Айдар парағына өту

«Нұрлы жер» бағдарламасы бойынша қалай баспана алуға болады Баспаға шығару нұсқасы

Cоңғы өзгеріс: 14.01.2020

«Нұрлы жер»  тұрғын үй құрылысы мемлекеттік бағдарламасы Елбасы Н.Ә. Назарбаевтың тапсырмасы бойынша әзірленді және өзіне тұрғын үй құрылысын қолдаудың жаңа тетіктерін және бұрын қабылданған мемлекеттік және салалық: «Нұрлы жол» мемлекеттік инфрақұрылымды дамытудың 2015-2019 жылдарға арналған және Өңірлерді дамытудың 2020 жылдарға дейінгі бағдарламалардың тетіктерін біріктірді. 

Бағдарлама елдегі халықтың әр тараптарының тұрғын үй мәселелерін кешенді шешуге бағытталды.

Ұлттық банк "7-20-25" жаңа ипотекалық бағдарламасын әзірлеуі және бекітуіне байланысты 5 негізгі міндеттер қайта қаралып, өзектендіріліп, өзекті болып белгіленді:

  1. Сатып алу мүмкіндігінсіз жалға берілетін тұрғын үй салу
  2. Кредиттік тұрғын үй салу.
  3. Жеке тұрғын үй құрылысын дамыту.
  4. Жеке құрылыс салушыларды тұрғын үй салуға ынталандыру.
  5. Квазимемлекеттік сектор субъектілерін тарту арқылы тұрғын үй салу.

*Ескертпе: "7-20-25" ипотекасын енгізуге байланысты бұрын баяндалған "ипотекалық кредит берудің қолжетімділігін арттыру" деген 5-міндет жасалған шарттар бойынша субсидияларды төлеу бойынша міндеттемелерін сақтай отырып алынып тасталды.

Сатып алу құқығынсыз жалға берілетін тұрғын үй салу

2017 жылдан бастап, жыл сайын 3000 жуық пәтер салуға республикалық бюджеттен жалға берілетін тұрғын үй қорын құру үшін өңірлерге 25 млрд. теңге бөлу көзделді. 2019 жылдан бастап жыл сайынғы қаржыландыруды 10 млрд. теңгеге арттыру жоспарланып отыр, бұл жыл сайын тағы 1000 тұрғын үйді пайдалануға қосымша тапсыруға мүмкіндік береді.
 

2017 жылы ауданы 146,5 мың шаршы метр 2620 пәтер салынды, ал 2018 жылы 184,5 мың шаршы метр (немесе 3470 пәтер) тапсыру жоспарланып отыр.

Салынған жалға берілетін тұрғын үй әкімдіктердің тізімінде тұрған халықтың әлеуметтік жағынан осал топтарына кезек тәртібінде сатып алу құқығынсыз ұзақ мерзімді жалға берілетін болады. Осындай санаттағы тұлғалар тізбесі ҚР «Тұрғын үй қатынастары туралы» Заңының 68-бабында келтірілген.

Тұрғын үйді алуға кезекке тұру үшін мұқтаж ретінде есепке қою үшін әкімдікке жүгіну қажет. Осы сілтеме бойынша өтіп, қызметті порталда онлайн алуға және қажетті құжаттар тізімімен танысуға болады.

Бұдан басқа, жыл шеңберінде Жастар жыл сайын Нұр-сұлтан, Алматы және Шымкент қалаларында жұмыс істейтін жастар жалдамалы тұрғын үймен қамтамасыз етіледі, ол үшін республикалық бюджеттен 21,6 млрд.теңге көзделеді.

Кредиттік тұрғын үй салу.

2016 жылы Ұлттық қордан кредиттік тұрғын үй құрылысы үшін мемлекеттік бағалы қағаздарды шығару есебінен 67 млрд. теңге бөлінген болатын.

2016-2017 жылдар кезеңінде ауданы 592,7 мың шаршы метр 9278 пәтер салынды, 2018 жылы 581 мың шаршы метр (немесе 10 466 пәтер) салынды, ал 2019 жылы 282 мың шаршы метр (немесе 10 888 пәтер) тапсыру жоспарлануда.

