Қазақстан Республикасының заңында мерзімді әскери қызметке балама қызмет көзделмеген.

Сонымен қатар, «Әскери қызмет және әскери қызметшілердің мәртебесі туралы» Заңның 12-бабына сәйкес мерзімді әскери қызметке әртүрлі себептермен шақырылмаған еліміздің азаматтарына Қорғаныс министрлігінің әскери-техникалық мектептерінде ақылы негізде әскери-техникалық және өзге де мамандықтар бойынша даярлықтан өту және әскери-есептік мамандық алу мүмкіндігі беріледі. Оқуды аяқтағаннан және емтихандарды сәтті тапсырғаннан кейін әскери-техникалық мектептерді бітірушілер даярлықтың аяқталғаны туралы сертификат алады және әскери ант қабылдайды, Жергілікті әскери басқару органдары оларға «қатардағы жауынгер» әскери атағын беріп, әскери билет табыс етеді және оларды запастағы әскери міндеттілер деп тіркейді. Әскери міндеттілер мерзімді әскери қызметке шақырылуға жатпайды.

Қорғаныс министрлігінің әскери-техникалық мектебінде кімдер оқиды және қандай әскери мамандық алады?

Әскери-техникалық мектепте ақылы негізде әскери даярлықтан 24 жастан асқан, денсаулық жағдайы бойынша әскери қызметке жарамды немесе шектеулі жарамды, оның ішінде әскери қызметке шақыру кейінге қалдырылған адамдар өте алады.

Әскерге шақыру:

• отбасы жағдайына байланысты;
• білім алуды жалғастыру үшін;
• денсаулық жағдайы бойынша;
• басқа да себептермен кейінге қалдырылады.

Азаматтарды оқыту Қорғаныс министрлiгi бекiтетiн Әскери-техникалық және өзге де мамандықтар бойынша даярлау қағидаларына сәйкес жүзеге асырылад.

Оқыту қалай жүргізіледі?

Әскери-техникалық мектеп пен оқып-үйренушiлер арасында шарт жасалады.

Оқытудың ұзақтығы алған мамандығына байланысты және әдетте оқу кезеңіндегі демалыс және мереке күндерінің санын ескере отырып, күнтізбелік 40-46 күнді құрайды.

Оқу ағындарын қалыптастыру бүкiл жыл бойы жүзеге асырылады, олардың мерзiмiн жергiлiктi әскери басқару органдарында не әскери-техникалық мектептерде нақтылауға болады.

Мамандықты әскери оқытылған резервтің қажеттілігіне қарай Қорғаныс министрлігі айқындайды.

Оқыту нысаны - күндізгі, саны 30 адамнан аспайтын топ (взвод) құрамында:

• теориялық сабақты;
• зертханалық-практикалық сабақты;
• практикалық сабақты (жаттықтыру);
• далалық шығу мен қарудан оқ атуды қамтиды.

Оқытуды Қазақстан Республикасының Қарулы Күштерінде, басқа да әскерлері мен әскери құралымдарында әскери қызмет өтілі бар жоғары білікті оқытушылар жүзеге асырады.

Оқитындардың өмір сүру салты мен күн тәртібі Қазақстан Республикасы Президентінің 2007 жылғы 5 шілдедегі № 364 Жарлығымен бекітілген Қазақстан Республикасы Қарулы Күштерінің, басқа да әскерлері мен әскери құралымдарының жалпы әскери жарғыларымен регламенттеледі.

Оқу кезеңiнде азаматтар Қарулы Күштердiң әскери нысанында қолданылатын далалық киiм-кешекпен, даярлық құнына енгiзiлетiн үш рет тамақтанатын және монша-кiр жуу қызметтерi көрсетiлетiн әскери-техникалық мектепте тәулiк бойы тұрумен қамтамасыз етiледi.

Шартта білім алушыны мынадай жағдайларда оқудан шығару көзделген:

• өз еркімен*;
• үлгермеушілігі бойынша*;
• тәртіпсіздік бойынша*;
• денсаулық жағдайы бойынша (растайтын құжаттар мен медициналық көрсетілімдер болған кезде) **.

