«Болашақ» халықаралық стипендиясы – азаматтардың бакалавр, магистр, философия докторы (PhD), бейіні бойынша доктор дәрежесін алуы үшін жетекші шетелдік жоғары оқу орындарының күндізгі бөлімінде білім алуы, резидентурада оқуы немесе Шетелдерде кадрлар даярлау жөніндегі республикалық комиссия санаттарын айқындайтын жұмыскерлердің шетелдік ұйымдарда тағылымдамадан өтуі үшін Қазақстан Республикасының Президенті тағайындайтын стипендия.
1993 жылы Қазақстан Республикасының Президенті Н.Ә. Назарбаевтың Жарлығымен құрылған. «Болашақ» халықаралық стипендиясы түлектердің табысты мансаптық өсуі мен кәсіби өзін-өзі қалыптастыруының өзіндік кепіліне айналды.
«Болашақ» халықаралық стипендиясының иегері кім бола алады?
Бағдарламаға:
- бакалавр, магистр, философия докторы (PhD), бейін бойынша доктор дәрежесін алуға;
- резидентурада оқуға;
- тағылымдамадан өтуге үміттенетін Қазақстан Республикасының кез келген азаматы қатыса алады.
«Болашақ» халықаралық стипендиясы тағылымдамадан өту, әрбір дәрежені (бакалавр, магистр, философия докторы (PhD), бейіні бойынша доктор) алу, резидентурада оқу үшін бір рет тағайындалатынын ескерген маңызды.
Бұрын тағайындалған стипендияны пайдаланбаған және оқуға немесе тағылымдамаға кіріспеген адамдарға Әкімші алдында берешегі болмаған жағдайда «Болашақ» стипендиясын беру үшін конкурсқа қатысуға қайтадан бір реттік мүмкіндік беріледі.
«Болашақ» бағдарламасы бойынша түсу тәртібі I кезең. Түсу үшін санаттарды анықтау
«Болашақ» халықаралық стипендиясы аясында ҚР азаматтары келесі бағдарламалар бойынша түсе алады: бакалавриат, магистратура, резидентура, докторантура және тағылымдамадан өту.
Аталған білім бағдарламаларына:
- Академиялық оқуға өз бетімен түскен үміткер;
- Магистр дәрежесін алуға ауылдық елді мекеннен шыққан үміткерлер;
- Магистр дәрежесін алуға инженерлік-техникалық қызметкерлер;
- Магистр дәрежесін алуға медициналық қызметкер;
- Магистр дәрежесін алуға мемлекеттік қызметшілерді;
- Магистр дәрежесін алуға атом саласының қызметкерлері;
- Атом саласының қызметкерлері философия докторы (PhD), бейіндік доктор дәрежесін алуға.
Тағылымдама.
- Инженерлік-техникалық қызметкерлер;
- Агроөнеркәсіптік кешен саласының қызметкерлер;
- Жасанды интеллект пайдаланушылары;
- Мектепке дейінгі, орта, техникалық және кәсіптік білім беру ұйымдарының педагогтері;
- Жоғары және жоғары оқу орнынан кейінгі білім беру ұйымдарының педагогтері мен қызметкерлері;
- Медицина қызметкерлері;
- Мемлекеттік қызметшілер;
- Бұқаралық ақпарат құралдарының қызметкерлері;
- Мәдениет, туризм және спорт саласының қызметкерлері;
- Судьялар мен сот қызметкерлері;
- Атом саласының қызметкерлері.
Әр санаттың белгілі бір талаптармен сипатталатынын атап өту керек.
Бакалавр дәрежесін алу үшін өз бетімен түскен үміткерлер:
Үміткерлерге қойылатын талаптар:
- тізімге енгізілген жетекші шетелдік жоғары оқу орнына академиялық оқуға сөзсіз қабылдануы (қаржылық талаптарды қоспағанда).
- В1 деңгейінен кем емес нәтижемен мемлекеттік тіл бойынша емтихан тапсыру туралы сертификаттың болуы.