Бағдарламаның осы бағытының шеңберінде жергілікті атқарушы органдардың кредиттік тұрғын үй енгізу көлемдері ұлғаятын болады.  Бұл үшін «Бәйтерек» ҰБХ» АҚ және «Самырұқ-Қазына» ЖМ» АҚ бұрын бөлінген қарыз қаражаттарын қайта бөлу есебінен құрылыстың қаржыландыруын ұлғайту көзделеді. Қаражатты «револьверлік» қағидаты бойынша, әр 2 жылдағы айналысымен пайдалану жоспарланады.

Кредиттік тұрғын үйді алу үшін мұқтаж ретінде есепке қою үшін әкімдікке жүгініп, ТұрғынҮйҚұрылысЖинақБанкінде депозит ашу қажет немесе ЕДБ клиенті болу, өйткені салынған кредиттік тұрғын үй  ТұрғынҮйҚұрылысЖинақБанкінің салымшылары және ТұрғынҮйҚұрылысЖинақтауБанкінінің салымшылары болып табылатын әкімдікте кезекте тұрған адамдар арасында және "7-20-25" бағдарламасы бойынша» қолжетімді бағамен үлестірілетін болады. Осы сілтеме бойынша өтіп, қызметті порталда онлайн алуға және қажетті құжаттар тізімімен танысуға болады.

ТұрғынҮйҚұрылысЖинақБанкінде шот ашу үшін жеке куәлікпен банктің менеджеріне жүгіну қажет.

Осылайша, іске асырудың құны Нұр-Сұлтан, Алматы, Атырау, Ақтау қалаларында 180 мың теңгеге дейін, қалған өңірлерде 140 мың теңгеге дейін құрайтын болады.

Жеке тұрғын үй құрылысын дамыту

Меншікті түрғын үйдің құрылысын ынталандыру үшін әкімдіктерде жер участкесіне кезекте тұрған адамдарға инженерлік коммуникациялары өткізілген учаскелер берілетін болады.  Осы мақсаттар үшін, жыл сайын республикалық бюджеттен көп пәтерлі және жеке тұрғын үй құрылысы аудандарына қажетті инфрақұрылымды өткізуге 80 млрд. теңге бөлу көзделді.  2019 жылдан бастап жыл сайынғы қаржыландыруды 20 млрд. теңгеге  арттыру жоспарланып отыр.

Оның ішінде, жыл сайын жеке тұрғын үй құрылысына арналған 40 мың жер учаскелеріне электрмен- және сумен жабдықтайтын желілер өткізілетін болады. 2017-2018 жылдар кезеңінде ЖТҚ үшін 130 мың жер учаскесі шығарылды.

Сонымен қатар, 2017 жылдан бастап өңірлердің облыс орталықтары мен перспективті елді мекендерде ЖТҚ пилоттық жобасын іске асыруы басталды. Сәйкес көрсеткіштерімен дайын тұрғын үй сатып алу ниеті туралы кезекте тұрған адамдардың өтініштері негізінде, әкімдіктер кезектегілердің соңғы тізімін қалыптастырады және жергілікті өндірістің материалдарын және Үй құрылысы комбинаттарының технологияларын қолдану арқылы, бірыңғай сәулеттік стильде бір шаршы метрінің бағасы 120 мың теңгеден аспайтын жеке тұрғын үй құрылысын үйымдастырады.

Үйлердің 6 үлгілік жобасы әзірленіп,  әрі қарай қолдану үшін өңірлерге жіберілді.

Салынған жеке тұрғын үй жер учаскелерін алуға әкімдіктердің тізімдерінде тұрған азаматтарға  төлеп алуға ұсынылатын болады. Пилоттық жобаға қатысатын кезекте тұрған адамдар дайын тұрғын үйді өз қаражаты есебінен, ЕДБ немесе ТҮҚЖБ ипотекалық қарыздарынан төлеп алады. Тұрғын үйді іске асыру уәкілетті орган бекітетін "Нұрлы жер" мемлекеттік тұрғын үй құрылысы бағдарламасы шеңберінде жеке құрылыс салушылар салған және (немесе) олардан сатып алынған тұрғын үйлерді іске асыру қағидаларына сәйкес жүзеге асырылады.

