2.1 Тіркеу куәліктерін шығаруға өтінім беру
Браузерді іске қосыңыз және мекенжай жолында www.pki.gov.kz теріңіз. Қазақстан Республикасы Ұлттық куәландырушы орталықтың басты парағы пайда болады (1-сурет).
«ЭЦҚ кілтін алу» мәзірін басыңыз, «Заңды тұлғалар» бөліміне кіріңіз. Пайда болатын мәзірден «Қазынашылық-Клиент АЖ қатысушы» тармағын таңдаңыз (2-сурет).
Ашылған терезедегі ақпаратпен танысыңыз және «Өтінім беру» батырмасын басыңыз (3-сурет).
Содан кейін пайдалану келісімімен танысыңыз, қанат белгісін қойыңыз және «Енгізу» батырмасын басыңыз (4-сурет).
Ашылған терезеге БСН және суреттегі кодты енгізіңіз (5-сурет), «БСН тексеру» батырмасын басыңыз.
ЗТ МДҚ базасымен енгізілген БСН сәтті тексергеннен кейін «Ұйым атауы» жолында ұйымның тіркелген атауы көрсетіледі.
Одан әрі-ЖСН енгізіңіз және «ЖСН тексеру» батырмасын басыңыз (6-сурет).
ЖТ МДҚ базасымен енгізілген ЖСН сәтті тексергеннен кейін Сіздің ТАӘ туралы деректер автоматты түрде толтырылады.
Содан кейін «E-mail» жолына (бұл жол міндетті емес) өз электрондық почта мекенжайын енгізу қажет. Осы электрондық пошта мекенжайына Сізге ЭЦҚ жай-күйі туралы ақпарат келіп түседі, сондай-ақ өтінімді беру аяқталғаннан кейін Сізге өтінімнің нөмірі мен Тіркеу орталығына ұсынуға арналған өтініш жіберіледі.
Назар аударыңыз! «E-mail» жолын мұқият толтырыңыз, егер Сіз қате жіберсеңіз, сәтті тіркеу туралы хабарлама сіздің электрондық мекенжайыңызға келіп түспейді.
Одан әрі іздеу белігісіне басып, «Ролін» көрсетіңіз (7-сурет).
Төмен берілген өтінім расталатын облыс пен қаланы ретімен көрсетіңіз (8-сурет).
ММ/КСС жолына ММ/КСС тіркелген кодын енгізіңіз.
Содан кейін, тізімнен «Кілттерді сақтау орны» түрін таңдау қажет - Дербес компьютер, eToken PRO 72K, JaCarta, Kaztoken.
Одан әрі кілттерді сақтау орнына жету жолын таңдаңыз. Тізімдегі қорғалған тасығыштарды пайдаланған жағдайда, бағдарлама компьютерге қосылған құрылғыларды өзі тауып, сізге ұсынады (9-сурет).
Сақтау орны ретінде «Дербес компьютер» таңдалған жағдайда, «Кілттерді сақтау орнына дейінгі жол» жолында кілтті контейнерлер (жабық кілттер) құрылатын буманы көрсетіп, «Ашу» батырмасын басыңыз (10, 11-суреттер).
Назар аударыңыз! «Дербес компьютер» кілттерді сақтау орны қауіпсіз емес. ЭЦҚ кілттеріне нұқсан келу қатерін төмендету үшін қорғалған кілтті ақпаратты тасымалдағышын қолдануды ұсынамыз.
Одан әрі «Өтінім беру» батырмасын басыңыз (12-сурет).
Келесі терезеде өтінімнің нөмірі пайда болады.
Назар аударыңыз! Өтінімнің нөмірін есте сақтаңыз, ол Сіздің өтінімді Тіркеу орталығында сәйкестендіру, сондай-ақ шығарылған тіркеу куәліктерін орнату үшін қажет.
Өтінішті Сіз үшін ыңғайлы форматта сақтаңыз және басып шығарыңыз (13-сурет).
Өтінімді бергеннен кейін Сіздің компьютерде жабық кілттер қалыптастырылды. Өтінішті берген кезде Сіз көрсеткен жол арқылы буманы ашып, олардың бар болуына көз жеткізе аласыз (14-сурет).