- өздері таңдаған мамандық олимпиаданың немесе конкурстың пәніне сәйкес келген жағдайда соңғы 3 (үш) жылда алған, тізбесін Республикалық комиссия айқындайтын жалпы білім беретін пәндер бойынша халықаралық олимпиадалардың, ғылыми жобалардың халықаралық конкурстарының және орындаушылардың халықаралық конкурстарының бірінші, екінші және үшінші дәрежелі дипломның болуы;
Магистр дәрежесін алуға өз бетімен түскен үміткерлер:
Үміткерлерге қойылатын талаптар:
- ұсынылған ЖОО тізіміне енгізілген шетелдік ЖОО–дан шартсыз шақыртуы болу (қаржылық шарттарды қоспағанда);
- В1 деңгейінен кем емес нәтижемен мемлекеттік тіл бойынша емтихан тапсыру туралы сертификаттың болуы;
- бакалавр немесе маман дипломының орташа балы есептелмейді.
Магистр дәрежесін алу үшін ауылдық елдімекеннен шыққан үміткерлер:
Үміткерлерге қойылатын талаптар:
- тұрғылықты жері бойынша тіркелген және соңғы 2 (екі) жылда еңбек қызметін жүзеге асыратын жері Қазақстан Республикасының ауылдық елді мекені болуы;
- бакалавр немесе маман дипломының қосымшасы бойынша орташа балы кемінде GPA 3.00 (4.33 тен/4.00) немесе 5.00-ден 4.00;
- В1 деңгейінен кем емес нәтижемен мемлекеттік тіл бойынша емтихан тапсыру туралы сертификаттың болуы;
- белгіленген ең төменгі талапқа сәйкес келетін нәтижесі бар шет тілінен емтихан тапсырғаны туралы сертификаты болуы;
- бакалавр/маман дипломы бойынша мамандығының мәндес мамандықтар тізбесіне сәйкес таңдаған мамандығына сай келуі
Магистр дәрежесін алу үшін инженерлік-техникалық қызметкерлер
Үміткерлерге қойылатын талаптар:
Құжаттарды тапсыру сәтінде жеке тұлға:
- өндірістік процесті ұйымдастырады және басқарады (өндіруді, дайындауды, сақтауды, тасымалдауды, өңдеу/қайта өңдеуді);
- жоғары техникалық білімі бар, оның ішінде ақпараттық-коммуникациялық технологиялар саласында
- ұйымда өндірістік қызметті тікелей жүзеге асыратын;
- таңдалған салада кемінде 1 жыл жалпы жұмыс өтілі бар.
- техникалық бағыттағы мамандықтар бойынша оқи алады.
- бакалавр немесе маман дипломының қосымшасы бойынша орташа балы кемінде GPA 3.00 (4.33 тен/4.00) немесе 5.00-ден 4.00;
- В1 деңгейінен кем емес нәтижемен мемлекеттік тіл бойынша емтихан тапсыру туралы сертификаттың болуы;
- белгіленген ең төменгі талапқа сәйкес келетін нәтижесі бар шет тілінен емтихан тапсырғаны туралы сертификаты болуы;
- бакалавр/маман дипломы бойынша мамандығының мәндес мамандықтар тізбесіне сәйкес таңдаған мамандығына сай келуі.
Магистр дәрежесін алу үшін медициналық қызметкерлер
Үміткерлерге қойылатын талаптар:
Конкурстық іріктеуге қатысу үшін құжаттарды тапсыру сәтінде үміткер:
- медициналық ұйымда жұмыс істеу;
- тікелей медициналық көмек көрсету;
- жоғары медициналық білімі бар;
- жалпы медициналық жұмыс өтілі кемінде 1 жыл болуы керек.
- бакалавр немесе маман дипломының қосымшасы бойынша орташа балы кемінде GPA 3.00 (4.33 тен/4.00) немесе 5.00-ден 4.00;
- В1 деңгейінен кем емес нәтижемен мемлекеттік тіл бойынша емтихан тапсыру туралы сертификаттың болуы;
- белгіленген ең төменгі талапқа сәйкес келетін нәтижесі бар шет тілінен емтихан тапсырғаны туралы сертификаты болуы;
- бакалавр/маман дипломы бойынша мамандығының мәндес мамандықтар тізбесіне сәйкес таңдаған мамандығына сай келуі.
Магистр дәрежеін алу үшін мемлекеттік қызметшілер
Үміткерлерге қойылатын талаптар:
Магистр дәрежесін алу үшін үміткер құжаттарды тапсыру кезінде:
- мемлекеттік қызметші болуы (мемлекеттік саяси қызметшілерден басқа);
- Мемлекеттік қызметте жалпы өтілі кемінде 3 жыл болуы тиіс;
- оны бағыттаушы мемлекеттік органда кемінде соңғы 12 ай жұмыс істеуі қажет.