Жеке тұрғын үйді салуға жер учаскесін алу үшін әкімдікке жүгініп, жергілікті атқарушы органда есепке тұру қажет. Жеке куәлік көшірмесін ұсынып, өтінішті толтыру қажет, кезектегі адамдар тізімін әкімдіктердің сайттарында көруге болады.

ЖТҚ пилоттық жобасынан дайын тұрғын үйді алу үшін әкімдікке жүгініп, жер учаскесіне кезекке тұру және таңдалған үй өлшемдерімен дайын үйді сатып алу ниеті туралы өтініш беру қажет.

Жеке құрылыс салушыларды тұрғын үй салуға ынталандыру

Сондай-ақ, Бағдарламаның шеңберінде жеке құрылыс салушылардың кредиттері бойынша сыйақы мөлшерлемесінің бөлігін республикалық бюджеттен субсиидялау есебінен коммерциялық тұрғын үй құрылысын ынталандыру көзделеді. 

Субсидиялар "Даму" КДҚ" АҚ қаржы агенті арқылы бөлінеді, құрылыс салушылардың қарыздары бойынша пайыздың ставкалары 7% мөлшерінде субсидияланатын болады. Бұл ретте, құрылыс компаниялармен салынған тұрғын үйдің 50% бір шаршы метріне белгіленген баға бойынша Тұрғын үй құрылыс жинақ банктің салымшыларына сатып алуға ұсынылатын болады: Нұр-Сұлтан мен Алматы қалалары және олардың қала маңы аймақтарында, Атырау, Ақтау, Шымкент қалаларында 260 мың теңгеге дейін және қалған өңірлерде 220 мың теңгеге дейін. 2017-2018 жылдары және 2019 жылдың 10 айында жеке құрылыс салушылар 500 мың шаршы метрден астам тұрғын үйді пайдалануға берді.

Жеке құрылыс салушыға субсидияланған кредитті қалай алуға болады?

1-қадам. Заңды тұлға ЕДБ-ге тұрғын үй салу үшін кредит алуға құжаттар мен субсидия алуға өтініш береді.

2-қадам. ЕДБ ішкі құжаттармен белгіленген процедураларға сәйкес төлем қабылеттілікті және кепілге салынған мүлікке бағалауын жүргізеді.

3-қадам. ЕДБ-тің кредит беру туралы оңтайлы шешімі қабылданған жағдайда, заңды тұлға субсидия алу үшін әкімдіктердің жаңындағы Өңірлік үйлестіруші кеңеске өтініш береді.

4-қадам. ӨҮК құжаттардың Бағдарламаның талаптарына сәйкестігін тексереді және субсидиялау туралы шешім қабылдайды.

5-қадам. ЕДБ-мен алған шешімнің негізінде қарыз алушымен және «Даму» АҚ-пен банктік қарыздың келісімін және субсидиялаудың келісімін жасасады.

5. Квазимемлекеттік сектор субъектілерін тарта отырып тұрғын үй салу

Осы бағытта бұрын қабылданған 2015-2019 жылдарға арналған "Нұрлы жол" Инфрақұрылымдық даму жөніндегі мемлекеттік бағдарламасы және 2020 жылға дейінгі Өңірлерді дамыту бағдарламасы тұрғын үй бағдарламаларын іске асыру тетіктері қарастырылады.

Бұрын Қазақстанда жалға берілетін тұрғын үй қоры негізінен ЖАО-да кезекте тұрғандар мен жас отбасылар үшін коммуналдық тұрғын үй салу есебінен ЖАО арқылы қалыптасты. 2017 жылы кейбір өңірлерде ЖАО-да кезекте тұрғандар мен жас отбасыларға бөлу үшін нысандардың құрылысы аяқталды-ауданы 114,8 мың шаршы метр 1846 пәтер пайдалануға берілді, 2018 жылы ауданы 21,5 мың шаршы метр ауыспалы 379 пәтер пайдалануға берілді, 2019 жылы ауданы 23,35 мың шаршы метр ауыспалы 325 пәтер пайдалануға берілді (ШҚО).

