, 14 дұрыс жауабы.

      3) әрбір нормативтік құқықтық акті бойынша ықтимал 25 жауаптың, кемінде, 17 дұрыс жауабы.

      В-РК-6, В-РК-7, В-РК-8, В-РКО-6, В-РКО-7, В-РКО-8 санаттары үшін:

      1) әрбір нормативтік құқықтық акті бойынша ықтимал 10 жауаптың кемінде 6 дұрыс жауабы;

      2) әрбір нормативтік құқықтық акті бойынша ықтимал 20 жауаптың, кемінде, 12 дұрыс жауабы.

      24. Дұрыс жауап үшін бір балл есептеледі.

      25. Логикалық ойлауға арналған тест бойынша шекті мәндер белгіленбейді.

      26. Егер, тестіленуші Қазақстан Республикасының заңнамаларын білуге тестілеу тапсырмаларының біреуінен шекті мәндер жинай алмаса, онда қалған тестілеу тапсырмаларынан шекті мәндер жинауына қарамастан, тестілеуден өтпеген болып саналады.

      27. Тестілеу аяқталғаннан кейін тестілеу нәтижелерінің бір данасы қызметкерге беріледі, екінші данасы қызметкердің аттестаттау материалдарына тігіледі.

      28. Тестілеу нәтижелері бойынша нақтыланған есеп тестілеу жүйесінің деректер базасында сақталады.

      29. Тестілеу өткізу кезінде шекті мәндерден төмен баға алған қызметкерлер әңгімелесуге жіберілмейді және аттестаттау комиссиясының шешімімен қайтадан тестілеуден өтеді.

  Сыбайлас жемқорлыққа қарсы
қызмет қызметкерлерінің
аттестаттаудан өту кезінде
компьютерлік тестілеуден өту
қағидалары мен шарттары,
кәсіби жарамдылығын айқындау
жөніндегі нормативтер,
сондай-ақ лауазымдарының
санаттарына арналған шекті
мәндерге 1-қосымша

Аттестатталуға тиіс сыбайлас жемқорлыққа қарсы қызмет қызметкерлерінің дене шынықтыру және жауынгерлік даярлық бойынша нормативтері

      Ерлер үшін

Жаттығу атауы

Бағасы

Жас топтары

21-27

28-34

35-39

40-44

45-49

50 және одан жоғары

Жүгіру 100 м (с)

өте жақсы

13

14

15

16

17

18

жақсы

14

15

16

17

18

19

қанағаттанарлық

15

16

17

18

19

21

қанағаттанарлықсыз

16-дан жоғары

17-ден жоғары

18-ден жоғары

19-дан жоғары

20-дан жоғары

22-ден жоғары

Жүгіру 60 м (с)

өте жақсы

7,8

8,4

9

9,6

10,2

10,8

жақсы

8,4

9

9,6

10,2

10,8

11,4

қанағаттанарлық

9

9,6

10,2

10,8

11,4

12,6

қанағаттанарлықсыз

9,6-дан жоғары

10,2-ден жоғары

10,8-ден жоғары

11,4-тен жоғары

12,0-ден жоғары

13,2-ден жоғары

Жатқан қалыпта қолды созу және бүгу (рет саны)

өте жақсы

35

33

30

27

25

20

жақсы

33

30

27

25

22

18

қанағаттанарлық

30

27

25

22

20

15

қанағаттанарлықсыз

30-ға дейін

27-ге дейін

25-ке дейін

22-ге дейін

20-ға дейін

15-ке дейін

Тартылу (рет саны)

өте жақсы

15

13

11

9

7

5

жақсы

13

11

9

7

5

4

қанағаттанарлық

11

9

7

5

4

3

қанағаттанарлықсыз

11-ге дейін

9-ға дейін

7-ге дейін

5-ке дейін

4-ке дейін

3-ке дейін

      Әйелдер үшін

Жаттығу атауы

Бағасы

Жас топтары

21-26

27-30

31-35

36-45

45 және одан жоғары

Жүгіру 100 м (с)

