Айдар парағына өту

Қазақстанда жұмысқа орналасу Баспаға шығару нұсқасы

Cоңғы өзгеріс: 27.09.2021

Жұмысты өздігінен қалай іздеуге болады

Жұмыс іздеу кезінде қатар қолданылатын бірнеше әдіс бар:

● Достар мен таныстар арқылы;

● Жұмыс іздеу сайттары арқылы;

● Әлеуметтік желілердегі жарнамалар мен қауымдастықтар арқылы;

● Жұмыспен қамту орталықтары арқылы.

Жұмысты достар мен таныстар арқылы іздеу

Егер сізде белгілі бір жұмыс тәжірибесі, маңызды дағдылар мен жетістіктер болса, онда достарыңыз, таныстарыңыз, қазіргі немесе бұрынғы әріптестеріңіз арасында сізге лайықты жұмыс туралы ақпарат бере алатындары болады. Жұмысқа орналасуда сіз туралы жақсы ұсыныс көп әсер етеді.

Егер сіздің жұмыс тәжірибеңіз болмаса да, мысалы, Сіз университеттің түлегі немесе басқа студент болсаңыз да, бұл әдісті ескерудің қажеті жоқ  Егер бос жұмыс орнына қойылып отырған минималды талаптарға сай болсаңыз және достарыңыздан тарапынан қандай да бір сіз  туралы  қосымша жақсы пікір болса онда жұмысқа орналасу ықтималдығы айтарлықтай артады.

Рекрутингтік сайттар арқылы іздеу

Бұл жұмыс іздеуде жалпыға ортақ әдіс. Танымал жалдау сайттары өте ыңғайлы, тиімді және еңбек нарығында екі тарапқа да, яғни жұмыс іздеушілерге де, жұмыс берушілерге де нәтиже береді.

Бұл сайттардың жұмыс істеу принципі барлығы үшін бірдей

1. Сізге тіркеліп, жұмыс беруші үшін оңай оқылатын, түйіндемеге түрінде берілетін өзіңіз туралы деректерді толтыруыңыз керек;

2. Компанияның HR менеджерлерінің көпшілігі бос жұмыс орындары туралы хабарландыруларды рекрутингтік сайттарда жариялап, әдетте, жұмыс іздеушілердің жауаптарын мұқият қадағалап отырады. Сізге бос жұмыс орындары тізімін үнемі мониторингілеуді әдетке айналдыру керек, олармен егжей-тегжейлі танысып,  олар туралы егжей-тегжейлі біліп, сайттың арнайы механизмдері арқылы жауап жолдап отыру керек немесе мүмкін болған жағдайда рекрутермен тікелей хабарласу керек.

Қазақстандағы танымал рекрутингтік сайттар тізімі

enbek.kz

hh.kz

market.kz

olx.kz

Әлеуметтік желілердегі жарнамалар мен қауымдастықтар арқылы іздеу

Егер әлеуметтік желілерде белсенді болсаңыз, онда жұмыс іздеу туралы хабарландыру жасай аласыз және жазылушыларыңыздан жарнаманы таратуға  көмек сұрай аласыз, осылайша сіздің хабарламаңыз ықтимал жұмыс берушілерге жетуі мүмкін. Бұл ретте, аккаунтыңыз қалай жүргізетініңіз бен және қандай контент жариялайтыныңыз маңызды, яғни адам ретінде және әлеуетті жұмысшы ретінде сіз туралы алғашқы көзқарасты қалыптастырады.

Сондай-ақ, әлеуметтік желілерде белгілі бір қызмет салалары мен өңірлер бойынша бөлінетін көптеген жұмыс іздеу бойынша қауымдастықтар бар. Ол жерде компаниялардың өзекті бос орындар мен жұмыс берушілердің өздері ұсынған хабарландырулар жарияланады. Осындай қауымдастықтарға жазылып, үнемі қадағалап отырыңыз. Егер сіз қандай да бір жоғары мамандандырылған салада жұмыс іздесеңіз, онда қолайлы жұмыс орнын осындай жолмен табуға болады.