- бакалавр немесе маман дипломының қосымшасы бойынша орташа балы кемінде GPA 3.00 (4.33 тен/4.00) немесе 5.00-ден 4.00;
- В1 деңгейінен кем емес нәтижемен мемлекеттік тіл бойынша емтихан тапсыру туралы сертификаттың болуы;
- белгіленген ең төменгі талапқа сәйкес келетін нәтижесі бар шет тілінен емтихан тапсырғаны туралы сертификаты болуы;
- бакалавр/маман дипломы бойынша мамандығының мәндес мамандықтар тізбесіне сәйкес таңдаған мамандығына сай келуі
Магистр дәрежесін алуға атом саласының қызметкерлері
Үміткерлерге қойылатын талаптар:
- бакалавр немесе маман дипломының қосымшасы бойынша орташа балл GPA 3.00-ден (4.00/4.33 шкаласы бойынша) немесе 5.00-ден 4.00-ден төмен болмауы;
- мемлекеттік тіл бойынша емтихан тапсырғаны туралы сертификаттың болуы, нәтижесі кемінде В1 деңгейінен төмен болмауы;
- шет тілі бойынша емтихан тапсырғаны туралы сертификаттың болуы, ол белгіленген ең төменгі талаптарға сәйкес келуі;
- бакалавр/маман дипломы бойынша мамандықтың таңдалған мамандыққа туыстас мамандықтар тізбесіне сәйкес келуі.
Магистр дәрежесін алуға атом саласының қызметкері – мемлекеттік атом энергиясын реттеу ұйымдарында, жер қойнауын пайдалану (уранды барлау және өндіру), атом өнеркәсібі саласындағы ұйымдарда, сондай-ақ атом энергетикасы саласындағы инженерлік ізденістер, техникалық кеңес беру, ғылыми зерттеулер жүргізетін ұйымдарда еңбек қызметін жүзеге асыратын жеке тұлға. Сондай-ақ бұл санатқа атом энергетикасы инфрақұрылымын және базалық қондырғыларды жобалау, салу және пайдалану, перспективалы технологиялар мен өндірістерді дамыту және енгізу, атом энергетикасы саласына инвестициялар тартумен айналысатын ұйымдар, сондай-ақ радиофармацевтикалық препараттар, радиоактивті изотоптар мен көздерді өндіретін, электрондық үдеткіштер негізінде радиациялық технологияларды қолданатын, ядролық-физикалық талдау әдістерін әзірлейтін және пайдаланатын ұйымдар кіреді. Жалпы еңбек өтілі кемінде 3 жыл болуы тиіс, оның ішінде құжат тапсыру сәтінде таңдалған мамандық саласында соңғы 6 айда нақты жұмыс істеген болуы қажет. Бұл талаптар «Болашақ» стипендиясы аясында академиялық оқу және тағылымдамадан өту үшін қойылады.
Доктор дәрежесін алуға және резидентурада оқуға үміткерлер:
Үміткерлерге қойылатын талаптар:
- ұсынылған ЖОО тізіміне енгізілген шетелдік ЖОО–нан шартсыз шақыртуы болу (қаржылық шарттарды қоспағанда);
- жетекші шетелдік жоғары оқу орнымен келісілген жеке оқу жоспарының болуы (докторантура бағдарламасы бойынша оқу үшін)
- В1 деңгейінен кем емес нәтижемен мемлекеттік тіл бойынша емтихан тапсыру туралы сертификаттың болуы;
- атом саласының қызметкерлері үшін философия докторы (PhD), бейіндік доктор дәрежесін алу мақсатында – жұмыс орнын сақтау шартымен маман даярлауға жұмыс берушінің өтінімінің болуы.
Егер Сіз «Тағылымдама» санаты бойынша қатысатын болсаңыз:
Үміткерлерге қойылатын талаптар:
- тағылымдамаға қабылдайтын шетелдік ұйымның атынан шартсыз шақыртуы болу (қаржылық шарттарды қоспағанда);
- жалпы еңбек өтілі кемінде 3 (үш) жыл, оның ішінде соңғы 12 (он екі) айы таңдаған мамандық саласында;
- белгіленген ең төменгі талаптарға сәйкес келетін мемлекеттік және шет тілдері сертификатының болуы.
