Айдар парағына өту

Мемлекеттік сатып алу порталы Баспаға шығару нұсқасы

Cоңғы өзгеріс: 02.12.2020

6_29.jpg

Мемлекеттік сатып алу веб-порталы (goszakup.gov.kz) – бұл мемлекеттік сатып алуды нақты уақыт режимінде өткізуге мүмкіндік беретін мемлекеттік ақпараттық жүйе.

Портал тапсырыс берушілердің тауарларды, жұмыстарды, көрсетілетін қызметтерді жеткізуге қажеттіліктері, оларды шоғырландыру, сатып алу рәсімдерін жүргізу, өнім берушіні айқындау, электрондық шарттар жасасу және олардың орындалуы туралы ақпараттың жариялануын қамтамасыз етеді.

Порталдың функционалына кіреді:

  • процеске қатысушыларды тіркеу;
  • мемлекеттік сатып алуды жоспарлау;
  • өткізілген мемлекеттік сатып алулар туралы ақпарат жинау;
  • электрондық мемлекеттік сатып алуды жүргізу, оның ішінде тапсырыс беруші мен әлеуетті өнім беруші арасында электрондық құжаттармен алмасу;
  • жоспарланған, өткізілетін және жүзеге асырылған мемлекеттік сатып алу туралы ақпарат беру;
  • статистика мен есептілікті қалыптастыру;
  • түсіндірмелерді және нормативтік-анықтамалық ақпаратты жариялау;
  • мемлекеттік сатып алу тізіліміне енгізілетін мәліметтерді ұсыну және жариялау.

Жүйе шешетін міндеттер:

  • Мемлекет мұқтажы үшін тауарларды, жұмыстарды және қызметтерді сатып алуға бюджеттік шығыстарды төмендетеді;
  • Мемлекеттік тапсырысты қалыптастырудың және орналастырудың бірыңғай тәртібін қамтамасыз етеді;
  • Өнім берушілер арасында бәсекелестіктің тең жағдайларын жасайды;
  • Жинақталған ақпаратқа жылдам қол жеткізуді қамтамасыз етеді;
  • Қағаз құжат айналымын айтарлықтай азайтады;
  • Мемлекеттік сатып алу процесінің ашықтығы мен айқындылығын арттырады;
  • Мемлекеттік сатып алу процесінде құқық бұзушылықтар санын төмендетеді.

Порталмен қалай жұмыс істеу керек

Электрондық мемлекеттік сатып алуға қатысу үшін ЭЦҚ болуы, пайдаланушы ретінде тіркелу және тапсырыс беруші, ұйымдастырушы не өнім беруші ретінде өз ұйымын тіркеу талап етіледі. Тіркеу жөніндегі нұсқаулықтар жеке бөлімде орналасқан.

Порталдың "Көмек" бөлімінде мемлекеттік сатып алуды өткізуге, ұйымдастыруға немесе қатысуға көмектесетін толық жазылған басшылықтарды табуға болады:

Мемлекеттік органдардың өткізілетін сатып алу туралы ақпаратты қарау үшін хабарландырудың, лоттардың тарауларына өту қажет, квазимемсектордан ұйымдардың сатып алуларын олардың жеке бөлімшесінде табуға болады.

Мемлекеттік сатып алу/конкурстық үдерістерінің нәтижелері туралы ақпарат

Мемлекеттік сатып алу порталы әрбір мемлекеттік органның және оның есеп беретін ұйымдарының жылдық жоспарлары бойынша есептерді қалыптастыруға мүмкіндік береді. Ол үшін "Жылдық жоспарлар" Есебі бөліміне өту керек, параметрлерді (Тапсырыс берушінің жылын, атауын немесе БСН) қою керек және есепті бірден порталда қалыптастыру немесе оны Excel форматында түсіру керек.

Ф. 1 есебі өткізілген тауарларды, жұмыстарды және көрсетілетін қызметтерді мемлекеттік сатып алу туралы осы бет арқылы қалыптастырылады. Есепті келесі параметрлер бойынша сүзуге болады:

  • Жыл
  • Тапсырыс берушінің БСН
  • Есептілік әкімшісі
  • Қаржыландыру көзі
  • Бюджет түрлері (республикалық немесе жергілікті)
  • Жоспар тармағының үлгісі (қаржы жылынан асатын не аспайтын сатып алу, шартты үнемдеу есебінен сатып алу)
  • Аймақ
  • ҰҚНЖ (ұйымдық-құқықтық нысандар жіктеуіші бойынша коды)
  • ТЖҚК (тауарлар, жұмыстар мен қызметтер каталогынан коды)

Сондай-ақ Қазақстан Республикасының Кәсіпкерлік Кодексінде көзделген мемлекеттік сатып алу веб-порталымен интеграцияланған тауарлардың, жұмыстардың, көрсетілетін қызметтердің және оларды берушілердің дерекқорына енгізілген отандық тауар өндірушілерден сатып алу көлемі туралы ақпаратпен Ф. 4 есебін құру мүмкіндігі бар. Осы есепті қалыптастырған кезде жоғарыда көрсетілген фильтрді пайдалану және мемлекеттік сатып алу тәсілін қосымша көрсету қажет.

Қолданыстағы мемлекеттік сатып алу шарттарына мониторинг жүргізу және бағалау мүмкіндігі

Сатып алу тәсілдері бойынша немесе есептілік әкімшілері бойынша тауарлардың сатып алу бағаларының мониторингі арнайы бөлімде жүргізіледі.

Сондай-ақ жеке нысандар арқылы cубъектілер бөлінісінде бағалары мен сатып алу бағаларының мониторингі бойынша талдамалық есептер жасауға болады.

Болашақ сатып алулар туралы ақпарат

"Мемлекеттік сатып алу жоспарларының тізілімі" бөлімінде жоспарланған соңғы мемлекеттік сатып алудың барлық тізімімен, оларды келесі параметрлер бойынша сүзу мүмкіндігімен танысуға болады:

  • Жоспар тармағының атауы
  • Тапсырыс берушінің атауы/БСН
  • Сатып алу тәсілі
  • Сатып алу мерзімі
  • Қаржы жылы
  • Спецификациясы
  • Мәртебесі
  • Жеткізу орны
  • Сатып алынатын зат
  • Субъектінің белгісі

Сондай-ақ мұнда бекітілген жоспар тармақтары бойынша статистиканы көруге мүмкіндік берілген.

Мемлекеттік сатып алуды өткізу тәсілдері

Заңға сәйкес мемлекеттік сатып алу мынадай тәсілдердің бірімен жүзеге асырылады:

  • конкурс тәсілімен; 
  • баға ұсыныстарын сұрату; 
  • бір көзден алу; 
  • аукциондар;
  • тауар биржалары арқылы.

Жоғарыда белгіленген сатып алу түрлері электрондық мемлекеттік сатып алуды өткізу қағидаларында айқындалған тәртіппен электрондық түрде жүргізілуі мүмкін.

Ашық конкурс арқылы мемлекеттік сатып алу

Аукцион тәсілімен мемлекеттік сатып алу

Баға ұсыныстарын сұрату тәсілімен мемлекеттік сатып алу

Бір көзден тәсілімен тауар биржалары арқылы тауарларды мемлекеттік сатып алу 

Мемлекеттік сатып алу туралы шарт жасасу

 

Көмек
Көмек
Ай бойы келгендердің барлығы:
Кеше келгендердің барлығы:
Қазір порталда:
URL:
Қате:
Пікір:

Спасибо, информация об ошибке принята.

Извините, в данный момент информация об ошибке не может быть обработана.
Попробуйте позже.