Ваш браузер не поддерживает JavaScript или его поддержка отключена. Пожалуста включите JavaScript, т.к. он необходим для корректной работы портала Электронного правительства Республики Казахстан.

Қазақстандағы жеке сот орындаушысы: байланыс ақпараты және қызметтер үшін тарифтер Баспаға шығару нұсқасы

Cоңғы өзгеріс: 04.06.2024

Пайдалы сілтемелер:

Борышкерлердің тізілімі немесе елден қарыздар үшін шығармаса, не істеу керек?

Жылжымайтын мүлiктiң болмауы (болуы) туралы анықтама беру

Облыс орталықтары мен Астана, Алматы қалаларының Әділет департаменттері

Сондай-ақ қараңыздар:

ҚР емханаларының байланыс мәліметтері

ҚР бойынша негізгі аудандық және аумақтық балалар ауруханалдың (емханалардың) байланыс мәліметтері

ҚР Медициналық институттары және академиялар

Назарбаев университетіне оқуға қалай түсуге болады

Егер құжаттарда қателер болса немесе жеке куәлікте немесе туу туралы куәлікке өзгертулерді қалай енгізуге болады

балға Жеке сот орындаушысы – атқарушылық құжаттарды орындау жөніндегі қызметпен айналысу құқығына уәкілетті орган берген лицензия негізінде, заңды тұлға құрмай атқарушылық құжаттарды орындау бойынша жеке практикамен айналысатын Қазақстан Республикасының азаматы.

Жеке сот орындаушысының қызметіне ақы төлеу мөлшерлері

Қазақстан Республикасы Әділет министрінің 2023 жылғы 27 маусымдағы № 416 бұйрығына сәйкес атқарушылық іс жүргізу шеңберінде істің санатына байланысты төленетін жеке сот орындаушысының қызметіне ақы төлеу сомасы мынадай мөлшерде белгіленеді:

1. Мүліктік (ақшалай) сипаттағы атқарушылық құжаттар үшін мынадай сомалар бойынша:

60 АЕК-ке дейін болса - өндіріп алу сомасының 25 пайызы мөлшерінде;
60 АЕК-тен 300 АЕК-ке дейін болса - өндіріп алу сомасының 20 пайызы мөлшерінде;
300 АЕК-тен 1000 АЕК-ке дейін болса - өндіріп алу сомасының 15 пайызы мөлшерінде;
1 000 АЕК-тен 5 000 АЕК-ке дейін болса - өндіріп алу сомасының 10 пайызы мөлшерінде;
5 000 АЕК-тен 10 000 АЕК-ке дейін болса - өндіріп алу сомасының 8 пайызы мөлшерінде;
10 000 АЕК-тен 20 000 АЕК-ке дейін болса - өндіріп алу сомасының 5 пайызы мөлшерінде;
20 000 АЕК-тен жоғары болса - өндіріп алу сомасының 3 пайызы мөлшерінде.

Мүліктік емес (ақшалай емес) сипаттағы атқарушылық құжаттар үшін:

шығару және (немесе) үйге орналастыру, борышкерді белгілі бір әрекеттер жасауға және (немесе) оларды жасаудан тартынуға міндеттеу туралы атқарушылық құжаттар бойынша - жеке тұлғалардан 50 АЕК, заңды тұлғалардан 100 АЕК;
талап қоюды қамтамасыз ету, мүлікті тыйым салудан босату және өзге атқарушылық құжаттар бойынша – жеке тұлғалардан 10 АЕК, заңды тұлғалардан 20 АЕК;
баламен қарым-қатынас жасау тәртібі туралы – жеке тұлғалардан ай сайын 20 АЕК мөлшерінде.

Мерзімді төлемдерді өндіріп алу туралы атқарушылық құжаттар үшін:

алименттерді өндіріп алу және жарақаттанудан немесе денсаулықты өзге де зақымдаудан келтірілген зиянды өтеу туралы, өндіріп алу сомасының 1 АЕК мөлшерінде тоқсан сайын.

Пайда болған берешекті өндіріп алу кезінде жеке сот орындаушының қызметіне ақы төлеу осы жеке сот орындаушысының қызметіне ақы төлеу мөлшерлерінің 1) тармақшасына сәйкес жүзеге асырылады.

Ескертпе: өндіріп алу сомасы - атқарушылық құжатта көрсетілген ақшалай талаптың не өндіріп алушы мәжбүрлеп орындатуға ұсынған ақшалай талаптың бір бөлігінің мөлшері.

Егер мүліктік сипаттағы атқарушылық құжат ішінара орындалса, онда жеке сот орындаушысына оның қызмет ақысының өндіріп алынған сомаға немесе мүлік құнына пропорционалды бір бөлігі ғана төленеді.

Баламен қарым-қатынас жасау тәртібі туралы атқарушылық құжаттар бойынша жеке сот орындаушысының қызметіне ақы төлеу өндіріп алушы мен борышкерге тең үлестермен жүктеледі.

Жеке сот орындаушысының қызметіне ақы төлеу сомасын қамтамасыз ету шараларын қолдану туралы өтініш жасаған тараптан өндіріп алынады. Талап қоюды қамтамасыз етудің күшін жою туралы атқарушылық құжат бойынша жеке сот орындаушысының қызметіне ақы төлеу қамтамасыз ету шараларын қолдану туралы өтінішті мәлімдеген және талап қоюдан бас тартылған тұлғадан өндіріп алынады. Талап қанағаттандырылған жағдайда жеке сот орындаушысының талап қоюды қамтамасыз етудің күшін жою туралы атқарушылық құжат бойынша қызметіне ақы төлеу өзіне қатысты қамтамасыз ету шаралары қабылданған тұлғадан өндіріп алынады.

АЕК – "Республикалық бюджет туралы" Қазақстан Республикасының Заңымен жыл сайын белгіленетін айлық есептік көрсеткіш.

Жеке сот орындаушыларының өңірлік палатасы:

Астана қаласының жеке сот орындаушыларының өңірлік палатасы

Алматы қаласының жеке сот орындаушыларының өңірлік палатасы

Шымкент қаласының жеке сот орындаушыларының өңірлік палатасы

Ақмола облысының жеке сот орындаушыларының өңірлік палатасы

Алматы облысының жеке сот орындаушыларының өңірлік палатасы

Қостанай облысының жеке сот орындаушыларының өңірлік палатасы

Павлодар облысының жеке сот орындаушыларының өңірлік палатасы

Қарағанды облысының жеке сот орындаушыларының өңірлік палатасы

Шығыс-Қазақстан облысының жеке сот орындаушыларының өңірлік палатасы

Қызылорда облысының жеке сот орындаушыларының өңірлік палатасы