Әлемдік деңгейдегі зерттеу жоғары оқу орны болуы тиіс Назарбаев Университеті 2010 жылы құрылған. ЖОО халықаралық академиялық стандарттарға сәйкес жұмыс істейді және академиялық еркіндік пен институционалдық дербестік қағидаттарын басшылыққа алады.

Қазіргі таңда Назарбаев Университетінде халықаралық танымал жоғары оқу орындарымен стратегиялық әріптестікте бакалавриат, магистратура және докторантура бағдарламаларын ұсынатын жеті мектеп жұмыс істейді. Сонымен қатар, университеттің құрамына  National Laboratory Astana және Nazarbayev University Research and Innovation System атты ғылыми орталықтар, пилоттық Технопарк  және НУ инновациялық кластерінің құрамында басқа ұйымдар, сондай-ақ “University Medical Center» корпоративтік қорының төрт клиникасы кіреді.

Назарбаев Университеті Қазақстанда зерттеу үлгісіндегі жоғары білім беру ұйымдарының жаңа парадигмасын құруға және Астана қаласының халықаралық білім беру хабы, инновациялар мен білім орталығы ретінде қалыптасуына үлес қосуға ұмтылады. Назарбаев Универститетінің қызметі қарқынды өзгеріп жатқан және интеграцияланған  жаһандық экономиканың талаптарына сай болу үшінөтпелі кезеңде қазақстандық білім жүйесін қолдау және индустрия мен технологиядағы инновацияларға, озық зерттеушілерді дайындауға бағытталған.

Назарбаев Университетінде оқу қалай өтеді?

Назарбаев Университеті оқуға түсушілерге жоғары талаптар қояды. Статистика бойынша жыл сайын елімізде 1000-ға жуық түлектер университеттің студенттері болады. Университетте оқу ағылшын тілінде өтеді.

Назарбаев Университетінің стратегиялық даму моделі әлемнің үздік университеттерінің рейтингісіндегі жетекші жоғары оқу орындарымен әріптестікке негізделген. Университеттің әр мектебі мен зерттеу орталығы әлемнің келесі жетекші университеттерімен және ғылыми орталықтарымен ынтымақтастықта дамуда (әліпби бойынша):

• Берклидегі Лоуренс атындағы Ұлттық зертхана (АҚШ) – «National Laboratory Astana» ЖМ-нің әріптесі
• Висконсин-Мэдисон университеті (АҚШ) – Жаратылыстану, әлеуметтік және гуманитарлық ғылымдар мектебінің әріптесі
• Дьюк университеті, Фукуа Бизнес мектебі (АҚШ) – Жоғары бизнес мектебінің әріптесі
• Кембридж университеті (Ұлыбритания) – Жоғары білім беру мектебінің әріптесі
• Колорадо Тау-кен ісі мектебі (АҚШ) – Тау-кен ісі және жер туралы ғылымдар мектебінің әріптесі
• Оук Ридж Университеттер қауымдастығы (АҚШ) – «Nazarbayev University Research and Innovation System» ЖМ-нің әріптесі
• Пенсильвания университеті (АҚШ) – Жоғары білім беру мектебінің әріптесі
• Питтсбург университеті (АҚШ) – Медицина мектебінің әріптесі
• Питтсбург университетінің Медициналық орталығы (АҚШ) – Ұлттық ғылыми онкология орталығының әріптесі
• Сингапур Ұлттық университеті, Ли Куан Ю атындағы Мемлекеттік саясат мектебі (Сингапур) – Жоғары мемлекеттік саясат мектебінің әріптесі

НУ-дың дамуына үлес қосқан стратегиялық әріптестер:

• Уорик университеті (Ұлыбритания) – 2015-2016 жылдар аралығында Назарбаев Университетінің Университет алдындағы дайындық орталығының әріптесі.
• Лондон университеттік колледжі (Ұлыбритания) – 2010-2015 жылдар аралығында Инженерия және цифрлық ғылымдар мектебі мен Университет алдындағы дайындық бағдарламасы бойынша НУ Дайындық орталығының әріптесі.