* Үлгермегендігі және тәртіпсіздігі бойынша (сабақта жалпы ұзақтығы 40 оқу сағатынан артық болмаған кезде), сондай-ақ өз еркі бойынша оқудан шығару шығындарды өтеусіз жүргізіледі.

** Денсаулық жағдайы бойынша оқудан шығару (40 оқу сағатынан астам уақыт емделуде) оқу құны мен мазмұнын ұстап қалу арқылы жүргізіледі.

Оқыту құны қанша?

Азаматтарды әскери-техникалық және өзге де мамандықтар бойынша өтеулі негізде даярлау бойынша көрсетілетін қызметтің бағасы «Қазақстан Республикасы Қорғаныс министрлігінің әскери-техникалық мектебі» республикалық мемлекеттік қазыналық кәсіпорны өндіретін және өткізетін тауарлардың (жұмыстардың, көрсетілетін қызметтердің) бағасын бекіту туралы» Қазақстан Республикасы Қорғаныс министрінің 2024 жылғы
30 желтоқсандағы № 1507 бұйрығына сәйкес 545 000 теңге мөлшерінде белгіленген.

Әскерге шақырылушылар мен әскери мiндеттiлердiң оқуы үшiн ақы төлеу Қазақстан Республикасы Қорғаныс министрлiгi мамандандырылған ұйымының есеп шотына жүргiзiледi.

Оқуға қалай түсуге болады?

Әскери-техникалық және өзге де мамандықтар бойынша даярлау үшін азаматтарды Қорғаныс министрлігінің әскери-техникалық мектептеріне жіберу мынадай мемлекеттік көрсетілетін қызметтер ұсыну тәртібімен жүзеге асырылады:

• «Әскери-техникалық және өзге де мамандықтар бойынша даярлауға жіберу үшін әскерге шақырылушылар мен әскери міндеттілерді кезекке қою»;
• «Әскерге шақырылушылар мен әскери міндеттілерді әскери-техникалық және өзге де мамандықтар бойынша даярлауға жіберу».

Көрсетілген мемлекеттік қызметті Қорғаныс министрлігі жергілікті әскери басқару органдары арқылы көрсетеді.

«Әскери-техникалық және өзге де мамандықтар бойынша даярлауға жіберу үшін әскерге шақырылушыларды және әскери міндеттілерді кезекке қою» мемлекеттік қызметін алу үшін азамат «цифрлық үкімет» www.egov.kz веб-порталы арқылы өтініш береді. Өтінішке әскери қызметке жарамдылығы тұрғысынан медициналық куәландыру картасының электрондық көшірмесін тіркейді (қосымшаны қараңыз). Медициналық куәландыру картасы әскери қызметке жарамдылық дәрежесі туралы қорытындыны алған сәттен бастап 10 жұмыс күні ішінде жарамды болады.

Медициналық куәландыруды азамат ауданның (қаланың) әскери-дәрігерлік комиссиясында әскери есепке алу орны бойынша өтеді, ол куәландыру нәтижелері бойынша мамандандырылған органдарда әскерге шақырылушыларды, әскери міндеттілерді қабылдау, оларды өтеусіз және өтеулі негізде жіберу және оқыту, оқу-тәрбие процесін ұйымдастыру, сондай-ақ әскери-техникалық және өзге де мамандықтар бойынша оқыту мерзімдері қағидаларының 3-қосымшасына сәйкес нысан бойынша медициналық куәландыру картасын ресімдейді және береді. Қазақстан Республикасы Қорғаныс министрінің 2017 жылғы 17 шілдедегі № 357 бұйрығымен бекітілген Қазақстан Республикасы Қорғаныс министрлігінің шегінде (қосымшадағы нысан) бекітілді.

Мемлекеттік қызметті көрсету нәтижесі «цифрлық үкімет» порталында пайдаланушының «жеке кабинетінде» әскери-техникалық және өзге де мамандықтар бойынша даярлауға жіберу үшін кезекке қою туралы хабарлама болып табылады, Мемлекеттік қызметті көрсету мерзімі - 2 жұмыс күні.

