Мобильді азаматтар базасында (МАБ) абоненттік нөмірді тіркеу жөніндегі нұсқаулық Баспаға шығару нұсқасы

Мобильді азаматтар базасы (МАБ) - мемлекеттік көрсетілетін қызметтерді электрондық форматта алу, бір реттік SMS-код арқылы әрекеттерді растау, сондай-ақ eGov.kz порталында көрсетілетін қызметтерге кіру және қол қою үшін пайдаланылатын мобильді нөмірлердің бірыңғай базасы.

Мобильді азаматтар базасында (МАБ) тіркелу үшін:

• байланыс операторында атыңызға тіркелген жарамды мобильді телефон нөмірі болуы қажет.

МАБ-та сәтті тіркелгеннен кейін сіз авторизациядан өтіп, электрондық қызметтерге SMS-пароль арқылы қол қоя аласыз.

1-қадам. МАБ-та нөмірді қалай тіркеуге болады

eGov.kz порталына өтіп, келесі бөлімді ашыңыз: Азаматтарға-Көлік және коммуникациялар-Коммуникациялар, «Мобильді азаматтар базасында абоненттік нөмірді тіркеу» қызметін таңдаңыз және «Қызметті онлайн алу» батырмасын басыңыз.

2-қадам. Пайдаланушыны тексеру

ЖСН енгізіп, «Сұрау салу жіберу» батырмасын басыңыз.

3-қадам. Телефон нөмірін растау

Жүйе сіздің ЖСН-ге тіркелген мобильді телефон нөмірін көрсетеді. 

Егер ЖСН-ге бірнеше нөмір тіркелген болса, Мобильді азаматтар базасында тіркеу қажет нөмірді таңдаңыз.

«Бір реттік SMS-кодты жіберу» батырмасын басыңыз.

4-қадам. SMS-код арқылы растау

1414 нөмірінен таңдалған телефон нөміріне келген бір реттік SMS-кодты енгізіп, «Растау» батырмасын басыңыз.

5-қадам. Тіркеуді аяқтау

Растау сәтті аяқталғаннан кейін Мобильді азаматтар базасында тіркеу аяқталады.

Назар аударыңыз

• Нөмір мобильді операторда сіздің ЖСН-ге тіркелген болуы тиіс.
• SMS-код 1414 нөмірінен жіберіледі.
• SMS келмеген жағдайда желі қолжетімділігін тексеріп, қайта әрекет етіңіз.
• Техникалық қателер туындаған жағдайда Бірыңғай байланыс орталығына 1414 нөмірі арқылы хабарласыңыз.