Назарбаев Университетінде білім беретін 7 мектеп және 1 Дайындық мектебі бар:

• Инженерия және цифрлық ғылымдар мектебі;
• Жаратылыстануғ гуманитарлық және әлеуметтік ғылымдар мектебі;
• Жоғары бизнес мектебі;
• Жоғары мемлекеттік саясат мектебі;
• Жоғары білім беру мектебі;
• Медицина мектебі;
• Тау-кен ісі және жер туралы ғылымдар мектебі;
• Дайындық мектебі 

Университетте оқу мынадай бағдарламалар бойынша жүзеге асырылады:

Университет аллдындағы дайындық бағдарламасы - Foundation;

• бакалавриат;
• магистратура;
• докторантура;
• резидентура;
• біліктілік арттыру бағдарламасы.

Назарбаев Университетіндегі Университет алдындағы дайындық (Foundation) бағдарламасына қалай түсуге болады?

NUFYP (Nazarbayev University Foundation Year Program) – Назарбаев Университеті Дайындық мектебінің жеделдетілген 1 жылдық бағдарламасы. Курстың аясында тыңдаушылар бакалавриат бағдарламасына жеделдетілген академиялық, ғылыми және тілдік дайындықтан өткізіледі. Білім алу ҚР мемлекеттік қаражаты есебінен іске асыралатын “Назарбаев Университеті” гранты шеңберінде және ақылы түрде болуы мүмкін. Университет алдындағы Дайындық бағдарламасында оқудың нәтижесінде Назарбаев Университетінің мектептері студенттерді бакалавриат бағдарламаларына одан әрі оқуға қабылдайды.

 Назарбаев Университеті Университет алдындағы дайындық бағдарламасына конкурстық іріктеуге қатысу үшін талапкерлерге келесі қадамдарды жасау қажет:

1. Жеке кабинет құру үшін аdmissions.nu.edu.kz порталында тіркелу;
2. Жеке кабинетте өтінім нысанын толтыру және қажетті құжаттарды жүктеу:

• жеке куәліктің немесе төлқұжаттың электрондық көшірмесі;
• жалпы орта білімі туралы аттестаттың/ қосымшасы бар дипломның немесе оқу орнынан берілетін анықтаманың электрондық көшірмесі (үлгі бойынша);

3. IELTS/TOEFL нәтижелері. Стандартталған тестілеу нәтижелері тест әкімшілері арқылы Университетке жіберіледі.
4. Онлайн тіркеу жарнасын төлеу.
5. SUBMIT APPLICATION түймешігін басу.

Онлайн тіркеу жабылғаннан кейін, барлық тіркелген талапкерлер үш кезеңнен тұратын түсу емтихандарына қатысу үшін шақырылатын болады (қаңтардан сәуірге дейін). Түсу емтиханының әр кезеңіне Назарбаев Университетінің әріптесі әкімшілік етеді.

Емтихандарға кіруге рұқсат туралы ақпарат жеке кабинетте орналастырылады. Тестке 5 күн қалғанда талапкердің электрондық поштасына емтиханның өтетін орны, уақыты, қажетті құжаттар мен емтихан ережелері туралы ақпарат жіберіледі. Емтихан кестесін Маңызды күндер деген бөлімнен таба аласыз.

Тест нәтижелері талапкердің жеке кабинетінде сақталады және қосымша жеке электрондық поштасына жіберіледі. Тест нәтижелері бойынша апелляция көзделмеген. Назарбаев Университетінің Дайындық бағдарламасына қабылдау емтихандары талапкерлер үшін тегін.

  Academic IELTS және TOEFL бойынша ең төменгі өту баллдары

* TOEFL PDT ресми IELTS және TOEFL iBT өткізілмейтін елдерден келген шетелдік талапкерлерден ғана қабылданады.