Өтінішті сәтті ұсынғаннан кейін Сіздің e-mail-ге (оны тіркеу кезінде көрсеткен жағдайда) өтініміңіздің нөмірі көрсетілген ҚР ҰКО сайтында тіркеу куәліктерін алуға өтінім берілгені туралы жазбаша хабарлама келеді. ҚР ҰКО ақпараттық хатты жеткізу үшін жауапты болмайтынына назар аударамыз. Хабарлама болмаған жағдайда спам бумасын тексеріңіз, көрсетілген мекенжайдың дұрыстығын тексеріңіз, немесе почталық серверіңіздің сенімділігіне көз жеткізіңіз.
Назар аударыңыз! Өтінімді жібергеннен кейін ұсынылған өтінімді растау үшін заңды тұлғаның Бірінші басшысына немесе қол қою құқығы бар қызметкерге жүгіну қажет.
Сұрау салуды жібергеннен кейін өтінімді ұсынған күнінен бастап 1 айдың ішінде бекітілген құжаттар пакетімен Тіркеу орталығына жүгіну қажет. Сіз көрсетілген кезеңде өтінімді Тіркеу орталығында растамаған жағдайда өтінім жойылады. Құжаттардың қажет тізімімен ресми сайтта таныса аласыз.
2.2 Өтінімнің мәртебесін тексеру және тіркеу куәліктерін орнату
Өтінімді Тіркеу орталығында растағаннан кейін Өтініміңіздің мәртебесін тексеру функционалын пайдаланыңыз.
Ол үшін «Берілген өтінімнің мәртебесі» бөліміне өтіңіз (15-сурет).
Ашылған терезедегі «Өтінім нөмірі» жолына On-line өтінім берген кезде Сіз алған өтінімнің бірегей нөмірін енгізіңіз және «Іздеу» батырмасын басыңыз (16-сурет).
Сіздің өтініміңіз туралы ақпарат ұсынылады, одан Сіз өтінімнің ағымдағы мәртебесін көре аласыз.
«Өтінімнің мәртебесі» жолында берілген өтінімнің өту кезеңі көрсетіледі.
Тіркеу куәліктері сәтті шығарылған кезде – «Өтінім бойынша шығарылған тіркеу куәліктері (сертификаттар)» мәртебесі көрсетілетін болады (17-сурет).
Тіркеу куәліктерін орнату үшін жабық кілттеріңіз сақталған папканы көрсетіңіз және іздеу белгісін басыңыз. Өтінімді берген кезде қалыптастырылған жабық кілттеріңізді сақтау орнын көрсетіңіз. Және «Ашу» батырмасын басыңыз.
Назар аударыңыз! Кілттер қолдау көрсетілетін қорғалған тасығыштардың біреуіне шығарылған жағдайда: eToken 72K, JaCarta, Kaztoken, тіркеу куәліктерін орнатқан кезде құрылғыны алдын ала компьютерге қосыңыз (18-сурет).
Кілттерді сақтау орны ретінде Дербес компьютерді пайдаланған жағдайда –парольді толтыру жолдары пайда болады (19-сурет). Өзіңіздің ЭЦҚ кілттеріне пароль ойлап табыңыз.
Назар аударыңыз! Пароль жоғарғы және төменгі тіркелімдегі латын әріптерінен, сондай-ақ сандарынан тұрады. Парольдің ең қысқа ұзындығы: 8 символ.
Көрсетілген парольді міндетті түрде есте сақтаңыз!
Пароль қалпына келтірілмейді! ҚР ҰКО Сіздің парольдерді сақтамайды және пароль жоғалған жағдайда, бұл кілттерді кері қайтару қажет.
«Сертификаттарды жүктеу» батырмасын басыңыз.
Тіркеу куәліктерін орнатқаннан кейін өтінімнің «Сертификаттар сәтті орнатылды» деген мәртебесі көрсетілген терезе ашылады (20-сурет).
Өтінішті ұсынған кезде көрсетілген буманы ашыңыз. Тіркеу куәліктерін алудың барлық кезеңдерінен сәтті өткен кезде бумада қолдануға дайын жабық кілттері бар екі тіркеу куәлігі болады (21-сурет).
Тіркеу куәліктерін алған кезде қиындықтар туындаған жағдайда 1414 телефоны бойынша техникалық қолдауға немесе support@pki.gov.kz электрондық поштаға
хабарласуды сұраймыз.