Айдар парағына өту

Қалай шетелдіктерге Қазақстанда еңбең етуге рұқсат алуға болады Баспаға шығару нұсқасы

Cоңғы өзгеріс: 15.01.2020

Егер сіз-шетелдік болсаңыз және Қазақстан Республикасының аумағында еңбек қызметін жүзеге асыруды шешсеңіз, онда бұл мақалада біз рұқсат алу үшін не істеу керектігін айтамыз.

Қазақстан Республикасының мемлекеттік шекарасынан өту үшін жарамды ұлттық паспорт талап етіледі, содан кейін шекара қызметі сізге мөртаңба қойылған көші-қон карточкасын береді.

Келген жері бойынша тіркеуді, ЖСН ресімдеуді (қажет болған жағдайда) және рұқсат алуды қамтитын одан кейінгі барлық рәсімдер көші-қон қызметі орталығында (КҚҚО – облыс орталықтарында) немесе көші-қон қызметінің аудандық бөлімшесінде жүргізіледі.

Уақытша болатын жері бойынша тіркеу

Келген күннен бастап 5 күн ішінде уақытша болу орнына тіркелу қажет. Ол үшін көші-қон қызметі орталығына немесе шақырушы тұлғамен бірге көші-қон қызметіне бару керек. Өзімен бірге шекара қызметінің мөртабаны қойылған паспорт пен көші-қон карточкасы болуы қажет.

Шақырушы адам шетелдікті уақытша тіркеу туралы белгіленген үлгідегі өтінішті толтырады. Қызмет көрсету нәтижесінде көші-қон карточкасына мөр және тіркеу мерзімі қойылады.

Мемлекеттік баж төлеу үшін ЖСН ресімдеу

Еңбек қызметіне рұқсат алу үшін еңбек Қазақстан Республикасының аумағында жұмыс берушіні тауып еңбек шартын жасасу қажет. Өзбекстан, Тәжікстан, Әзірбайжан, Молдова, Грузия және Украина Республикаларының азаматтары жеке тұлғаларда пайда алмай еңбек қызметін жүзеге асыруға құқылы. ЕАЭО азаматтары (Ресей, Қырғызстан, Беларусь, Армения) еңбек қызметін Қазақстан Республикасының аумағында еңбек шартының негізінде рұқсат алмай жүзеге асырады.

Мемлекеттік баж салығын төлеу үшін Өзбекстан, Тәжікстан, Әзірбайжан, Молдова, Грузия және Украина азаматтары ЖСН (жеке сәйкестендіру нөмірі) алуы тиіс.

Ол үшін ұлттық паспортты өзімен бірге алып КҚҚО-ға немесе аудандық көші-қон қызметіне жүгіну қажет. Онда сізге ЖСН қалыптастыру туралы куәлік беріледі.

Еңбек қызметіне рұқсат алу

Еңбек қызметіне рұқсат алу үшін алдын ала медициналық тексеруден, фото-, видео-, дактилоскопиялық тіркеуден өту, осы процедуралардан өту үшін мемлекеттік баж салығын төлеу және медициналық сақтандыруды алу қажет.

Медициналық тексеруден КҚҚО немесе денсаулық сақтау мекемелерінде өтуге болады, соның нәтижесінде сіз 086-У нысаны бойынша анықтама аласыз. Мед.сақтандыруды сол жерде КҚҚО-да немесе көші-қон қызметінде ресімдеуге болады.

Фото -, бейне -, дактилоскопиялық тіркеу үшін көші-қон қызметінде сізге криминалистке жолдама беріледі, содан кейін сіз анықтама аласыз.

Нәтижесінде, КҚҚО немесе көші-қон қызметіне ұлттық паспорт, №086-у анықтама, криминалист анықтамасы, мемлекеттік бажды төлеу туралы түбіртекті, медициналық сақтандыруды ұсына отырып, сіз бір жұмыс күні ішінде еңбек қызметін жүзеге асыруға рұқсат аласыз. Рұқсат беру мерзімі мемлекеттік баждың қандай мерзімге төленгеніне байланысты болады, бірақ үш айдан аспайтын мерзімге беріледі.

Еңбек қызметіне рұқсатты ұзарту

Рұқсатты бір жылға дейін ұзартуға болады. Бұл үшін сізге өтініш жазып, көші-қон қызметіне еңбек қызметіне бастапқы рұқсатты, еңбек шартының көшірмесін, мемлекеттік баждың төленгені туралы түбіртекті және оның көшірмесін ұсыну қажет.

Қызметтер

Көмек
Көмек
Ай бойы келгендердің барлығы:
Кеше келгендердің барлығы:
Қазір порталда:
URL:
Қате:
Пікір:

Спасибо, информация об ошибке принята.

Извините, в данный момент информация об ошибке не может быть обработана.
Попробуйте позже.