Ваш браузер не поддерживает JavaScript или его поддержка отключена. Пожалуста включите JavaScript, т.к. он необходим для корректной работы портала Электронного правительства Республики Казахстан.

Борышкерлер тізілімі. Шетелге шығу алдында борыштарды қалай тексеруге болады Баспаға шығару нұсқасы

Cоңғы өзгеріс: 05.12.2022

Пайдалы сілтемелер:

Салық берешегін қарау және төлеу

Коммуналдық қызметтерді төлеу

Мемлекеттік кіріс органдарда есебі жүргізілетін берешектің жоқ (бар) екендігі туралы мәлімет

Жеке тұлғалардың жылжымайтын мүлік салығын төлеу

Өсімпұлды,айыппұлды,салық берешегін төлеу

Жеке тұлғалардың көлік салығын төлеу

Credit Control несие тарихын бақылау (мониторинг)

Дербес несие есебін алу

Зейнетақы аударымдары туралы анықтама алу

Сотталғандығы болуы не болмауы туралы анықтама беру

Сондай-ақ қараңыздар:

Шаруа немесе фермер қожалықтарына салық салу

БСК - бюджеттік сыныптама коды

Ең төменгі есептік көрсеткіштер (АЕК, ЕТЖ)

турникет

Әлемдік тәжірибе, елден шығуға құқықтарды уақытша шектеу – айқын нәтижелерді әкелетін жеткілікті пәрменді шара екенін көрсетеді: атқару міндеттемелері бойынша қарыздар жиі жабылады. Әрине ұшаққа отырарда шетелге шығуға тыйым салынғанын білу ешкімді қуантпасы анық. Бірақ бұны болдырмауға да болады. Аталмыш мәселе билеттер, жолдамалар сатып алынып, қонақүйлерден орын алынған соң, шекара бақылауынан өткенде де тікелей кездесіп жатады. Шетелге шығуы шектелген адамдардың тізіміне қалай түспеу керек және егер сіз борышкерлер тізімінде болсаңыз не істеу керек.

Кімге және қандай себептер бойынша шетелге шығу шектелуі мүмкін?

Заңның 33-бабына сәйкес борышкер болып табылатын жеке тұлға, заңды тұлғаның басшысы (оның міндетін атқарушы) атқарушылық құжаттағы 40 АЕК астам сомаға талаптарды орындамаған кезде, сондай-ақ мерзімдік төлемдерді өндіріп алу туралы атқарушылық құжаттарды үш айдан астам орындамаған кезде сот орындаушысы көрсетілген адамдардың ҚР шығуын уақытша шектеу туралы қаулы шығаруға құқылы, ал өндіріп алушының өтініші бойынша осындай қаулы шығаруға міндетті.

Атқарушы құжаттарға мыналар жатады:

Елден тыс шығудан бас тартудың басты себебі атқару құжаттарын орындамау, борыш, қарыз болып табылады. Осылайша, егер сіздің мемлекет алдында салықтар, айыппұлдар немесе басқа адамдар алдында сотқа жүгінуге дейін апарған қарыздарыңыз болса, неғұрлым сақ болу қажет. Төлемеуші деп алименттерді немесе жолақы айыппұлдарын төлемеген, сонымен қатар қаланың коммуналдық қызметтеріне қарызы бар адам саналуы мүмкін. Тізімге 700 теңгеден бастап төленбеген шоттары бар және сот осы қарызды өндіру туралы қаулы шығарған адамдар енгізілуі мүмкін.

Шетелге шығу шектелген адамдардың тізіміне азамат сот орындаушысының қаулысы бойынша енгізілуі мүмкін. ҚР борышкердің шығуына уақытша шектеу туралы сот орындаушысының қаулысы сотпен санкциялауға жатады. Сот санкциялағаннан кейін сіз қаулының көшірмесін аласыз, сондай-ақ оны ҚР ҰҚК шекара қызметі алады, ол сізді қарызыңыздың өтелуі базада расталғанға дейін шекарадан шығармайды.

Егер атқару құжаты сот актісі болып табылмаса және сот актісінің негізінде берілмесе (мысалы, атқарушы парақтар немесе хаттамалар), онда өндіріп алушы немесе мемлекеттік сот орындаушысы борышкер үшін ҚР шығуды уақытша шектеу туралы ұсыныспен сотқа жүгінуге құқылы. Бірақ бұл жағдайда шешімді сіздің қатысуыңызсыз шығаруы мүмкін екенін ескерген жөн, сол себепті қарыз, айыппұлдар, баж алымдарын және коммуналдық төлемдер қызметтер үшін төлемді істі сотқа жеткізбестен уақытылы төлеген дұрыс.