өте жақсы

20

23,5

26,5

30

36,5

жақсы

21,5

25

28,3

31,5

40

қанағаттанарлық

23,5

26,5

30

33,5

43,5

қанағаттанарлықсыз

24,1-ден жоғары

27,1-ден жоғары

30,6-дан жоғары

34,1-ден жоғары

44,1-ден жоғары

Жүгіру 60 м (с)

өте жақсы

12

14

16

18

22

жақсы

13

15

17

19

24

қанағаттанарлық

14

16

18

20

26

қанағаттанарлықсыз

15-тен жоғары

17-ден жоғары

19-дан жоғары

21-ден жоғары

27-ден жоғары

Арқасымен жатып кеудесін көтеру (рет саны)

өте жақсы

30

28

25

22

20

жақсы

28

25

22

20

18

қанағаттанарлық

25

22

20

18

16

қанағаттанарлықсыз

25-ке дейін

22-ге дейін

20-ға дейін

18-ге дейін

16-ға дейін

      Ескертпе: аттестаттауды қыс мезгілінде өткізу кезінде жабық спорт немесе басқа да объектілер болмаған жағдайда, 100 метрге жүгіру нормативінің орнына 60 метрге жүгіруге рұқсат етіледі.

Дене шынықтыру дайындығы бойынша жаттығуларды орындау шарттары

      1. 60, 100 м. жүгіру стадионның жүгіру жолында немесе кез келген тегіс жерде жүргізіледі.

      2. Ерлер үшін – қолды созу және бүгу жатқан қалпында орындалады - денені тік ұстап, қолдарын кеудесі жерге тигенше бүгу.

      Әйелдер үшін аталған жаттығуды тізеден орындауға болады.

      3. Ерлер үшін – биік аспадан тартылу бастапқы орнынан тартылған қалпын жоғарыда ұстап, еденге (жерге) аяғын тигізбей орындалады. Иегі аспадан асқан жағдайда, жаттығу орындалды деп есептеледі. Тартылғанда тартылып тұрған орнынан 5 секундтан артық демалуға (тоқтауға) және тартылуды шайқалудан бастауға рұқсат етілмейді.

      4. Әйелдер үшін - кеудені көтеру шалқасынан жатып орындалады, аяғы тізеде 90 градус бұрышта бүгіліп, қолдың басы иыққа қойылады, табанын әріптесі ұстайды.

      Ескертпе: жаттығуларды дұрыс орындамаған жағдайда, үш реттен артық емес "санамау" деген бұйрық беріледі, содан кейін тестіленуші жаттығуды орындаудан алынып тасталынады.

      Ату (ерлер):

      Нысана: атушының көз тұсы биіктігінде 75х75 қалқанда орнатылған (50х50) шеңберлі нысана.

      Нысанаға дейінгі ұзақтық: 25 м

      Оқ-дәрі саны: 6 (3 атып көруге, 3 сынақтық)

      Ату жағдайы: тік тұрып қолмен ұстап ату (екі қолмен де рұқсат етіледі)

      Атуға берілетін уақыт: шектелмеген

      Бағалау көрсеткіштері: 20 және одан жоғары – "өте жақсы", 15-19 – "жақсы", 10-14 – "қанағаттанарлық", 0-9 қанағаттанарлықсыз.

      Атудың ең үздік көрсеткіштері бойынша баға қойылады (атып көру немесе сынақтық).

  Сыбайлас жемқорлыққа қарсы
қызмет қызметкерлерінің
аттестаттаудан өту кезінде
компьютерлік тестілеуден өту
қағидалары мен шарттары,
кәсіби жарамдылығын айқындау
жөніндегі нормативтер,
сондай-ақ лауазымдарының
санаттарына арналған шекті
мәндерге 2-қосымша

Сыбайлас жемқорлыққа қарсы қызметтің аттестатталуы тиіс қызметкерлерін компьютерлік тестілеу бағдарламасы