Жұмыспен қамту орталығына өтініш білдіру

Егер жоғарыда аталған әдістің ешқайсысы да нәтиже бермесе, жұмыс іздеуші ретінде адам ретінде Жұмыспен қамту орталығына тіркелу қажет. Мұны онлайн көрсетілетін қызмет арқылы жасауға болады

- Жұмыс іздеушілерді тіркеу

Жұмыспен қамту орталығына қажетті құжаттар:

- Өтініш;

- Жеке куәлік;

- Еңбек кітапшасы (бар болса);

- Білімі туралы диплом (бар болса).

Сізді жұмыс іздеуші ретінде тіркелгеннен кейін Жұмыспен қамту орталығының қызметкерлері түйіндемеңізді Мемлекеттік еңбек биржасының enbek.kz веб-сайтына орналастырады да, ал лайықты бос жұмыс орындары шыққан кезе, сізді сонда жібереді.

Егер сізді жұмысқа қабылдаудан бас тартса немесе ол жұмыс сізге объективті себептермен сәйкес келмесе, Жұмыспен қамту орталығының қызметкерлері басқа нұсқаларды іздеуді жалғастырады.

«Дипломмен ауылға» мемлекеттік бағдарламасы

Университет бітіргеннен кейін дипломы бар студенттердің бәрі бірден жұмыс таба алмайды. Жұмыс беруші көбінесе жұмыс тәжірибесі бар қызметкерді жалдауға мүдделі. Бұл жағдайда оқуды жаңа бітірген түлектерге «Дипломмен ауылға» мемлекеттік бағдарламасы көмекке келеді.

Бұл бағдарлама келесі мамандықтар бойынша ЖОО студенттеріне арналған:

• білім;

• денсаулық сақтау;

• әлеуметтік қамсыздандыру;

• мәдениет және спорт;

• ветеринария.

Бұл студенттерге мемлекет ауылдық жерлерден жұмыс ұсына отырып әлеуметтік қолдау көрсетеді, оған мыналар кіреді:

• 70 АЕК мөлшерінде бірреттік көтерме төлемақы төлеу;

• 1500 АЕК көлемінде 0,01% сыйақы мөлшерлемесімен 15 жыл мерзімге тұрғын үй сатып алуға және үй салуға бюджеттік кредит беру;

• ауылдық елдімекендерде орналасқан әлеуметтік сала мекемелерінің мамандарына (қалалық елді мекендерде) тарифтік ставкадан кемінде 25%-ға лауазымдық жалақыны көтеру.

Бағдарламаға қатысу үшін:

• таңдаған елдімекеніңізде (ауылдық мектеп, аурухана, Мәдениет үйі, спорт кешендері және т. б.) жұмысты өзіңіз табуыңыз қажет;

• жұмысқа қабылдану кезінде үміткер аудандық комиссияға бағдарлама қатысуға өтініш беруіңіз қажет;

• сізде жұмыс іздеу мүмкіндігі болмаған жағдайда ҚР Ауыл шаруашылығы министрлігіне немесе өңірлердегі жауапты қызметкерлерге өтініш білдіруіңіз қажет;

• өңірлерде кадрларға қажеттілік туралы деректер облыс әкімдіктерінің басқармаларының сайттарында жарияланады.

Бағдарлама бойынша шарт жасасқан маман өзіне ауылдық жерде кемінде 3 жыл жұмыс істеуге міндеттеме алады.

Бағдарламаға қалай қатысуға болады

Қазақстан Республикасының ауылдық жерлерінің аумағындағы елді мекенді таңдап, онда өз бетінше жұмыс табу қажет (ауылдық мектеп, аурухана, мәдениет үйі, спорт кешендері және т.б.). Өз бетінше жұмыс іздеу мүмкіндігі болмаған жағдайда облыс әкімдіктеріне өтініш білдіруге болады. Бос орындар туралы әкімдіктердің сайттарынан білуге болады.