Қабылдау емтихандарының қорытындылары бойынша қабылдауға ұсынылатын талапкерлердің тізімі қалыптастыралады. Оқуға қабылдау үшін конкурстық іріктеуді өткізу кезінде мына басымдылыққа сәйкес талапкерлердің көрсеткіштері ескеріледі:

1. NUFYP Entrance Test нәтижесі
2. IELTS нәтижесі.

Конкурстық іріктеу кезеңдерінің және талапкерлердің құжаттарын қараудың нәтижелері бойынша  Қабылдау комиссиясы талапкерлерді Назарбаев Университетінің Дайындық мектебіне қабылдауға ұсынады. Іріктеу кезеңдерінен сәтті өту Назарбаев Университетінің Дайындық мектебіне қабылдануға кепілдік бермейді.

“Назарбаев Университеті” білім гранты (мемлекеттік грант) шеңберінде қабылдауға ұсынылған талапкерлердің қатарына кірмеген, алайда қабылдау талаптарына сәйкес келетін талапкерлер резервтік тізімге енгізіледі. Егер қабылдауға ұсынылған талапкерлер тізімінде бос орын пайда болса, резервтік тізімдегі талапкерлер қабылдауға ұсынылуғы мүмкін. Сондай-ақ, резервтік тізімдегі талапкерлерге ақылы түрде оқу конкурсына қатысуғаа мүмкіндік беріледі.

Қабылдануға ұсынылған талапкерлерг оқуға шақыру, құжаттарды тапсыру жөніндегі нұсқаулық пен қосымшалар қоса беріліп, соңғы мерзімдері мен талаптары көрсетілген электрондық Хабарлама-хатты алады. Олар 30 000 теңге көлеміндегі Кепілдік жарнасын төлеуі және Хабарлама-хатта  белгіленген мерзімдерде құжаттарды тапсыруы тиіс. Кепілдік жарна талапкерге оқу басталғаннан кейін қайтарылады.

Университет алдындағы дайындық (Foundation) бағдарламасының ақылы оқу бөліміне қалай түсуге болады?

Ақылы оқуға түсу конкурсына келесі талапкерлер қатыса алады:

• мемлекеттік гранты шеңберінде оқу үшін ағымдағы жылдың конкурсына қатысқан, NUFYP ET және IELTS (TOEFL) емтихандарының нәтижелері ең төменгі талаптарға сай келетін, алайда грантқа түсе алмаған, сонымен бірге резервтік тізімге енгізілген талапкерлер;
• admissions.nu.edu.kz порталында онлайн тіркеуден өткен және IELTS және TOEFL, SAT немесе AСT емтихандарын дербес тапсырып, төменде көрсетілген кестедегі ең төменгі талаптарға сай нәтижелері бар талапкерлер.

Тест нәтижелері бойынша ең төмен талаптар:

SAT Reasoning Test with Essay – 1100. Эссе үшін ең төменгі балл белгіленбейді.

немесе: ACT with writing part – 22. Эссе үшін ең төменгі балл белгіленбейді;

Academic IELTS – 6.0 (секцияларында кемінде 5.0)

немесе: TOEFL iBT – 60-78 («оқылым» секциясы бойынша 4; «тыңдалым» секциясы бойынша 4; «сөйлеу бөлімі» секциясы бойынша 14; «жазылым» секциясы бойынша 14),

немесе: TOEFL PDT* – 550 («оқылым», «тыңдалым» секциялары бойынша 50; «жазылым» секциясы бойынша 2; «сөйлеу бөлімі» секциясын Қабылдау комиссиясы белгілейді).

*TOEFL PDT ресми IELTS және TOEFL iBT емтихандары жүргізілмейтін елдерден келген шетелдік талапкерлерден ғана қабылданады.

Емтихан нәтижелері Назарбаев Университеті кодын (Institutional Code) пайдалана отырып, тест әкімшісі арқылы Университеттің мекенжайына жіберіледі:

• Nazarbayev University –IELTS үшін
• 6762 – TOEFL үшін
• 7915 – SAT тесті үшін
• 5521 –ACT with Writing Part үшін

Конкурстық іріктеу аяқталған соң Қабылдау комиссиясы ақылы негізде қабылдауға  талапкерлерді ұсынады. Аталған талапкерлер оқуға шақыру, Құжаттарды тапсыру жөніндегі нұсқаулық пен қосымшалар қоса берілген, соңғы мерзімдер мен талаптар көрсетілген электрондық Хабарлама-хатты алады.