Нормативтік құқықтық актінің атауы

Сұрақтар саны

Жедел-тергеу, арнайы және ішкі қауіпсіздік бөлімшелерінің В-РК-2, В-РК-3, В-РК-4, В-РК-5, В-РКО-1, В-РКО-2, В-РКО-3, В-РКО-4, В-РКО-5 санаттары үшін

Қазақстан Республикасының Конституциясы

20

"Қазақстан Республикасының мемлекеттік қызметі туралы" Қазақстан Республикасының Заңы

20

"Жеке және заңды тұлғалардың өтiнiштерiн қарау тәртiбi туралы" Қазақстан Республикасының Заңы

20

"Құқықтық актілер туралы" Қазақстан Республикасының Заңы

10

Қазақстан Республикасы мемлекеттік қызметшілерінің әдеп кодексі (Мемлекеттік қызметшілердің қызметтік әдеп қағидалары)

10

Қазақстан Республикасының Қылмыстық кодексі

20

Қазақстан Республикасының Қылмыстық-процестік кодексі

20

Әкімшілік құқық бұзушылық туралы Қазақстан Республикасының кодексі

20

"Құқық қорғау қызметі туралы" Қазақстан Республикасының Заңы

20

"Сыбайлас жемқорлыққа қарсы іс-қимыл туралы" Қазақстан Республикасының Заңы

20

"Жедел-іздестіру қызметі туралы" Қазақстан Республикасының Заңы

20

"Жасырын тергеу әрекеттерін жүргізу қағидаларын бекіту туралы" Қазақстан Республикасы Ішкі істер министрінің 2014 жылғы 12 желтоқсандағы № 892, Қазақстан Республикасы Қаржы министрінің 2014 жылғы 12 желтоқсандағы № 565, Қазақстан Республикасы Мемлекеттік қызмет істері және жемқорлыққа қарсы іс-қимыл агенттігі төрағасының 2014 жылғы 12 желтоқсандағы № 62, Қазақстан Республикасы Мемлекеттік күзет қызметі бастығының 2014 жылғы 15 желтоқсандағы № 146 және Қазақстан Республикасы Ұлттық қауіпсіздік комитеті төрағасының 2014 жылғы 18 желтоқсандағы № 416 бірлескен бұйрығы (Нормативтік құқықтық актілердің Мемлекеттік тіркеу тізілімінде 2014 жылы 27 желтоқсанда № 10027 болып тіркелді)

10

12 нормативтік құқықтық акті бойынша 210 минутқа барлығы 210 сұрақ

Логикалық тест (10 минут)

10

Жедел-тергеу, арнайы және ішкі қауіпсіздік бөлімшелерінің В-РК-6, В-РК-7, В-РК-8, В-РКО-6, В-РКО-7, В-РКО-8 санаттары үшін

Қазақстан Республикасының Конституциясы

10

"Қазақстан Республикасының мемлекеттік қызметі туралы" Қазақстан Республикасының Заңы

10

"Жеке және заңды тұлғалардың өтiнiштерiн қарау тәртiбi туралы" Қазақстан Республикасының Заңы

10

"Құқықтық актілер туралы" Қазақстан Республикасының Заңы

10

Қазақстан Республикасы мемлекеттік қызметшілерінің әдеп кодексі (Мемлекеттік қызметшілердің қызметтік әдеп қағидалары)

