«Бизнестің жол картасы-2025» бизнесті қолдау мен дамытудың мемлекеттік бағдарламасы шеңберінде сыйақы мөлшерлемесінің бір бөлігіне субсидия беру

«Бизнестің жол картасы 2025» бизнесті қолдау және дамытудың мемлекеттік бағдарламасы шеңберінде кредиттер бойынша портал арқылы мемлекеттік қызметті қалай алуға болады (қажетті құжаттар)::

1. Порталға тіркеліңіз және «Онлайн қызметке тапсырыс беру» батырмасы бойынша өтіңіз.
2. Электронды нысандағы өтінімді толтырыңыз.
3. Келісім нысандарының электронды нысанын толтырыңыз.
4. Банктің/Лизингтік компанияның кредит беру/қаржылық лизинг шартын жасасу мүмкіндігі немесе  Бағдарламаға қатысуға мүмкіндік беретін шарттар бойынша кәсіпкердің қаржылық лизинг шарты/кредит бойынша сыйақы мөлшерлемені төмендету туралы оң шешімі бар электронды көшірмені (сканерленген көшірмени) бекіті.
5. Жобаның мәнін ашатын құжаттың электрондық көшірмесін (сканерленген көшірмесі) (кәсіпкердің жобасын іске асыру бойынша бизнес-жоспар, жоба бойынша сараптама қорытындысын және т.б.) бекіту.
6. Кеден одағына мүше бір мемлекеттің аумағынан Кеден одағына мүше басқа мемлекеттің аумағына (Бағдарламаның үшінші бағыты шеңберінде қатысуға өтінім болған жағдайда) тауарларды орнын ауыстыруын растайтын құжаттырдың электронды көшірмесін (сканерленген көшірмені) бекіті.
7. Соңғы есепті кезеңде валюталық кірістердің тиісті деңгейінің бар екендігін растайтын құжаттырдың электронды көшірмесі (сканерленген көшірме) (Бағдарламаның үшінші бағыты шеңберінде қатысуға өтінім берген жағдайда).
8. Өтінімге ЭЦҚ-ға (электрондық цифрлық қолтаңба) қол қою.
9. Жеке кабинеттің «Қызмет алу тарихы» бөлімінде жазба арқылы статус бетіне өтіңіз және өтінімді мақұлдаңыз.
10. Жеке кабинетте өтінімді қарау нәтижелерімен танысу.
11. Құжаттар порталынан қызмет көрсету нәтижелерімен жүктеп алыңыз және басып шығарыңыз.

Шағын және орта кәсіпкерлік субъектісі бойынша, оның ішінде заңды тұлғаны/және кәсіпкерді мемлекеттік тіркеу туралы куәлікті, кәсіпкерлік субъектісінің санатын, кәсіпкерлік қызметінің табысы туралы ақпаратты, бюджетке төленетін міндетті берешектің болмауы боцынша мәліметтер «Электрондық үкімет» шлюзі арқылы тиісті мемлекеттк ақпараттық жүйелер арқылы автоматты түрде анықталады.

Заңды тұлғаның порталы арқылы сұрау салуды жүзеге асырған кезде, басшы мен заңды тұлғаның барлық құрылтайшылырын міндетті түрде келісуі талап етіледі, егер заңды тұлғаның құрылтайшысы басқа заңды тұлға болып табылатын болса, құрылтайшы болып табылатын заңды тұлға басшысының келісуі қажет болады.  

Келісу нысаны барлық қатысушыларға және басшылық порталдағы жеке кабинетке жіберіледі. Келісуді растау үшін қатысушы немесе басқарушы үшін жасалатын заңды тұлғаның электрондық цифрлық қолымен келісу нысанына қол қою қажет.

Қызметті «Даму» КДҚ АҚ қалай алуға болады (қажетті құжаттар):

"Бизнестің жол картасы 2020" бизнесті қолдау мен дамытудың бірыңғай бағдарламасының бірінші, екінші және үшінші бағыттары бойынша:

1. Өтініш-сауалнама.
2. Заңды тұлғаны мемлекеттік тіркеу/қайта тіркеу туралы куәлік (көрсетілетін қызметті алушының қолымен және мөртаңбамен (болған жағдайда) расталған көшірмесі, көрсетілетін қызметті алушыны тіркеу туралы хабарлама.