Оқуға қабылдауға шақыруды қабылдаған жағдайда талапкерлер 30 000 теңге көлеміндегі Кепілдік жарнасын төлеуі және Хабарлама-хатта көрсетілген мерзімдерде құжаттарды тапсыруы тиіс. Кепілдік жарна талапкерге оқу басталғаннан кейін қайтарылады.

Шет тілдерде ұсынылатын құжаттар  қазақ немесе орыс тіліне аударылуы және нотариалды расталуы тиіс. Құжаттар топтамасын уақытында тапсырмаған талапкерлер конкурсқа қатысуын жалғастыру мүмкіндігінен айырылады.

 Назарбаев Университетіне тапсырылған барлық құжаттар қайтарылмайды, бірақ оқуды аяқтаған соң жалпы орта білімі туралы аттестаттың түпнұсқасы (немесе басқа, бұрын тапсырған құжатқа байланысты) қайтарылады.

Университет алдындағы дайындық бағдарламасынан өтпей-ақ, бакалавриат бағдарламаларына қалай түсуге болады?

Бакалавриат бағдарламаларына конкурстық іріктеуге қатысу үшін талапкерге келесі қадамдарды жасау қажет:

1. Жеке кабинет ашу үшін аdmissions.nu.edu.kz порталында тіркелу;
2. Жеке кабинетте өтінім нысанын толтыру және қажетті құжаттарды жүктеу:

• жеке куәліктің немесе төлқұжаттың электрондық көшірмесі;
• жалпы орта білімі туралы аттестаттың/ қосымшасы бар дипломның немесе оқу орнынан берілетін анықтаманың электрондық көшірмесі (үлгі бойынша);
• IELTS/TOEFL және/немесе SAT/ACT сертификаттарының көшірмелері. Стандартталған тест нәтижелері электронды түрде тест Әкімшілері арқылы университетке жіберіледі.
• Эссе-негіздеме;

3. Онлайн тіркеу жарнасын төлеу,
4. SUBMIT APPLICATION түймешегін басу.

Ескерту: құжаттардың толық тізімін nu.edu.kz сайтынан таба аласыз.

 Конкурсқа қатысуға арналған өтінім онлайн толтырылғаннан кейін, сондай-ақ тіркелу аяқталғаша «Жеке кабинетке» қажетті электрондық құжаттарды жүктеген соң аяқталды деп саналады. Конкурстың нәтижесі бойынша және шешімдердің негізінде Қабылдау комиссиясы бекіткен рейтингке сәйкес Мектептердің Қабылдау комиссиялары үміткерлерді оқуға қабылдауға  ұсынады. Аталған үміткерлерге электрондық мекенжайына Қабылдау комиссиясының қабылдаған шешімі туралы ресми хабарлама-хат жолданады. Үміткерлер де өз статусын «Жеке кабинетінен» көре алады.

Ең төменгі талаптар.

1. Орта мектептердің (немесе оның шетелдік баламасы), колледждің, UK Foundation Programme түлектері және/немесе соңғы жылда білім алып жүрген оқушылары және A-level бағдарламасының түлектері және ауысатын студенттер үшін ең төменгі талаптар.

* TOEFL PDT ресми IELTS жәнеTOEFL iBT жүргізілмейтін елдерден келген шетелдік үміткерлерден ғана қабылданады.

** Медицина мектебінің үміткерлері Қабылдау комиссиясы мүшелерімен сұхбат өтуге шақырылады

Ескерту: Ауысатын студенттер үшін GPA 4.0-ден кемінде 3,0 болуы керек.

2. NIS Grade 12 Certificate иегерлері - түлектері және IВ Diploma Programme-ның түлектері және оқушылары үшін ең төменгі талаптар.