- «Жасанды интеллект жүйесін пайдаланушылар» және «Атом саласының қызметкерлері» санаттары үшін – жалпы еңбек өтілі кемінде 3 жыл, оның ішінде таңдалған мамандық саласында соңғы 6 айда жұмыс істеуі.
II-кезең. Қажетті құжаттарды дайындау
Құжаттарды қабылдау және конкурс өткізу мерзімдерін Жұмыс органы жыл сайын бекітеді және құжаттарды қабылдау мерзімі басталғанға дейін күнтізбелік 10 (он) күн бұрын Қазақстан Республикасының бүкіл аумағында таратылатын Қазақстан Республикасының бұқаралық ақпарат құралдарында жарияланады.
Оқуға түсетін үміткерлер төменде көрсетілген құжаттар пакетін дайындауы қажет:
Бакалавр дәрежесін алу үшін өз бетімен түскен үміткерлер
- нысан бойынша толтырылған сауалнама;
- жеке куәлік және төлқұжат;
- қосымшасымен бірге жалпы орта білім немесе техникалық және кәсіптік білім немесе орта білімнен кейінгі білім туралы мемлекеттік үлгідегі құжаттың электрондық көшірмесін;
- өздері таңдаған мамандық олимпиаданың немесе конкурстың пәніне сәйкес келген жағдайда соңғы 3 (үш) жылда алған, тізбесін Республикалық комиссия айқындайтын жалпы білім беретін пәндер бойынша халықаралық олимпиадалардың, ғылыми жобалардың халықаралық конкурстарының және орындаушылардың халықаралық конкурстарының бірінші, екінші және үшінші дәрежелі дипломның электрондық көшірмесін;
- белгіленген ең төмен талаптарға сәйкес келетін нәтижемен бірге мемлекеттік тілден емтихан тапсырғаны туралы белгіленген нысандағы жарамды ресми сертификаттың электрондық көшірмесін;
- шетелге шығатын тұлғалар үшін 0.72у нысан бойынша денсаулық жағдайы туралы медициналық анықтама;
- оқу бағдарламасы, мамандығы, оқу кезеңі көрсетілген, мемлекеттік немесе орыс тілдеріне нотариат куәландырған аудармасы бар, академиялық оқуға сөзсіз қабылданғанын растайтын құжаттардың (қаржылық талаптарды қоспағанда) электрондық көшірмелерін;
- шетелге оқуға жіберілетін үміткердің заңды өкiлінің (ата-аналар (ата-ана), бала асырап алушылар, қорғаншы немесе қамқоршы, баланы қабылдайтын ата-ана (ата-аналар), патронат тәрбиешi және Қазақстан Республикасының заңнамасына сәйкес балаға қамқорлық жасауды, білім, тәрбие беруді, оның құқықтары мен мүдделерін қорғауды жүзеге асыратын олардың орнындағы басқа да адамдар) нотариаттық келісімінің электрондық көшірмесін (18 жасқа толмаған тұлғалар үшін);
- тізімге енгізілген шетелдік жетекші жоғары оқу орны, сондай-ақ өзге де шетелдік және/немесе қазақстандық ұйымдар академиялық оқудың бүкіл кезеңі үшін академиялық оқу ақысын қамтитын шығыстарды толық өтей отырып ұсынатын, бар болса, мемлекеттік немесе орыс тілдеріне нотариат куәландырған аудармалармен бірге үміткердің академиялық оқуға өтеусіз негізде қабылданғанын растайтын құжаттардың электрондық көшірмелерін;
- Уәждемелік хат.
