Шарт талаптарына сәйкестігі. Шартта айтылғанның барлығы –мерзімдері, ауданы, өңдеу және т.б. Себебі құрылыстағы шарт талаптары әр түрлі, өз шартыңызбен салыстырыңыз.
Тұтастұрғы, лоджиялар, балкон және есіктер. Онда жарықтар болмауы тиіс, барлық бөліктері тығыз жабылуы, ақаулар болмауы, жарықтар ауа ағынын өткізбеуі тиіс (оған дыбыспен немесе алақанды қою арқылы көз жеткізуге болады). Есіктер және терезелер дәл келтірілуі, қиындықсыз ашылып, жабылуы тиіс. Ылғал және көгерулердің іздері және ағулар болмауы тиістігіне, бірінші жаңбыр күні қиындықтар туындамайтындығына көз жеткізіңіз.
Қабырғалар, төбелер, едендер және өңдеу. Қабырғалар, төбелер және еден тегіс, ойықсыз, бүктелусіз, жарықсыз және тік бұрыштармен болуы тиіс. Қуыс саңылаулар болмауы тиіс, себебі болашақта пәтерде жел соғуы мүмкін. Өңдеу үлескерлік құрылыс шартында айтылған талаптарға байланысты емес, алайда бұл жерде дизаин және сіздің талғамыңыз туралы сөз болып отырмағанын, ал жұмыс сапасы мен материалдар туралы айтылып отырғанын ескерген жөн.
Сумен қамту, электр көзі, жылу, желдету. Барлық жерде крандар/құбырлардың ақпайтынын тексеріңіз. Лампаны бұраңыз және оның жанып тұрғанын, зарядтық құрылғы көмегімен розеткалардың жұмыс істеуін және кернеудің жеткілікті болуын тексеріңіз. Егер қабылдау жазда болса батареяларды тексеру қиын, бұл жағдайда тек көзбен тексеру арқылы ғана бағалауға болады. Желдету туралы әдетте жиі ұмытады, бірақ болашақта құрылысшыдан басқа адамға бұл мәселені шешу қиынға түседі. Желдету саңылауы міндетті түрде ваннада және ас бөлмесінде болуы тиіс, ал оларды тексеру үшін жанған шырпыны, қағазды немесе тұтатқышты әкелу жеткілікті.
Егер сіз пәтерді таза өңдеуде қабылдасаңыз, өңдеу материалдарының және жұмыстарының сапасына назар аудару қажет : линолеум, түсқағаздар, ламинат және т.б. айтылғандар.
Егер үйге сумен қамту/кәріз/электр тогы тартылмаған болса, пәтерді қабылдау актісіне қол қою ұсынылмайды, себебі бұндай үй пайдалануға беріле алмайды. Ал осыған дейін қабылдау актісіне қол қою сізгеболашақта жұмыстарды адал орындау кепілдігін бермейді. Өзінің тұрғын алаңын жылдамырақ аламыз деп асығуда алаң иелері жаңа тұрғын үйдің сапасына жеткілікті назар аудармайды және қарауды аса мән бермей өткізеді. Ал сол арада, салушыдан қабылдау жұмыстарын өткізу құрылыстағы ең маңызды кезеңдерінің бірі болып табылады және оны ешбір жағдайда елемеуге болмайды. Өйткені, бұл үлестік құрылыс шарттарында айтылған жұмыстар тізбесіндегі барлық шарттардың орындалғанын анықтау үшін соңғы мүмкіндік болып табылады. Қабылдау фактісіне өте мұқият дайындалуға тырысыңыз. Өзіңізбен бірге құрылыс салушы фирмасымен шарттың көшірмесін алыңыз. Ірі құрылыс фирмалары осындай мақсаттар үшін арнайы қарау парағын береді, егер сізге ондайды бермесе, онда компанияның өкілінен осы құжаттың түрін беруге талап етіңіз. Жаңа салынған үй тексерісін күндізгі уақытта жасаған жөн, өйткені, табиғи жарық сәулесінде сіз бар қателіктер мен дәлсіздіктерді таба аласыз, ал шам жарығында оларды табу қиын болады.