Сондай-ақ, Бағдарламаның шеңберінде «Бәйтерек» ҰБХ» АҚ және «Самырұқ-Қазына» ЖМ» АҚ бастаған тұрғын үй құрылыс объекттерінің құрылысы аяқтау қарастырылған, олар уәкілетті орган бекітетін "Нұрлы жер" мемлекеттік тұрғын үй құрылысы бағдарламасы шеңберінде жеке құрылыс салушылар салған және (немесе) олардан сатып алынған тұрғын үйлерді іске асыру қағидаларына сәйкес бөлінеді, осылайша:

- "Бәйтерек девелопмент" АҚ желісі бойынша тұрғын үй ЖАО-да кезекте тұрғандарға сатып алуға ұсынылады және басқа тұлғаларға сатылмаған тұрғын үй болған жағдайда (2016-2018 жылдар кезеңінде 9789 пәтер (588,7 мың шаршы метр) іске қосу қамтамасыз етіледі, жобаларды іске асыру аяқталды;

- "ҚИК" АҚ тұрғын үйі уәкілетті орган бекіткен "Нұрлы жер" тұрғын үй құрылысының мемлекеттік бағдарламасы шеңберінде салынған және (немесе) жеке құрылыс салушылардан сатып алынған тұрғын үйлерді сату ережесіне сәйкес ЖАО-да кезекте тұрғандарға кейіннен сатып алу құқығымен жалға беріледі (2015-2018 жылдар кезеңінде жалпы ауданы 1,054 млн. шаршы метр 18 583 пәтер салынды және сатып алынды), жобаларды іске асыру аяқталды;

- "Самұрық-Қазына "ҰӘҚ" АҚ тұрғын үйі барлық санаттағы азаматтар үшін сатып алуға арналған (коммерциялық тұрғын үй жобалары Нұр-сұлтан, Алматы, Шымкент және ШҚО қалаларында іске асырылуда), (2017-2018 жылдар кезеңінде жалпы ауданы 283 мың шаршы метр 5 471 пәтер сатып алу құқығымен жалға берілетін тұрғын үй салынды және сатып алынды), 2019 жылы "Самұрық-Қазына" ҰӘҚ " АҚ-ның тұрғын үйі барлық санаттағы азаматтар үшін.

Әскери қызметшілер мен арнаулы мемлекеттік органдар қызметкерлерін тұрғын үймен қамтамасыз ету бойынша ТҮҚЖБ бағдарламалары арқылы тұрғын үй құрылысы жобаларын, ЕДБ-де шартталған депозиттерде ТҮҚЖБ қаражатын орналастыру арқылы жеке құрылыс салушылардың қатысуымен жобаларды іске асыру нормалары көзделген.

Нұр-Сұлтан қаласында авариялық тұрғын үйді бұзудың пилоттық жобасын іске асыру жалғастырылуда, оның шеңберінде жобаны қайта инвестициялау мақсатында нарықта өткізу үшін кеңсе үй-жайлары мен паркингтері бар шағын габаритті тұрғын үйлер мен жайлылығы I-IV сыныпты тұрғын үйлерді салу көзделіп отыр.

Кепілдік беру қорының қатысуымен үлестік салымдарды қорғау тетігін іске асыру, сондай-ақ төлемділік, мерзімділік және қайтарымдылық шартында Нұр-Сұлтан қаласының уәкілетті ұйымына "Бәйтерек девелопмент" АҚ кредит беру есебінен Нұр-Сұлтан қаласында проблемалық тұрғын үй құрылысы объектілерін аяқтауды қаржыландыру көзделіп отыр.

Көмек
Көмек
Ай бойы келгендердің барлығы:
Кеше келгендердің барлығы:
Қазір порталда:
URL:
Қате:
Пікір:

Спасибо, информация об ошибке принята.

Извините, в данный момент информация об ошибке не может быть обработана.
Попробуйте позже.