10

Қазақстан Республикасының Қылмыстық кодексі

20

Қазақстан Республикасының Қылмыстық-процестік кодексі

20

Әкімшілік құқық бұзушылық туралы Қазақстан Республикасының кодексі

20

"Құқық қорғау қызметі туралы" Қазақстан Республикасының Заңы

20

"Сыбайлас жемқорлыққа қарсы іс-қимыл туралы" Қазақстан Республикасының Заңы

20

"Жедел-іздестіру қызметі туралы" Қазақстан Республикасының Заңы

20

"Жасырын тергеу әрекеттерін жүргізу қағидаларын бекіту туралы" Қазақстан Республикасы Ішкі істер министрінің 2014 жылғы 12 желтоқсандағы № 892, Қазақстан Республикасы Қаржы министрінің 2014 жылғы 12 желтоқсандағы № 565, Қазақстан Республикасы Мемлекеттік қызмет істері және жемқорлыққа қарсы іс-қимыл агенттігі Төрағасының 2014 жылғы 12 желтоқсандағы № 62, Қазақстан Республикасы Мемлекеттік күзет қызметі бастығының 2014 жылғы 15 желтоқсандағы № 146 және Қазақстан Республикасы Ұлттық қауіпсіздік комитеті төрағасының 2014 жылғы 18 желтоқсандағы № 416 бірлескен бұйрығы (Нормативтік құқықтық актілердің Мемлекеттік тіркеу тізілімінде 2014 жылы 27 желтоқсанда № 10027 болып тіркелді)

10

12 нормативтік құқықтық акті бойынша 180 минутқа барлығы 180 сұрақ

Логикалық тест (10 минут)

10

Ұйымдастыру функцияларын атқаратын бөлімшелердің В-РК-2, В-РК-3, В-РК-4, В-РК-5, В-РКО-3, В-РКО-4, В-РКО-5 санаттары үшін

Қазақстан Республикасының Конституциясы

25

"Қазақстан Республикасындағы мемлекеттік қызмет туралы" Қазақстан Республикасының Заңы

25

"Жеке және заңды тұлғалардың өтiнiштерiн қарау тәртiбi туралы" Қазақстан Республикасының Заңы

25

"Құқықтық актілер туралы" Қазақстан Республикасының Заңы

25

Қазақстан Республикасы мемлекеттік қызметшілерінің әдеп кодексі (Мемлекеттік қызметшілердің қызметтік әдеп қағидалары)

20

"Қазақстан Республикасы мемлекеттік қызметшілерінің әдептілік нормаларын және мінез-құлық қағидаларын одан әрі жетілдіру жөніндегі шаралар туралы" Қазақстан Республикасы Президентінің 2015 жылғы 29 желтоқсандағы № 153 Жарлығымен бекітілген Әкімшілік құқық бұзушылық туралы Қазақстан Республикасының кодексі

25

"Құқық қорғау қызметі туралы" Қазақстан Республикасының Заңы

25

"Сыбайлас жемқорлыққа қарсы іс-қимыл туралы" Қазақстан Республикасының Заңы

25

"Мемлекеттік құпиялар туралы" Қазақстан Республикасының Заңы

20

9 нормативтік құқықтық актілер бойынша 210 минутқа барлығы 210 сұрақ

Логикалық тест (10 минут)

10

Ұйымдастыру функцияларын атқаратын бөлімшелердің В-РК-6, В-РК-7, В-РК-8, В-РКО-6, В-РКО-7, В-РКО-8 санаттары үшін

Қазақстан Республикасының Конституциясы

20

"Қазақстан Республикасының мемлекеттік қызметі туралы" Қазақстан Республикасының Заңы

20

"Жеке және заңды тұлғалардың өтiнiштерiн қарау тәртiбi туралы" Қазақстан Республикасының Заңы

20

"Құқықтық актілер туралы" Қазақстан Республикасының Заңы

20

Қазақстан Республикасы мемлекеттік қызметшілерінің әдеп кодексі (Мемлекеттік қызметшілердің қызметтік әдеп қағидалары)

20

Әкімшілік құқық бұзушылық туралы Қазақстан Республикасының кодексі

20

"Құқық қорғау қызметі туралы" Қазақстан Республикасының Заңы

20

"Сыбайлас жемқорлыққа қарсы іс-қимыл туралы" Қазақстан Республикасының Заңы

20

"Мемлекеттік құпиялар туралы" Қазақстан Республикасының Заңы

20

9 нормативтік құқықтық акті бойынша 180 минутқа барлығы 180 сұрақ

Логикалық тест (10 минут)

10

  Қазақстан Республикасы
Мемлекеттік қызмет істері және
сыбайлас жемқорлыққа қарсы
іс-қимыл агенттігі Төрағасының
2017 жылғы 7 қыркүйектегі
№ 179 бұйрығына 2-қосымша
  Қазақстан Республикасы
Мемлекеттік қызмет істері және
сыбайлас жемқорлыққа қарсы
іс-қимыл агенттігі Төрағасының
2016 жылғы 21 қазандағы
№ 17 бұйрығына 12-қосымша

