Қайда және қандай құжаттармен жүгінуге болады

ЖТҚ үшін жер телімін беру туралы еркін нысандағы өтінішті әкімдікте толтыру қажет. Сондай-ақ өзімен бірге жеке басын куәландыратын құжаттың түпнұсқасы мен көшірмесі болуы керек.

Жер телімін қай жерде алғыңыз келсе, тиісті әкімдікке жүгіну қажет. Егер телім:

• Республикалық маңызы бар қала және астана шекараларының шегінде болса – республикалық маңызы бар қала және астана әкімдігіне;
• облыстық маңызы бар қала шекарасы шегінде болса – облыстық маңызы бар қала әкімдігіне;
• аудандық маңызы бар қала шекараларының шегінде болса – аудандық маңызы бар қала әкіміне;
• кент шекарасының шегінде болса – кент әкіміне;
• ауыл (село) шекарасының шегінде болса – ауыл (село), ауылдық (селолық) округ әкіміне.

Өтініште жер телімін пайдалану мақсатын, оның шекті мөлшерін, орналасқан жерін, сұралып отырған пайдалану құқығын және сізге келетін қандай да бір басқа жер телімі туралы ақпаратты көрсету қажет.

Қызмет

– Жер телімін алуға кезекке қою

Қарау мерзімі

Өтінішті қараудың жалпы мерзімі 2 айды құрайды.

Әкімдік сұралып отырған жер телімін пайдалану мүмкіндігін анықтау үшін құжаттарды жер қатынастары және сәулет жөніндегі уәкілетті органға жолдайды. Қарау мерзімі 10 жұмыс күніне дейін.

Одан әрі 2 жұмыс күні ішінде жер комиссиясының қарауына жіберіледі.

Болмаған жағдайда дайындалған алаңдарды бөлу үшін, өтініш арнаулы есепке алынады, яғни кезекке қойылады.

Содан кейін 2 жұмыс күні ішінде жалпы тізімдегі кезек нөмірі көрсетілген хабарлама беріледі. Дайын алаңдар пайда болған жағдайда Сізге алаң дайын болған күннен бастап бір ай ішінде өтініш беру қажеттілігі туралы хабарлама жіберіледі.

Жер телімін бөлуге арналған алаңдарды дайындау туралы ақпарат және жер телімін алуға кезектілік тізімі ашық болып табылады және әкімдіктердің веб-сайттарында және (немесе) жергілікті БАҚ-та жариялау жолымен орналастырылады.

Алу кезегі келген кезде, Сізге әкімдікке жүгіну және бөлінген жер теліміне уақытша өтеулі пайдалану (жалдау) құқығын ресімдеу үшін қажетті құжаттарды ұсыну қажет болады.

– Уақытша өтеулі (ұзақ мерзімді, қысқа мерзімді) жер пайдалану (жалдау) құқығына актілерді ресімдеу және алу

Содан кейін жер телімінің шекарасын белгілеуге өтініш жазу және жер теліміне сәйкестендіру құжатын алу қажет.

– Жылжымайтын мүлік объектілерінің техникалық паспортын алуға электрондық өтініш беру

Жерге орналастыру жұмыстары мен актілерді дайындау үшін сіз төлейтініңіз туралы ескеру қажет.

Жер пайдалануға акт берілген сәттен бастап жарты жылдан кейін тұрғын үйді тапсыру қажет, яғни жеке тұрғын үйді пайдалануға беру туралы актіге қол қою қажет.

– Жер теліміне жеке меншік құқығына актілерді ресімдеу және алу

Тек осы жағдайда жер телімі жеке меншікке берілуі мүмкін.

Егер жарты жыл ішінде үй салынбаса, әкімдікке жүгіну және уақытша жалдау мерзімін бір жылға дейін ұзарту қажет. Егер екі жыл ішінде жер телімі мақсаты бойынша пайдаланылмаса – яғни, құрылыс немесе жеке тұрғын үйді пайдалану жүргізілмейтін болса, мемлекет оны тартып алуға құқылы (Жер Кодексінің 92-бабы). Бұл ретте, егер еңсерілмейтін күштің кедергілері болмаса, Жер кодексінің 93-бабы бойынша мемлекетке залалды өтеуге тура келеді .

Осылайша, мемлекеттен жер телімін ала отырып, үйді салғанда және "тапсырғанда" ғана телімнің толық құқықты иесі бола аласыз, осы сәтке дейін ол уақытша пайдалануда – жалға алуда болады.

Бұрын уақытша өтеулі жер пайдалану (жалдау) құқығымен берілген жер телімін жеке меншікке алу үшін келесі құжаттарды ұсыну қажет:

• Жеке меншік құқығында жеке тұрғын үй құрылысы үшін жер телімін беру туралы өтініш.
• Жеке басын куәландыратын құжат, түпнұсқасы мен көшірмесі.
• Жер теліміндегі салынған жеке тұрғын үйді пайдалануға қабылдау актісі.
• Жер теліміне сәйкестендіру құжаты.

Құжаттарды ұсынған сәттен бастап жер теліміне жеке меншік құқығын беру туралы әкімдік шешімі жеті жұмыс күніне дейінгі мерзімде қабылданады. Бұдан әрі жер теліміне құқықты тіркеу қажет.

– Жылжымайтын мүлікке құқықтарды (ауыртпалықтарды) мемлекеттік тіркеу