Бұдан әрі сіз Жобаға қатысқыңыз келетіні туралы аудандық әкімдікке немесе аудандық маңызы бар қала әкімдігіне өтініш білдіруіңіз керек. Ол құжаттарды қарап, шешім қабылдайтын арнайы комиссияға жіберіледі.

Қажетті құжаттар

Көтерме төлемақыны алу үшін:

• өтініш;

• жеке куәлік көшірмесі;

• диплом көшірмесі;

• жаңа жұмыс орнында кадр қызметі растаған еңбек кітапшасының көшірмесі;

• тиісті елдімекенде тұратындығын растайтын тұрғылықты мекенжайы туралы анықтама;

• көші-қон қызметінен алдыңғы тіркелген жері туралы мәліметтер.

Тұрғын үй сатып алуға бюджеттік кредит алу үшін қосымша  келесі құжаттар ұсынылады:

• сатып алынатын жылжымайтын мүлікті бағалау актісі;

• неке туралы куәліктің көшірмесі (үйленген немесе тұрмысқа шыққан болса);

• аталған ауылдық елдімекенде маманның, оның жұбайының және балаларының жылжымайтын мүлкінің болмауы (болуы) туралы анықтама.

Тұрғын үй құрылысына бюджеттік кредит алу үшін қосымша келесі құжаттар ұсынылады:

• маманның атына тұрғын үй салуға берілген жер учаскесін пайдалану құқығына акт;

• кепілдік мүлікті бағалау актісі;

• кепілдік мүлікті сақтандыру шарты;

• берілетін кредит мөлшерінен асатын тұрғын үй құрылысы бөлігін бірлесіп қаржыландыруға жазбаша келісім;

• неке туралы куәліктің көшірмесі (үйленген немесе тұрмысқа шыққан болса);

Құжаттардың көшірмелерінің түпнұсқалығын анықтау үшін олардың түпнұсқалары ұсынылады. Жоғарыда айтылған басқа құжаттар дан өзге құжатта үміткерден талап етілмеуі қажет.

Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған мемлекеттік бағдарламасы

Нәтижелі жұмыспен қамтуды және жаппай кәсіпкерлікті дамыту бағдарламасының мақсаты - халықты нәтижелі жұмыспен қамтуға жәрдемдесу және азаматтарды кәсіпкерлікке тарту.

Бағдарламаға 29 жасқа дейінгі жастар, жұмыссыздар және өзін-өзі жұмыспен қамтушылар қатысады.

Бағдарлама бағыттарының бірі азаматтардың жекелеген санаттарын атаулы жұмысқа орналастыруда қолдауды күшейтуді, еңбек ресурстарының мобилдігін арттыруды және еңбек нарығының инфрақұрылымын дамытуды көздейді.

Осы бағыт бойынша Бағдарламаға қатысушыларға мынадай мүмкіндіктер беріледі:

● бос жұмыс орындары дерекқорында бар жұмысқа орналастыру;

● уақытша жұмыс орындарына жұмысқа орналастыру.

Әлеуметтік жұмыс орындары

Жұмыс орындарын бөлу кезінде осы жұмыс орнына барлық қажетті аударымдарды ескере отырып, мемлекет тарапынан 12 айға дейін ішінара субсидиялау қарастырылғанын есте сақтаңыз.

Әлеуметтік жұмыс орындарына жұмысқа орналасқан Бағдарламаға қатысушыларға жалақы ретінде берілетін ай сайынғы субсидия мөлшері экологиялық үстемеақылар бойынша төлемдерді есепке алмағанда, салықтарды, міндетті әлеуметтік аударымдарды және пайдаланылмаған еңбек демалысы үшін өтемақыны ескере отырып, белгіленген жалақы мөлшерінің 35%-ын құрайды, бірақ тиісті қаржы жылына арналған республикалық бюджет туралы заңда айқындалған ең төменгі жалақы мөлшерінен аспайды.