Атқарушы өндірістер бойынша борышкерлердің тізіліміне сот орындаушысы атқарушы құжаттарды ерікті орындауға мерзім аяқталғаннан кейін 3 жұмыс күні ішінде борышкердің мәліметтерін жібереді.

Шетелге шығуға сізге тыйым салынғанын қалай білуге болады?

Іссапарды, туысқандарға немесе туристік сапарға баруды жоспарлар алдында билетті сатып алғанға дейін, қонақ үйден орын алғанға дейін нақты факторлардың болуы/болмауы туралы ойланған жөн. Бұны Әділет министрлігінің сайтынан тексеруге болады, онда автоматты режимде аталмыш тізімдер жүргізіледі - Шетелге шығуға шектеу қойылған борышкерлердің тізілімі және Атқарушы өндірістер бойынша борышкерлердің тізілімі . Бұл жерде екі тізімді де тексерген жөн, себебі тіпті сіз Атқарушы өндірістер бойынша борышкерлердің тізілімінде ғана болсаңыз да, шетелге шығуға тыйым салынған қасақана төлемейтіндер қатарына ауысу да алыс емес. Борышкерлердің базасы сот органдарынан қаулылардың келіп түсу дәрежесі бойынша тұрақты негізде жаңартылады.

ҚР шегінен тыс шығуға шектеу қойылған борышкерлердің тізілімі, ҚР ҰҚК Шекара қызметіне берілетін шығуға шектеу туралы электрондық хабарламалар негізінде қалыптасады. Электрондық хабарламаны тиісті қаулы шыққаннан кейін немесе оны судья санкциялағаннан кейін сот орындаушысы жібереді. Қаулының көшірмесі борышкерге жіберіледі. Қаулы ҚР азаматтарына, сондай-ақ шетелдіктер және азаматтығы жоқ адамдарға қатысты, сонымен қатар заңды тұлғалардың-борышкерлердің басшыларына қатысты шығарылуы мүмкін.

Егер сіз туристік фирмадан жолдама сатып алсаңыз, көрсетілген тізімдерде өзіңіздің бар/жоқтығыңызды міндетті түрде тексеріңіз, себебі егер сізді қарыздың болу себебі бойынша шығармайды, туристік компания шығындарды өтемейді. Сондай-ақ ірі туристік компаниялардан сіз компания қызметкерлерінің телефон немесе онлайн-сұраныстары бойынша әділет департаментінен сіздің мәліметтеріңізді тексеруді сұрай аласыз.

Базаның мерзімді түрде жаңартылатынына қарамастан, егер сізде бұрын төленген қарыздар болса, тізмідерде бар/жоқтығыңызды тексеру керек. Іс жүзінде кез келген жағдайда шетелге сапарды жоспарлауда екі тізілімнен де өз мәліметтеріңізді тексеру артық етпейді.

Тізімдегі ақпарат сот орындаушысы шектеуден алу туралы қаулы шығарылғанға дейін және ҚР ҰҚК Шекара қызметіне тиісті электронды хабарлама жіберілгенге дейін сақталады.

Шетелден шығуға шектеу қойылған борышкерлердің тізілімінен қалай шығу керек?

Әрине, ең айқын әрі дұрыс нұсқасы - айыппұлдарды, баж алымдарын, алименттерді, коммуналдық қызметтерді немесе қарыздарды төлеу. Сот орындаушысының осындай шараны қабылдауының себебі.

Шетелге шығуы шектелген борышкерлер тізілімінен қалай шығуға болады?

Шығуға уақытша шектеу атқарушылық іс жүргізу тоқтатылғаннан кейін жойылады, атқарушылық санкциясы, орындау жөніндегі шығыстар, өсімпұл және жеке сот орындаушысының қызметіне ақы төлеу сомасы өндіріп алынады. Заңның 36-бабына сәйкес атқарушылық іс жүргізу тоқтатылғаннан кейін күнтізбелік 3 күн ішінде сот орындаушысы борышкерді тізілімнен шығару үшін негіз болып табылатын тиісті ақпаратты мәжбүрлеп орындату департаментіне және шекара қызметіне жібереді. Атқарушылық іс жүргізуді тоқтату туралы қаулы немесе уақытша шектеудің күшін жою туралы қаулы тізімнен шығу үшін қолданылған шараларды растайтын құжат болып табылады.

Сонымен қатар, өз берешегіңізді "Қазпошта" АҚ касса қызметтері мен терминалдары және веб-сервистер көмегімен онлайн www.kaspi.kz, www.post.kz сондай-ақ, IOS және Android негізіндегі мобильді қосымшалар (смартфондардағы "app store" және "play market" Kazpost Post.kz және "Каѕрі" АҚ -ның kaspi.kz-нен) сияқты төлем функционалдары арқылы төлеуге болады

Берешек сомасының төленгені туралы ақпаратты алғаннан кейін, атқарушылық іс жүргізу органдарының автоматтандырылған ақпараттық жүйесі сот орындаушысының қатысуынсыз, атқарушылық іс жүргізуді тоқтату процестерін бастайды.

