Жаңартылған eGov Mobile мобильді қосымшасы іске қосылғаннан бері бес жыл өтті. Бүгінде әрбір екінші қазақстандық eGov Mobile пайдаланушысы болып табылады, ол ай сайын 4 миллионға жуық пайдаланушыға мемлекеттік қызмет көрсетеді.

Қосымшаның алғашқы нұсқасы 2012 жылы іске қосылды және mGov деп аталды. Оған атаулы және зейнетақы анықтамасын, жылжымайтын мүлік пен ауыртпалықтардың болуы туралы анықтаманы алу, сондай-ақ айыппұлдарды, салықтар мен мемлекеттік баждарды төлеу жөніндегі сервис сияқты электрондық мемлекеттік көрсетілетін қызметтер енгізілді. 2019 жылға қарай mGov қосымшасы халыққа 70-ке жуық қызметтер мен сервистерді ұсынды.

2019 жылы өнімнің ребрендингі болды және электрондық үкіметтің мобильді қосымшасы дизайнды жаңартты әрі осы сәттен бастап барлығына таныс eGov Mobile таныстырылды. 2020 жылы биометриялық сәйкестендіруді енгізу маңызды сәттердің бірі болды, бұл мемлекеттік қызметтерді алу кезінде, соның ішінде пандемия кезінде кедергілерді азайтуға көмектесті.

Алдағы бес жылда жаңартылған қосымшаның пайдаланушылары 15 есе артты және  бүгінгі таңда мемлекеттік қызметтер мен сервистердің 90% eGov Mobile арқылы алуға болады. Нәтижесінде, ай сайынғы белсенді пайдаланушылар саны 4 миллионға жетіп, ал күнделікті пайдаланушылар саны 190 мыңнан асты. EGov Mobile-да elicense порталында жеке тұлғалар үшін 208 мемлекеттік көрсетілетін қызмет және  ішкі түрдегі 759 көрсетілетін қызмет, сондай-ақ eGov Business-тің 34 көрсетілетін қызметі қолжетімді.

Енді қосымшаның арқасында физикалық құжаттарды алып жүру қажеттілігі жойылды, өйткені «Цифрлық құжаттар» сервисі іске асырылғаннан бері қазақстандықтар өз құжаттарының цифрлық нұсқасын 13 миллионнан астам рет пайдаланды. Кейінірек азаматтарға ыңғайлы болу үшін бұл қызмет танымал банктік қосымшаларға біріктірілді.

Сонымен қатар, eGov Mobile технологиялық шешімдерінің бірі ЭЦҚ алу және QR-кодты қолдану арқылы құжаттарға қол қою мүмкіндігі болып табылады. Бүгінгі таңда қол қоюдың бұл әдісі шамамен 9 миллион рет қолданылды және бұл көрсеткіш сенімді түрде өсуде.

Бүгінгі таңда eGov Mobile мобильді қосымшасын App Store, Play Market және Huawei AppGallery қолданбалар дүкендерінен жүктеуге болады және IOS және Android мобильді құрылғыларында жұмыс істейді. IOS базасында egov Mobile пайдаланушыларының саны 3,6 млн-нан астам, Android жүйесінде – 5,1 млн-нан астам және Huawei платформасында – 850 мыңнан астам пайдаланушы бар.

2024 жылдың шілде айында мобильді электрондық үкіметтің жаңа компоненті - eGov Business кәсіпкерлеріне арналған қосымша ұсынылды. Мобильді қосымшаның дамуының арқасында шағын және орта бизнес өкілдері өз смартфондары арқылы мемлекеттік қызметтер мен сервистерді оңай пайдалана алады. Мысалы, eGov Business қолданушылары бірнеше рет басу арқылы заңды тұлғаның бірінші басшысын тіркеп, ЭЦҚ шығаруға өтінім бере алады, QR код арқылы құжаттарға қол қоя алады және басқа да қызметтерді жүзеге асыра алады.

Бүгінгі таңда eGov Mobile мобильді қосымшасы - мемлекеттік органдардың сервистеріне арналған алаң. eGov Mobile азаматтардың мемлекетпен өзара іс-қимылының маңызды құралы болып табылады және пайдаланушылар тарапынан өсіп келе жатқан қызығушылық пен сенімді растайды. Алда әлі де көптеген инновациялар бар, ал ҰАТ командасы өзінің мақсаты – мемлекеттік қызметтерді әрбір қазақстандық үшін барынша қолжетімді және ыңғайлы етуге сенімді түрде жылжуда.