Сыбайлас жемқорлыққа қарсы қызмет қызметкерлерінің қызметтік куәлігінің сипаттамасы, сондай-ақ оны беру Қағидалары

1-тарау. Жалпы ереже

      1. Осы Сыбайлас жемқорлыққа қарсы қызмет қызметкерлерінің қызметтік куәліктерінің сипаттамасы, сондай-ақ оны беру Қағидалары (бұдан әрі – Қағидалар) "Құқық қорғау қызметі туралы" 2011 жылғы 6 қаңтардағы Қазақстан Республикасы Заңының 20-бабы 1-тармағына сәйкес әзірленді және Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің Сыбайлас жемқорлыққа қарсы іс-қимыл ұлттық бюросының (Сыбайлас жемқорлыққа қарсы қызмет) (бұдан әрі – Ұлттық бюро) және оның аумақтық органдары қызметкерлерінің қызметтік куәліктерінің сипаттамасын, беру тәртібін, есепке алу, сақтау және жою тәртібін айқындайды.

      Қызметкердің қызметтік куәлігі сыбайлас жемқорлыққа қарсы қызметке қатыстылығын, лауазымын растайтын ресми құжат болып табылады.

2-тарау. Қызметкердің қызметтік куәлігінің сипаттамасы

      2. Ұлттық бюроның және оның аумақтық органдары қызметкерлерінің қызметтік куәліктерінің мұқабасы қою қызыл түсті былғарыдан әзірленеді. Қызметтік куәліктің ашық түріндегі көлемі 6,5х19 см болады.

      3. Қызметтік куәліктің бет жағының ортасында алтын түсті Қазақстан Республикасының Мемлекеттік Елтаңбасы орналастырылған, төменгі жағында сыбайлас жемқорлыққа қарсы қызмет қызметкерлерінің қызметтік куәліктерінде баспа қарпімен мемлекеттік тілде:

      "ҚАЗАҚСТАН РЕСПУБЛИКАСЫНЫҢ СЫБАЙЛАС ЖЕМҚОРЛЫҚҚА ҚАРСЫ ҚЫЗМЕТІ" деген жазу жазылған.

      4. Қызметтік куәліктің сол және оң жақ ішкі бөліктері белгіленген үлгіде көгілдір түсте тангир торы реңкінде күн астында қалықтап бара жатқан қыранның бейнесімен орындалған.

      5. Қызметтік куәліктің сол жақ ішкі бөлігінде:

      жоғарғы бөлігінде: "ҚАЗАҚСТАН РЕСПУБЛИКАСЫНЫҢ МЕМЛЕКЕТТІК ҚЫЗМЕТ ІСТЕРІ ЖӘНЕ СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІНІҢ СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ ҰЛТТЫҚ БЮРОСЫ (СЫБАЙЛАС ЖЕМҚОРЛЫҚҚА ҚАРСЫ ҚЫЗМЕТ)" деген мемлекеттік тілдегі қара түсті жазу бар, төменірек үзіліссіз жолақта "ҚАЗАҚСТАН РЕСПУБЛИКАСЫНЫҢ СЫБАЙЛАС ЖЕМҚОРЛЫҚҚА ҚАРСЫ ҚЫЗМЕТІ" деген қызыл түсті үзіліссіз жазылған шағын мәтін орналасқан;

      Ұлттық бюроның аумақтық органдарының қызметтік куәлігінде шағын мәтін астында тиісті аумақтық органның қысқартылған атауы қара түсте "____________ облысы бойынша департаменті" орналастырылады.