Бұл жағдайда атқарушылық іс жүргізу шеңберінде салынған қамтамасыз ету шаралары 30 минут ішінде автоматты түрде жойылады, Борышкерлердің бірыңғай тізілімінен алып тастала отырып, атқарушылық іс жүргізу тоқтатылады және шығуға тыйым салу алынып тасталады.

Сапар алдындағы ең соңғы сәтте қарыздар бойынша төлемді кейінге қалдырмаңыз. Шетелге сапар жоспарлағанда, барлық қол жетімді қарыздарды алдын-ала төлеп, жоспарланған күннен кем дегенде 10-15 күн бұрын атқарушы құжаттарда белгіленген нәрсені орындаған дұрыс.

Атқарушылық құжаттарды орындау-шетелге шығуға мүмкіндік беретін жалғыз шара. Сонымен қатар, төлегеннен кейін растайтын құжаттардың, чектердің "қолында" болуы жеткіліксіз, ұшуға тыйым салған сот орындаушысын хабардар ету қажет. Шетелге шығуға шектелген борышкерлер тізілімінде сіздің деректеріңіз бар-жоғын ғана емес, сот орындаушысының деректері мен оның ұялы телефонын да білуге болады.

Әрине, тағы бір жол бар-сіз талапкерден атқарушылық іс жүргізу тоқтатылған кезде өтінішті алып кетуді сұрай аласыз, бірақ бұл төтенше жағдайларда, мысалы, егер сіз шетелге операцияға баруыңыз керек болса. Егер талап қоюшымен уағдаластық болса, онда талап қоюшымен бірге сот актілерін орындау жөніндегі жергілікті департаментке жүгіну қажет. Әрине, сіз неғұрлым тезірек жүгінсеңіз, шетелге шығуға тыйым соғұрлым тезірек жойылады.

Шетелге шығуға тыйым салынған борышкерлердің тізіміне түсуден қандай жағдайларда қауіптенбеуге болады?

Борышкерлердің бірыңғай тізілімі

Уәкілетті орган атқарушылық құжаттарды мәжбүрлеп орындату жөніндегі міндеттерді жүзеге асыру мақсатында Борышкерлердің бірыңғай тізілімін жүргізеді.

Борышкерлердің бірыңғай тізілімі атқарушылық іс жүргізу жөніндегі автоматтандырылған ақпараттық жүйе арқылы қалыптастырылады және жүргізіледі.

Мерзімдік өндіріп алу туралы атқарушылық іс жүргізу бойынша үш айдан асатын берешегі жоқ, сондай-ақ талап қоюды қамтамасыз ету шараларын қолдану және тоқтату туралы атқарушылық құжаттары бойынша борышкерлер жөніндегі мәліметтерді қоспағанда, Борышкерлердің бірыңғай тізіліміне енгізу үшін мәліметтерді сот орындаушылары атқарушылық іс жүргізу қозғалғаннан кейін үш жұмыс күні ішінде жібереді.

Көрсетілген мәліметтер:

борышкердің тегін, атын, әкесінің атын (ол болған жағдайда) не борышкер ұйымның атауын;
атқарушылық құжатты берген органды, берілген күнін және борышкердің орындалмаған міндетінің мазмұнын;
көрсетілген мәліметтерді жіберетін сот орындаушысының тегін, атын, әкесінің атын (ол болған жағдайда) және аумақтық бөлімнің атауы мен мекенжайын немесе жеке сот орындаушысы кеңсесінің мекенжайын қамтиды.

Борышкерлердің бірыңғай тізілімінен борышкерді алып тастау осы Заңның 47 бабында көзделген негіздер бойынша атқарушылық іс жүргізу тоқтатылғаннан кейін және мерзімдік өндіріп алу туралы атқарушылық іс жүргізу бойынша берешек болмаған кезде, сондай-ақ ол атқарушылық құжаттың талаптарын орындаған кезде осы Заңның 48 бабында көзделген негіздер бойынша атқарушылық іс жүргізу аяқталғаннан кейін жүргізіледі.

Сот орындаушысы осы Заңның 48 бабында көзделген негіздер бойынша аяқталған атқарушылық іс жүргізу бойынша атқарушылық құжат талаптарының орындалғаны туралы мәліметтер алған кезде үш жұмыс күні ішінде уәкілетті органға борышкерді Борышкерлердің бірыңғай тізілімен алып тастау үшін тиісті ақпарат жібереді.