3. Барлық мектептер үміткерлеріне арналған халықаралық және/немесе республикалық олимпиадалардың жеңімпаздары үшін ең төменгі талаптар.

*Олимпиадалардың тізімі nu.edu.kz сайтында берілген

“Магистратура бағдарламаларының дайындық жылына” қалай түсуге болады?

 Бағдарламаның мақсаты - магистратура бағдарламалары потенциалды студенттерінің тілдік деңгейін көтеру және Университеттің магистратура бағдарламаларында оқуға қажетті ғылыми, коммуникативтік және басқа да дағдыларды дамыту болып табылады.

Бағдарламаны сәтті аяқтаған білім алушылар өздері өтінім тапсырған және сұхбаттасудан өткен Университеттің магистратура бағдарламаларының студенттері атанады.

Магистратура және докторантура бағдарламаларына қалай түсуге болады?

Үміткерлерге қойылатын негізгі талаптар:

●   Докторантура бағдарламасына түскен жағдайда бакалавр (немесе балама) дәрежесінің болы; онлайн тіркелу кезеңінде соңғы жылы оқитын студенттер Қабылдау комиссиясының қарауына ағымдағы академиялық үлгерімін көрсете отырып, ресми транскриптін ұсына алады;

●     CGPA (үлгерімінің қорытынды орташа балы)

●      Ағылшын тілін еркін меңгеру, IELTS немесе TOEFL тестінің нәтижесімен көрсетіледі;

●    Талдау және математикалық қабілеттіліктері, GRE тестінің нәтижелерімен көрсетіледі (ұсынылуы мүмкін); GRE тестінің нәтижелерін ұсыну міндетті еместігіне қарамастан, үміткерлер өздерінің құжаттар топтамасын бәсекеге қабілетті GRE балының көмегімен күшейте алады.

●      Негіздеме хатында көрсетілген жоғары уәждеме және бағдарламаға қызығушылық

Магистратура және докторантура бағдарламаларына түсу талаптары таңдап алынған мамандығына байланысты өзгертілуі мүмкін.

 Конкурсқа қатысу үшін құжаттар тізбесі:

●     Толтырылған онлайн сауалнама;

●     Жеке куәлік (ҚР азаматтары үшін) немесе паспорт (шетел азаматтары үшін);

●     Тегін ауыстыруды растайтын құжат (керек болған жағдайда);

●     Бакалавр (немесе баламасы) дипломы және оның қосымшасы; Соңғы курс студенттері ағымдағы ресми транскриптті жүктей алады;

●     Өтінім беру сәтінде жарамды ағылшын тілі бойынша білімі туралы ресми сертификаты (IELTS немесе TOEFL);

●     Ағылшын тілінде білім алғанын растайтын құжат (IELTS немесе TOEFL нәтижелерін тапсырудан босатуды қалайтын үміткерлер үшін). Жоғарыда аталған үміткерлер жоғары оқу орнынан ағылшын тілінде оқытылған пәндердің саны және тізбесі көрсетілген анықтаманы тапсыруы қажет.

●     Түйіндеме (екі беттен аспайтын);

●     Құжаттарды тапсыру сәтінде жарамды GRE сертификаты (бар болған жағдайда);

●     Негіздеме хат (бір беттен аспайтын);

●     Соңғы 12 ай ішінде жазылған екі немесе үш (кемінде бір академиялық ұсыным)  құпия ұсыным-хат (элекрондық поштасы арқылы тиісті сұранысты алғаннан кейін рецензенттер электрондық немесе қағаз түрінде ұсынуға тиіс).

Әр мектептің егжей-тегжейлі талаптары туралы Назарбаев Уиверситетінің сайтынан білуге болады.

Қабылдау департаменті:

Тел.: + 7 (7172) 64 25 84

E-mail: info_admissions@nu.edu.kz

Қабанбай батыр даңғылы 53, офис 1111

Астана қ., Қазақстан Республикасы