      ортасында қызыл түспен мемлекеттік тілде "№ __ КУӘЛІК" деген жазу орналастырылған, оның астынан қызметкердің біліктілік сыныбы, аты, әкесінің аты (бар болған жағдайда), тегі және атқаратын лауазымы қазақ тілінде көрсетіледі. Қызметтік куәліктің нөмірі қара түспен басылады;

      сол жақ бөлігінде Қазақстан Республикасының мемлекеттік стандарттарына сәйкес Қазақстан Республикасының Елтаңбасы бейнеленген, оның астында қара түсте мемлекеттік тілде "ҚАЗАҚСТАН" деген жазу орналасқан, қара түсте қызметтік куәлік бланкісінің нөмірі көрсетілген;

      сол жақ бөлігінде қызыл түсті графикалық шеңберде орындалған мемлекеттік тілде: "ОҚ ДӘРІМЕН АТЫЛАТЫН ҚАРУДЫ САҚТАУҒА ЖӘНЕ АЛЫП ЖҮРУГЕ РҰҚСАТ ЕТІЛГЕН" деген жазу орналастырылады;

      төменгі бөлігінде қызметтік куәліктің қолдану мерзімі көрсетіледі.

      6. Қызметтік куәліктің оң жақ бөлігінде:

      жоғарғы бөлігінде: "НАЦИОНАЛЬНОЕ БЮРО ПО ПРОТИВОДЕЙСТВИЮ КОРРУПЦИИ (АНТИКОРРУПЦИОННАЯ СЛУЖБА) АГЕНТСТВА РЕСПУБЛИКИ КАЗАХСТАН ПО ДЕЛАМ ГОСУДАРСТВЕННОЙ СЛУЖБЫ И ПРОТИВОДЕЙСТВИЮ КОРРУПЦИИ" деген қара түсті жазу бар, төменірек үзіліссіз жолақта "АНТИКОРРУПЦИОННАЯ СЛУЖБА РЕСПУБЛИКИ КАЗАХСТАН" деген қызыл түсті үзіліссіз жазылған шағын мәтін орналасқан;

      Ұлттық бюроның аумақтық органдарының қызметтік куәлігінде шағын мәтін астында тиісті аумақтық органның қысқартылған атауы қара түсте "Департамент по _______ области" орналастырылады.

      оң жақ бөлігінің ортасында қызыл түспен орыс тілінде "УДОСТОВЕРЕНИЕ № __" деген жазу орналастырылған, оның астынан қара түспен қызметкердің біліктілік сыныбы, аты, әкесінің аты (бар болған жағдайда), тегі және атқаратын лауазымы көрсетіледі. Қызметтік куәліктің нөмірі қара түспен басылады;

      сол жақ бұрышында 3х4 см көлемінде қызметкердің түрлі-түсті фотосуреті (анфас) орналастырылады. Қызметкер, іскерлік киім стилінде ақ фонда бас киімсіз суретке түседі;

      қызметкердің қызметтік куәлігінің оң жақ бөлігінде қызыл түсті графикалық шеңберде орындалған "РАЗРЕШЕНО ХРАНЕНИЕ И НОШЕНИЕ ОГНЕСТРЕЛЬНОГО ОРУЖИЯ" деген орыс тіліндегі жазу орналастырылады.

      7. Тиісті түрде ресімделмеген, сақталу мерзімі өткен, жөнделген немесе түзетілген қызметтік куәлік жарамсыз болып саналады.

3-тарау. Қызметтік куәлікті дайындау және рәсімдеу

      8. Кадр қызметінің тапсырысына сәйкес, қызметтік куәліктерді дайындау әкімшілік-құқықтық жұмыс бөлімшелеріне жүктеледі.

      9. Қызметтік куәлікт алу үшін, қызметкер қызмет өткеріп жатқан орындағы кадр қызметіне 3х4 өлшемі бойынша 2 дана фото суретін тапсырады.

      10. Қызметтік куәліктер 3 жыл мерзімге беріледі.

      11. Қызметтік куәліктер:

      1) Ұлттық бюроның орталық аппараты басқарма басшысының орынбасары мен одан жоғары және Ұлттық бюроның аумақтық органдары басшыларының қызметтік куәліктері Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының қолымен қояды және Ұлттық бюроның елтаңбалық мөрімен растала отырып беріледі.