Магистр дәрежесін алу үшін өз бетімен түскен үміткерлер:
- нысан бойынша толтырылған сауалнама;
- жеке куәлік және төлқұжат;
- қосымшасы бар бакалавр немесе маман дипломы, сонымен қоса шетелдік білім беру ұйымында оқыған жағдайда – білімі туралы құжатты тану және/немесе нострификациялау туралы куәлік не Заңның 39-бабы 8-тармағында бекітілген ерекшеліктерді ескере отырып, білімі туралы құжатты тану туралы басқа құжат;
- мемлекеттік тілден емтихан тапсырғаны туралы белгіленген нысандағы жарамды ресми сертификат;
- шетелге шығатын тұлғалар үшін 0.72у нысан бойынша денсаулық жағдайы туралы медициналық анықтама;
- мемлекеттік немесе орыс тіліне нотариалды куәландырылған аудармасы бар академиялық оқуға шартсыз қабылданғанын растайтын, бағдарламасы, мамандығы, оқу кезеңі көрсетілген құжаттардың көшірмесі (қаржылық шарттарды қоспағанда);
- Шетелдік жоғары оқу орны берген үлгерім туралы ресми құжат/мамандығын, курсын (оқу жылын), осы оқу орнында пайдаланылатын бағалау жүйесі туралы ақпаратты, сондай-ақ бар болған жағдайда мемлекеттік немесе орыс тіліне нотариалды куәландырылған аудармалары бар осы оқу орнындағы ағымдағы үлгерімнің орташа балын көрсететін белгіленген үлгідегі анықтама (Тізімге енгізілген шетелдік жетекші жоғары оқу орындарында академиялық оқуда оқитын адамдар үшін);
- Уәждемелік хат.
Магистр дәрежесін алу үшін ауылдық елді мекеннен шыққан үміткерлер, инженерлік-техникалық қызметкерлер, медицина қызметкерлері, мемлекеттік қызметшілер, атом саласының қызметкерлері
- нысан бойынша толтырылған сауалнама;
- жеке куәлік және төлқұжат;
- қосымшасымен бірге бакалавр немесе маман дипломы, сондай-ақ шетелдік білім беру ұйымында оқыған болса – білімі туралы құжатты тану және/немесе нострификациялау туралы куәлік не Заңның 39-бабының 8-тармағында белгіленген ерекшеліктерді ескере отырып, білімі туралы құжатты тану туралы өзге де құжатты;
- жұмыс органы бекітетін нысан бойынша Қазақстан Республикасының аумағында еңбек қызметін жүзеге асыру бойынша еңбек қатынастарындағы Қазақстан Республикасы заңды тұлғасының, оның филиалының, өкілдігінің (бұдан әрі – жұмыс беруші) жұмыс орнын сақтау шартымен маман даярлауға арналған өтінімінің электрондық көшірмесі;
- еңбек қызметін растайтын құжаттар, сондай-ақ осы Қағидаларға сәйкес талап етілетін еңбек қызметі кезеңі үшін аударылған міндетті зейнетақы жарналары туралы үзінді көшірме;
- В1 деңгейінен кем емес нәтижемен мемлекеттік тіл бойынша емтихан тапсырғаны туралы белгіленген нысандағы жарамды ресми сертификат;
- белгіленген ең төменгі талаптарға сәйкес нәтижесі бар шет тілі бойынша емтихан тапсырғаны туралы белгіленген нысандағы жарамды ресми сертификат;
- шетелге шығатын тұлғалар үшін 0.72 у нысанындағы денсаулық жағдайы туралы медициналық анықтама;
- ауылдық елді мекеннен шыққан үміткерлер үшін тұрғылықты жері туралы Әкімші тиісті мемлекеттік ақпараттық жүйелерден және дерекқорлардан алған мәліметтер.
- Уәждемелік хат.
Доктор дәрежесін алуға және резидентурада оқуға үміткерлер:
- нысан бойынша толтырылған сауалнама;
- жеке куәлік және төлқұжат;
- қосымшасы бар бакалавр немесе маман дипломы, сонымен қоса шетелдік білім беру ұйымында оқыған жағдайда – білімі туралы құжатты тану және/немесе нострификациялау туралы куәлік не Заңның 39-бабы 8-тармағында бекітілген ерекшеліктерді ескере отырып, білімі туралы құжатты тану туралы басқа құжат;
- мемлекеттік тілден емтихан тапсырғаны туралы белгіленген нысандағы жарамды ресми сертификат;
- шетелге шығатын тұлғалар үшін 0.72 у нысанындағы денсаулық жағдайы туралы медициналық анықтама;
