«Ашық деректер» порталы – сервистерді және олардың негізінде қосымшаларды құру мүмкіндігі үшін мемлекеттік органдардың жалпыға бірдей қолжетімді деректерін деректерін машинамен оқылатын түрде орналастыру. Сонымен қатар, ашық деректерді журналистер мен талдаушылар жүргізетін әлеуметтік-экономикалық және ғылыми зерттеулерде пайдалануға болады.

Порталда ашық деректер жинағы жарияланған. Бұдан басқа, порталда ол арқылы деректерге сұрау салулар арқылы жүгінуге болатын қосымшаларды бағдарламалау интерфейсі (API) қолжетімді.    

Ашық деректер негізінде деректер санын  ұлғайту, сондай-ақ конкурстар және хакатондар сияқты іс-шараларды өткізу  арқасында, жүктеп алу үшін мобильді қосымшалар мен сервистер әзірленген және орналастырылған.   

1. «Ақпараттандыру туралы» Заңына сәйкес, мемлекеттік орган уәкілетті органмен келісім бойынша ашық деректер тізбесін бекітуге және деректерді бекітілген тізбеге сәйкес ашық деректер порталында машинамен оқылатын түрде орналастыруға міндетті.

1. «Ақпаратқа қол жеткізу» Заңына сәйкес, уәкілетті орган қоғамдық пікір сауалнамаларының нәтижелері бойынша ашық деректерді сұратуға құқылы, сондай-ақ ақпарат иелері ашық деректерді өз бастамасы  бойынша порталда орналастыруға құқылы.

«Ашық НҚА» порталы - бұл әзірленетін заңжобаларын, мемлекеттік қызметтер стандарттарының жобаларын және рұқсат беру құжаттарын талқылауға арналған бірыңғай алаң. Әрбір азамат өз пікірін айта алады және НҚА әзірлеуге қатыса алады. Ашық НҚА-лар әрбір азаматтың заңжобасымен ол мемлекеттік органға және жоғары тұрған орындарға келісуге жіберілгенге дейін танысуына  мүмкіндік береді.  

Порталда «Мемлекеттік көрсетілетін қызметтер туралы» Заңға сәйкес тек мемлекеттік қызметтер стандарттарын жариялы талқылау жүргізілуімен бірге, «Ақпаратқа қол жеткізу туралы» заңды қабылдаумен барлық нормативтік құқықтық актілер мен заңжобалары тұжырымдамаларының жобаларын талқылау да қолжетімді болды. 

«Ашық диалог» порталы – бұл мемлекеттік органдар мен  қоғам арасындағы тиімді кері байланысты орнатуға арналған алаң.

Порталдың мақсаты азаматтарға порталдың құралдары арқылы үкіметпен өзара  әрекеттесі мүмкіндігін беру.

Осы компонент:

●  МО басшыларының блог – платформасын;

●  интернет - конференцияны;

●  «Сауалнамалар» жүйесін қамтиды.

Мемлекеттік органдар басшыларының  блог-плаформасында өтініштерді беру және қарау тәртібі заңда жазылған. «Ақпаратқа қол жеткізу туралы» Заңының 11 бабының 5 тармағына сәйкес блог-платформаға сұрау салулар жазбаша сұранымға теңестіріледі. ЭҮП-та есептік жазба болған жағдайда, сұрау салу қол қоюды және оған абоненттік нөмірді қосуды талап етпейді. 

Сондай-ақ, компонентке 2008 жылдан бері «электрондық үкіметтің» веб-порталында жүйелі түрде өткізіліп келе жатқан Жергілікті атқарушы органдардың және орталық мемлекеттік органдардың мүшелерінің қатысуымен интернет конференциялар кіреді. 

Тұрғындар арасында Сауалнама жүргізудің негізгі мақсаты - жарияланған сауалнамалар арқылы пайдаланушылардың пікірлерін жинауды қамтамасыз ету арқылы кері байланыс алу болып табылады.

Ашық диалог азаматтарға мынадай мүмкіндіктер береді:

• мемлекеттік органдардың бірінші басшыларына сұрау сауларды жолдау;
• елдің кез келген нүктесінен мемлекеттік органдардың қызметін жария талқылауға қатысу;   
• мемлекеттік органдар өткізетін сауалнамаларға, әлеуметтік сауалнамаларға, электрондық және мобильдік үкіметтің сауалнамаларына қатысу; 

«Ашық бюджеттер» порталы -   портал азаматтардың  мемлекеттегі «бюджет» ұғымы туралы түсінігін жеңілдетуге және бюджеттік қаражаттың жұмсалуын қоғамдық бақылау арқылы белсенді азаматтық ұстанымын дамытуға мүмкіндік туғызады   

«Ақпаратқа қол жеткізу» Заңының 17 бабының 3 тармағына сәйкес, ашық бюджеттер порталында бюджеттік бағдарламалардың жобаларын және бюджеттік бағдарламаларды іске асыру туралы есептерге жария талқылау жүргізіледі,  сондай-ақ, бюджеттік есептілік, шоғырландырылған қаржылық есептілік, мемлекеттік аудит және қаржылық бақылау нәтижелері  орналастырылады.  

«МО тиімділігін бағалау» порталы – азаматтарға:

• мемлекеттік органдардың бағалау жүйесімен танысуға;
• әр мемлекеттік органды бағалау нәтижелерін жалпы түрде және бағалау блоктары шамасында көруге;
• мемлекеттік органдардың бағалау нәтижелеріне сәйкес рейтингін қарап шығуға;
• ОМО стратегиялық жоспарларын іске асыру туралы есептермен және ЖАО аумақтырды дамыту бағдарламаларын іске асыру туралы есептермен танысуға;
• мемлекеттік органдардың қызмтін жария талқылауға қатысуға   мүмкіндік береді.