Жеке куәлікке ЭЦҚ кілттерін шығару үшін сіз pki.gov.kz сайтында өз бетіңізше өтінім бере аласыз  немесе "Азаматтарға арналған үкімет" мемлекеттік корпорациясы" КЕАҚ-ға жүгіне аласыз. Бүгінгі күні жазылу бойынша қызмет "Азаматтарға арналған үкімет" мемлекеттік корпорациясы" КЕАҚ барлық фронт-кеңселерінде көрсетіледі.

Тек жеке тұлғалар ЭЦҚ-ны жеке куәліктің чипіне жаза алады. Заңды тұлғалар үшін бұл қызмет көрсетілмейді.

ЭЦҚ бар куәлікті пайдалану үшін стационарлық компьютерде немесе ноутбукте смарт – карталарға арналған арнайы құрылғы-картридер (smart card reader) сатып алу қажет. Картридер – смарт карталарымен ақпарат алмасуға арналған оқу/жазу құрылғысы.

Оператор ЭЦҚ кілттерін жазу үшін сіздің куәлігіңіздің чипінің ұяшығын дайындайды, арнайы пернетақтаның көмегімен PIN-кодты енгізуді сұрайды және тіркеу куәліктерін орнатады. Барлық процесс 20 минуттан аспайды.

ҚР-ның барлық облыс орталықтарында Мемлекеттік қызметтерді "Азаматтарға арналған үкімет" мемлекеттік корпорациясы" КЕАҚ-ға немесе egov.kz порталына бармай-ақ электронды форматта алуға болады, тек қоғамдық қолжетімді орындары деп аталатын құрылғыға салынған картридер көмегімен жеке куәлікті пайдалана отырып, ҚҚО-ға жүгіну жеткілікті Бұл туралы толығырақ "Қоғамдық қолжетімді орындары" мақаласынан оқуға болады.

Мамыр айының басында "AKNUR Security" компаниясы ACR38U-I1 және ACR38U-N1 карт-ридерлерінің үлгілерін ресми түрде таныстырды, оларды қазірдің өзінде еліміздің "Технодом" және "Белый Ветер" ірі сауда жүйелерінің сатылымынан табуға болады.

Ықшам құрылғылар микропроцессорлы және криптопроцессорлы смарт-карталардың барлық үлгілерімен жұмыс істейді. Олар ISO 7816-1/2/3, EMV, Microsoft PC/SC стандарттарына толығымен сәйкес келеді және Windows, MacOS және Linux операциялық жүйелерімен үйлесімді.

Және де картридерлерді келесі жерде сатып алуға болады:

• Астана қ.: Тархан к-сі, 4, кеңсе 121, т. 8 (7172) 29-37-13, 29-37-15;
• Алматы қ.: Немирович-Данченко к-сі, 18, т. 8 (727) 247-87-34, 8 (727) 354-04-72.

Картридерді компьютерге қосу үшін оны компьютердің немесе ноутбуктің USB-ажыратқышына қосу қажет. Бұдан кейін оған бағдарламалық қамтамасыз етуді (драйвер) орнату қажет. Орнатылатын дискі картридермен бірге берілуі тиіс.

Орнатылған қондырғылардың тізімінде картридердің болуын қондырғылардың диспетчері арқылы білуге болады.

Порталдың қызметтерін алмай тұрып, электрондық қызметтермен қалыпты жұмыс істеу үшін компьютерде Java БҚ орнатылғанына көз жеткізу қажет.

Ескерту. ЭЦҚ кілттерін не тіркеу куәлігі, бірақ тіркеу сертификаты емес. Бұған қоса, жеке бас куәлігіне олардың екеуі жазылады, анықтап тану үшін және қол қою үшін.

Жеке куәлікті картридерге қоямыз және www.egov.kz порталын ашамыз.

Авторланып, қызметтерді алуды бастаймыз. Мысал ретінде зейнетақы аударымдары туралы анықтаманыалып көрейік.

«Сұранымды жіберу» түймешесін басқаннан кейін сертификат таңдалмады деп көрсетілген терезе ашылады.

«Сетификатты таңдау» түймешесіне басқаннан кейін диалогтық терезе пайда болады, бұл жерде сертификатты таңдау тәсілін көрсету қажет.

1. IDCard – жеке куәліктен сертификатты таңдау;
2. Файлды таңдау – сертификатты компьютерден немесе өзге тасығыштан (флэшка/CD-диск) таңдау.

Жеке куәлікте берілген ЭЦҚ таңдау қажет болғандықтан, «IDCard» түймешесін басу қажет. Бұдан кейін төрт мәнді PIN-код енгізуге арналған терезе пайда болады.

PIN-код енгізілгеннен кейін сертификат туралы стандартты терезе ашылады.

Қызметке қол қойып, нәтижені алу ғана қалады.

Жеке кәлікке жазылған ЭЦҚ-ның көмегімен порталдың қызметтерін алу рәсімінің стандартты рәсімнен айырмашылығы көп емес. Біз сақтаудың ЭЦҚ-ны сақтаудың осы тәсілін пайдалануды ұсынамыз, бұл ең алдымен сіздің жеке деректеріңіздің қауіпсіздігі үшін қажет.