- мемлекеттік немесе орыс тіліне нотариалды куәландырылған аудармасы бар академиялық оқуға шартсыз қабылданғанын растайтын және бағдарламасы, мамандығы, оқу кезеңі көрсетілген құжаттардың көшірмесі (қаржылық шарттарды қоспағанда);
- шетелдік жоғары оқу орны берген үлгерім туралы ресми құжат/мамандығын, курсын (оқу жылын), осы оқу орнында пайдаланылатын бағалау жүйесі туралы ақпаратты, сондай-ақ бар болған жағдайда мемлекеттік немесе орыс тіліне нотариалды куәландырылған аудармалары бар осы оқу орнындағы ағымдағы үлгерімнің орташа балын көрсететін белгіленген үлгідегі анықтама (Тізімге енгізілген шетелдік жетекші жоғары оқу орындарында академиялық оқуда оқитын адамдар үшін);
- тізімге енгізілген шетелдік жетекші жоғары оқу орнымен келісілген және мемлекеттік немесе орыс тіліне нотариалды куәландырылған аудармасы бар, философия докторы (PhD), бейін бойынша доктор дәрежесін алу үшін осы жетекші шетелдік жоғары оқу орны белгілеген мерзімнен аспайтын жеке оқу жоспары;
- атом саласының қызметкерлері үшін философия докторы (PhD), бейіндік доктор дәрежесін алу мақсатында – жұмыс орнын сақтау шартымен маман даярлауға жұмыс берушінің өтінімінің электрондық көшірмесі
Тағылымдамадан өтуге үміткерлер:
- нысан бойынша толтырылған сауалнама;
- жеке куәлік және төлқұжат;
- жұмыс орнын сақтау шартымен маман даярлауға жұмыс берушінің өтінімі;
- қосымшасы бар бакалавр немесе маман дипломы, сонымен қоса шетелдік білім беру ұйымында оқыған жағдайда – білімі туралы құжатты тану және/немесе нострификациялау туралы куәлік не Заңның 39-бабы 8-тармағында бекітілген ерекшеліктерді ескере отырып, білімі туралы құжатты тану туралы басқа құжат;
- еңбек қызметін растайтын құжаттар, сондай-ақ осы Қағидаларға сәйкес еңбек қызметінің талап етілетін кезеңіне сәйкес аударылған міндетті зейнетақы жарналары туралы үзінді көшірме;
- белгіленген ең төменгі талаптарға сәйкес шет тілінен емтихан тапсырғаны туралы белгіленген нысандағы жарамды ресми сертификаттың электрондық көшірмесі;
- мемлекеттік тілден емтихан тапсырғаны туралы белгіленген нысандағы жарамды ресми сертификат;
- шетелге шығатын тұлғалар үшін 0.72 у нысанындағы денсаулық жағдайы туралы медициналық анықтама;
- тағылымдамаға қабылдаушы шетелдік ұйымның атынан тағылымдама өту мерзімі, құны көрсетілген (есеп-айырысулар толық жазылған), мемлекеттік немесе орыс тіліне нотариалды куәландырылған аудармасы бар шартсыз шақыртуын растайтын құжат (қаржылық шарттарды қоспағанда);
- Жұмыс органы бекіткен талаптарға сәйкес құрылған және тағылымдамаға жіберуші әрі қабылдаушы ұйым бекіткен тағылымдамадан өту бағдарламасы.
«Болашақ» бағдарламасы бойынша оқуға түскісі келетіндер қажетті құжаттарды «Қазақстан Республикасы Президентінің «Болашақ» халықаралық стипендиясын тағайындау конкурсына қатысу үшін құжаттарды қабылдау» «электрондық үкімет» порталы арқылы жібере алады.
1-қадам. Талаптарға сәйкес келу
2-қадам. Қажетті құжаттарды жинақтау
3-қадам. Көрсетілген мерзімде Электрондық үкімет порталы арқылы құжаттарды тапсыру
4-қадам. 3 кезеңнен тұратын конкурстық іріктеуден өту:
1-кезең – Кешенді тестілеу;
2-кезең – ТСК мүшелерімен дербес әңгімелесу;
3-кезең – Шетелде кадрлар даярлау жөніндегі республикалық комиссияның отырысы
5-қадам. Шетелде кадрлар даярлау жөніндегі республикалық комиссия «Болашақ» халықаралық стипендиясын тағайындау туралы шешімді қабылдағаннан кейін, стипендиат не оған сенімді тұлға стипендия тағайындалған күннен бастап күнтізбелік 90 күн ішінде «Халықаралық бағдарламалар орталығы» АҚ (бұдан әрі – Орталық) Заң қызметі департаментіне жүгініп, Орталықпен оқуды ұйымдастыру туралы шарт, сондай-ақ кепіл шартын жасасуы қажет. Шарттарды мерзімінде жасаспаған жағдайда, стипендиат «Болашақ» халықаралық стипендиясының иегері мәртебесінен айырылады.