      Кәсіпкер жобасының бизнес-жоспары:

1. Меншікті қаражаттың (ақшаның, жылжымалы/жылжымайтын мүліктің) және/немесе үшінші тұлғалардың мүлкінің 180 миллион теңгеден астам кредиттер/қаржы лизингі шарттары бойынша) жобасын іске асыруға қатысуды қамтамасыз ету мерзімдері (бұл ретте мүліктің осындай қатысуы жобаны іске асырудың жалпы құнының 10% - ынан төмен емес деңгейде қамтамасыз етілуі тиіс);
2. Көрсетілетін қызметті беруші субсидиялау туралы шешім қабылдаған күннен бастап 2 қаржы жылынан кейін табыстың өсуіне қол жеткізу және міндетті зейнетақы жарналары және (немесе) әлеуметтік аударымдар бойынша деректер негізінде жұмыс орындарының орташа жылдық санын 10% – ға ұлғайту жөніндегі кезеңдер (осы абзацтың талабы Бағдарламаның бірінші бағыты шеңберінде/бағдарламаның екінші бағыты шеңберінде кәсіпкер-шағын кәсіпкерлік субъектілерінің жобалары бойынша қатысуға өтініш беру жағдайларына қолданылады);
3. Салық есептілігі деректерінің негізінде жұмыс орындарының орташа жылдық санын сақтау/ұлғайту немесе көрсетілетін қызметті беруші субсидиялау туралы шешім қабылдаған күннен бастап 2 қаржы жылынан кейін табыстың 10% - ға өсуіне қол жеткізу шарты (осы абзацтың талабы субсидиялау тетігі шеңберіндегі жобаларға қолданылады);
4. Орташа кәсіпкерлік субъектісі – кәсіпкердің соңғы үш қаржы жылындағы қаржылық есептерінің көшірмесі, табыстың 20% - ға өсуі туралы талдау жасауға мүмкіндік беретін салық есептілігінің көшірмесі қоса беріледі. Кәсіпкерлік қызметті 3 жылдан кем жүзеге асырған жағдайда, ақпарат кәсіпкерлік қызметті іс жүзінде жүзеге асыру кезеңі үшін ұсынылады (бағдарламаның екінші бағыты шеңберінде қатысуға өтініш берілген жағдайда);
5. Өтініш берген күнге дейін 30 күнтізбелік күннен кешіктірмей берілген, есепке алу Мемлекеттік кірістер органдарында жүргізілетін берешектің жоқ (бар) екендігі туралы мәліметтерді қамтитын құжат;
6. Тауарлардың Еуразиялық экономикалық одаққа мүше бір мемлекеттің аумағынан Еуразиялық экономикалық одаққа мүше басқа мемлекеттің аумағына өткізілуін растайтын тауарға ілеспе құжаттардың көшірмелері (болған жағдайда);
7. Соңғы есепті кезеңдегі валюталық пайданың тиісті деңгейінің бар-жоғын растайтын құжаттар (Бағдарламаның үшінші бағыты шеңберінде қатысуға өтініш берген жағдайда);
8. Банктің/даму банкінің/лизингтік компанияның Бағдарламаға қатысуға мүмкіндік беретін шарттарда көрсетілетін қызметті алушыға кредит беру/қаржылық лизинг шартын жасасу немесе кредит/қаржылық лизинг шарты бойынша сыйақы мөлшерлемесін төмендету мүмкіндігі туралы оң шешімі бар хаты.
9. Көрсетілетін қызметті берушінің кеңсесінде құжаттарды қабылдаған адамның тегі мен аты-жөнін көрсете отырып тіркеу (мөртаңба, кіріс нөмірі және күні) құжаттардың қабылданғанын растау болып табылады.