Электрондық қызметтерді алу бойынша нұсқаулық Баспаға шығару нұсқасы

Cоңғы өзгеріс: 22.07.2019

Жол қозғалысы ережесін бұзғаны үшін айыппұл төлеу нұсқаулығы

«Электрондық құжат және электрондық цифрлық қолтаңба туралы» Қазақстан Республикасының 2003 жылғы 7 қаңтардағы № 370 Заңының 7 - бабының 1 - тармағына сәйкес, «электрондық үкімет» төлем шлюзінде қалыптасатын электрондық чектің қағаз жүзіндегі құжатпен күші тең.

«Электрондық үкімет» веб-порталында (бұдан әрі – Портал) Жол қозғалысы ережесін (бұдан әрі – ЖҚЕ) бұзғаны үшін айыппұл төлеу үшін тіркелу рәсімінен өту қажет. Порталда жұмыс жасауды бастау үшін www.egov.kz сілтемесі бойынша өтіңіз.

«ЭЛЕКТРОНДЫҚ ҮКІМЕТ» ПОРТАЛЫНДА ТІРКЕЛУ

  1. Порталда тіркелу үшін басты беттің жоғарғы бөлігіндегі «Тіркелу» батырмасына басыңыз.

Нәтижесінде келісім орналасқан парақ бейнеленеді. Мұқият оқып шығып, қызметтің субъектісін – жеке немесе заңды тұлғаны белгілеңіз, «Осы келісімнің шарттарымен таныстым...» мәтінінің алдына белгі қойып, одан кейін «Тіркеу» батырмасын басыңыз.

Жеке тұлға ретінде тіркелу үшін төменде көрсетілген алаңдарды рет-ретімен толтырыңыз:

  • Жеке сәйкестендіру нөмірі (*ЖСН), бұдан әрі «Жеке тұлғалардың мемлекеттік деректер қорында тегін және атын табу» іздеу сілтемесіне басыңыз және портал автоматты түрде осы ЖСН-ға сәйкес деректерді табады және «Тегі», «Аты» алаңдарына қояды.
  • Пароль ойлап табыңыз (8 символдан кем емес, латын әріптері мен цифрларын пайдаланған дұрыс).
  • Электрондық мекенжай – қолданыстағы электрондық поштаны көрсетіңіз (мысалы: egovkz@nitec.kz).

Барлық алаңдарды толтырғаннан кейін «Тіркеу» батырмасын басыңыз.

* ЖСН –12 саннан тұратын комбинациялар түріндегі жеке сәйкестендіру нөмірі, код жеке куәліктің беткі жағында көрсетілген.

«ЭЛЕКТРОНДЫҚ ҮКІМЕТ» ПОРТАЛЫНДА ЖҚЕ БҰЗҒАНЫ ҮШІН АЙЫППҰЛ ТӨЛЕУ

  1. Авторлану. Электрондық қызметті алу үшін Порталда авторлану қажет, «Кіру» батырмасына басыңыз және өзіңіздің ЖСН (БСН) мен пароліңізді (тіркелу кезінде көрсеткен) енгізіңіз, бұдан кейін «Жүйеге ену» батырмасын басыңыз.

  1. Қызметті таңдау. «Жол қозғалысы ережесін бұзғаны үшін айыппұл төлеу» қызметін:
  • іздеу алаңына қызмет атауын енгізу;
  • «Онлайн қызметтер бір тізімде» батырмасы бойынша өту;
  • сәйкесінше тақырыптық айдардан іздеу арқылы таба аласыз.

Соңғы тәсілге тоқталайық. Басты беттегі «Көлік және коммуникация» айдарын, бұдан әрі «Автомобиль көлігі» айдаршасын таңдаңыз.

Қажетті «Жол қозғалысы ережесін бұзғаны үшін айыппұл төлеу» сілтемесіне басып, қызметтің сипаттамасы мен оны көрсету тәртібі жазылған бетке (қызмет паспортына) өтесіз.

Қызметті алу үшін беттің сол жақ жоғарғы бұрышындағы «ОНЛАЙН төлеу» батырмасын басыңыз.

  1. Деректерге сұраным жіберу (Ереже бұзуды іздеу)

Ашылған терезеде ереже бұзу туралы деректерді іздеу тәсілін таңдаңыз:

1) «Ереже бұзуды көлік нөмірі және техникалық паспорт нөмірі бойынша іздеу»;

2) «Ереже бұзуды жүргізуші куәлігі бойынша іздеу»;

3) «Ереже бұзуды хаттама бойынша іздеу».

  1. Ереже бұзу туралы деректерді машина нөмірі және техникалық паспорт нөмірі бойынша іздеген кезде «Көлік құралының нөмірі» және «Техникалық паспорт нөмірі» алаңдарын толтыру қажет.

  1. Ереже бұзу туралы деректерді жүргізуші куәлігі бойынша іздеген жағдайда, жүргізуші куәлігінің нөмірін енгізіңіз.

  1. Ереже бұзу туралы деректерді хаттама бойынша іздеген кезде «Бланкінің типі», «Бланк сериясы», «Бланк нөмірі», «Ережені бұзған күн» алаңына деректерді енгізіңіз.

Бұдан әрі көрсетілген тізімнен «Төлеу» батырмасын басып, ереже бұзу түрін таңдаңыз.

СТН-ді енгізіңіз және «Төлеу» батырмасын басыңыз. Бұдан әрі портал төлем бетіне өткізеді.

  1. Ереже бұзуды төлеу

Ұсынылған тізімнен төлем тәсілін таңдаңыз. Мысалы: «Төлем картасының көмегімен төлеу» және «Бұдан әрі» батырмасын басыңыз​.

Төлем деректемелерін растау бетінде деректерді тексеріңіз және «Бұдан әрі» батырмасын басыңыз.

Төлем картасының деректерін толтырыңыз және «Төлеу» батырмасын басыңыз.

Карточка туралы ақпаратты енгізгеннен кейін төлемді растаңыз.

Интернет-транзакцияларды жүргізудің қауіпсіздігі мақсатында кейбір қазақстандық банктер (Halyk bank, АТФ банк, БТА және т.б) төлем карточкаларында шектелімдер (шектеулер) немесе қосымша кодтар орнатады. Егер онлайн-төлемді жүзеге асыруда қиындықтар туындаса, Сізге қызмет көрсететін Банкпен хабарласу қажет.

Төлемді растағаннан кейін Сіз электрондық чекті басып шығара аласыз, сондай-ақ чектің телнұсқасын «Қызметтерді төлеу тарихы» тарауынан таба аласыз.

Айыппұл төленгеннен кейін төлем туралы ақпарат Қазақстан Республикасы Ішкі істер министрлігі Жол полициясы комитетінің Деректер қорына түседі және айыппұл автоматты түрде жойылады.

Көмек
Көмек
Ай бойы келгендердің барлығы:
Кеше келгендердің барлығы:
Қазір порталда:
URL:
Қате:
Пікір:

Спасибо, информация об ошибке принята.

Извините, в данный момент информация об ошибке не может быть обработана.
Попробуйте позже.