«Әскерге шақырылушыларды және әскери міндеттілерді әскери-техникалық және өзге де мамандықтар бойынша даярлауға жіберу» мемлекеттік көрсетілетін қызмет порталында проактивті форматта көрсетілетін қызметті алушының ұялы байланыс абоненттік құрылғысының телефон нөмірін тіркеу кезінде әскери-техникалық және өзге де мамандықтар бойынша даярлауға жіберу үшін кезекте тұрған көрсетілетін қызметті алушыларға ұсынылады.

Абоненттік нөмірді порталдың есептік жазбасына қосу Қазақстан Республикасы Инвестициялар және даму министрінің м.а. 2016 жылғы
25 қаңтардағы № 58 бұйрығымен бекітілген (Мемлекеттік қызмет көрсету тізілімінде тіркелген) ұялы байланыстың абоненттік құрылғысы арқылы электрондық нысанда мемлекеттік және өзге де қызметтерді алу үшін ұялы байланыс операторы ұсынған абоненттің абоненттік нөмірін тіркеу және «цифрлық үкіметтің» веб-порталының есептік жазбасына қосу қағидаларына сәйкес жүргізіледі. нормативтік құқықтық актілерді тіркеу No 13195 болып тіркелді).

Процестің сипаттамасын, нысанын, мазмұнын және көрсету нәтижесін қамтитын мемлекеттік қызмет көрсетуге қойылатын негізгі талаптардың тізбесі, сондай-ақ мемлекеттік қызмет көрсету ерекшеліктерін ескере отырып, өзге де мәліметтер осы Қағидаларға 12-қосымшаға сәйкес мемлекеттік қызмет көрсетуге қойылатын негізгі талаптардың тізбесінде келтірілген.

Оқуды бастаудың кезекті күні басталғанға дейін 3 жұмыс күні бұрын
ҚР ҚМ СО автоматты режимде кезекте тұрған көрсетілетін қызметті алушыларды: әскерге шақырылушы немесе әскери міндетті ретінде әскери есепте тұрған; мүгедектікті белгілеу; дерматология, онкология, «Фтизиатрия», Психиатрия және «Наркология» орталықтарында динамикалық байқауда тұру жай-күйін тексеру жүргізілгеннен кейін ҚР ҚМ ОЖ автоматты түрде мемлекеттік қызмет көрсету нәтижесін қалыптастырады.

Көрсетілетін мемлекеттік қызметтің нәтижесі:

көрсетілетін қызметті алушының әскери есепте әскерге шақырылушы немесе әскери міндетті ретіндегі жай-күйі расталған, мүгедектікті белгілеу не динамикалық байқауда тұрмаған кезде, осы Қағидаларға 13-қосымшаға сәйкес нысан бойынша әскери-техникалық және өзге де мамандықтар бойынша даярлыққа жіберу;

көрсетілетін қызметті алушы әскери есептен шығарылған не шығарылған, мүгедектігі не динамикалық байқауда тұрған жағдайы анықталған кезде әскери-техникалық және өзге де мамандықтар бойынша даярлауға жіберу үшін кезектен шығара отырып, осы Қағидаларға 14-қосымшаға сәйкес нысан бойынша проактивті қызмет көрсетуден бас тарту туралы хабарлама жіберу.

Жұмыспен, оқумен не істеу керек?

«Әскери қызмет және әскери қызметшілердің мәртебесі туралы» Заңның 12-бабының 11 және 12-тармақтарына сәйкес Қорғаныс министрлігінің мамандандырылған ұйымдарында сабақтан өту уақытында жұмыс берушілер көрсетілген ұйымдарда оқудан өтетін қызметкерлерге оқу демалыстарын беруге міндетті, бұл кезеңде олар жұмыс берушінің бастамасы бойынша жұмыстан шығарылмайды, сондай-ақ білім беру ұйымы басшысының бастамасы бойынша білім беру ұйымынан шығарылмайды.