      2) Ұлттық бюроның қызметкерлеріне Ұлттық бюро Басшысының қолымен және Ұлттық бюроның елтаңбалық мөрімен растала отырып беріледі.

      3) Ұлттық бюроның аумақтық органдары қызметкерлерінің қызметтік куәліктері олардың басшыларының қолымен және аумақтық органның елтаңбалық мөрімен растала отырып беріледі.

4-тарау. Қызметтік куәліктерді беру

      12. Қызметтік куәліктердің есепке ал, тіркеу және беру кадр қызметіне жүктеледі.

      13. Қызметтік куәліктер қызметкерлерге лауазымға тағайындалғанда, ауысқан кезінде, жарамсыз болған, жоғалған, алдынғы берілген қызметтік куәліктің мерзімі өткен жағдайларда беріледі.

      14. Сыбайлас жемқорлыққа қарсы қызметке бірінші рет қабылданып жатқан қызметкерлерге қызметтік куәлікті тапсыру барысында кадр бөлімшесінің қызметкері қызметтік куәлікті қолдану және оны сақтау туралы нұсқама өткізіп, куәліктің және бланкінің номері, қызметкердің тегі, аты, әкесінің аты (бар болған жағдайда), лауазымы, біліктілік сыныбы, берілген күні, қолдану мерзімі, нұсқама жүргізілгендігі туралы, алғандығы туралы, тапсырған күні туралы мәліметтері бар сыбайлас жемқорлыққа қарсы қызмет қызметкерлерінің Қызметтік куәліктерін есепке алу және беру кітабына сәйкесінше белгі қойылады.

      Қызметтік орын ауыстыру кезінде, сыбайлас жемқорлыққа қарсы қызметтен босатылған немесе қызмет атқару мерзімі өткен жағдайда бұрын берілген қызметтік куәлік қабылдап алынған жеріне қайтарылады.

      Кадр қызметтері ішкі қауіпсіздік бөлімшелерімен бірлесе отырып тоқсанына бір рет қызметкерлердің қызметтік куәліктерінің бар болуын тексереді.

      15. Қызметтік куәлікті жоғалтқан жағдайда қызметкерлер үш жұмыс күнінің ішінде жазбаша түрде болған жағдай туралы Ұлттық бюро басшысына немесе сәйкесінше өкілетті басшыға баяндайды.

      Қызметтік куәлікті дұрыс сақтамаудың нәтижесінде орын алған қызметтік куәлікті жоғалтудың, бүлдірудің, сондай-ақ қызметтік куәлікті басқа тұлғаларға табыстаудың және жеке қызметтен тыс мақсаттарға пайдаланудың дерегі бойынша сыбайлас жемқорлыққа қарсы қызмет басшыларының тапсырмасымен қызметтік тергеу амалдары жүргізіледі.

      16. Лауазымнан босатылған жағдайда, сыбайлас жемқорлыққа қарсы қызметінен босатылған кезде, орын ауыстырған жағдайларда сәйкесінше бұйрық шыққан кезден бастап үш күн ішінде қызметкерлер кадр бөлімшесіне өздерінің қызметтік куәліктерін тапсырады.

5-тарау. Қызметтік куәлік бланкілерін есепке алу, сақтау және жою

      17. Шығыс материалдары, қызметтік куәліктер мен қызметтік куәліктерді есепке алу және беру кітабы кадр қызметтерінде жабылатын шкафтарда сақталады.

      18. Бүлінген шығыс материалдарын, сондай-ақ қызметкерлер қайтарған қызметтік куәліктерді кадр қызметі, ішкі қауіпсіздік және қаржы-шаруашылық бөлімшелері қызметкерлерінен құрылған комиссия жою туралы тиісті ерікті нысандағы акт жасай отырып, жоюы тиіс.

Көмек
Көмек
Ай бойы келгендердің барлығы:
Кеше келгендердің барлығы:
Қазір порталда:
URL:
Қате:
Пікір:

Спасибо, информация об ошибке принята.

Извините, в данный момент информация об ошибке не может быть обработана.
Попробуйте позже.