Жастар практикасы

Жастар практикасы білім беру ұйымдарының түлектеріне алған мамандығы бойынша бастапқы жұмыс тәжірибе қалыптастыру мақсатында ұйымдастырылады. Жастар практикасына жіберілген жеке тұлғалардың еңбекақысы республикалық бюджеттен  айына 25 АЕК-ті құрайды.

Қоғамдық жұмыстар

Қоғамдық жұмыстарды халықты жұмыспен қамту орталықтары жұмыссыздарды уақытша жұмыспен қамтамасыз ету үшін ұйымдастырады. Олар қызметкердің алдын ала кәсіптік даярлаудан өтуін талап етпейді және жергілікті бюджет қаражаты және олардың өтінімдері бойынша жұмыс берушілердің қаражаты шегінде қаржыландырылады.

Қоғамдық жұмыстарға қатысуға құқығы барлар:

1. жұмыссыздар;

2. жазғы демалыс кезеңінде студенттер мен жалпы білім беретін мектептердің жоғары сынып оқушылары;

3. Жұмыс орнының тоқтап тұруына байланысты жұмыспен қамтамасыз етілмегендер.

Әлеуметтік жұмыс орындарына, жастар практикасына, қоғамдық жұмыстарға қатысу үшін Жұмыспен қамту орталығына келесі құжаттарды әкелу қажет:

● қатысуға өтініш;

● жеке басын куәландыратын құжаттың көшірмесі;

● тұрғылықты жері бойынша тіркелгенін растайтын құжаттың көшірмесі (мекенжай анықтамасы, ауыл әкімінің анықтамасы);

● еңбек кітапшасының көшірмесі (бар болса);

● білімі туралы құжаттың (аттестат, куәлік, диплом), сондай-ақ бар болса, оқудан өткенін растайтын құжаттардың (куәлік, сертификат) көшірмелері;

● техникалық және кәсіптік, орта білімнен кейінгі, жоғары және жоғары оқу орнынан кейінгі білімнің болуын растайтын құжаттың көшірмесі (МО үшін);

● жұмыс берушінің толық емес жұмыс уақытына немесе жұмыс уақытының қысқартылған жұмыс уақыта ауыстыру туралы немесе әлеуметтік демалыс беру туралы, немесе мәжбүрлі қарапайым, жалақысы сақталмайтын демалыс туралы актісі (ішінара жұмыспен қамтылған жалдамалы қызметкерлер үшін) (ОР үшін);

● каникулда екені оқу орнынан анықтама (ОР үшін).

Қандай құжаттарды дайындау керек

Әңгімелесуден сәтті өткеннен кейін және жұмыс берушінің жұмысқа қабылдану туралы келісімінен кейін, еңбек шартын жасасу үшін стандартты құжаттар пакетін жинау қажет.

Еңбек шарты бұл жұмыс беруші мен үміткер арасындағы жазбаша келісім, оған сәйкес жұмыс беруші қызметкерге белгілі бір жұмыс беруге, еңбек жағдайларын қамтамасыз етуге және жалақыны уақтылы толық төлеуге міндеттенеді, ал қызметкер бұл жұмысты орындауға және ұйымның ішкі еңбек тәртібінің ережелерін сақтауға міндеттенеді.

Еңбек шарты екі данада жасалады, олардың әрқайсысына екі тарап қол қояды. Бір данасы сізге беріледі, екіншісі жұмыс берушіде сақталады.

 Еңбек шартын жасауға қажетті құжаттар:

  •  жеке куәлік немесе паспорт (он алты жасқа толмағандар үшін туу туралы куәлік);
  •  азаматтығы жоқ тұлғалар үшін тұруға ықтиярхат немесе куәлігі (Қазақстан Республикасының аумағында тұрақты тұратын шетелдіктер мен азаматтығы жоқ адамдар үшін);
  •  тиісті білімді, білігі және дағдыны талап ететін жұмысқа орналасуда еңбек шартын жасасу кезінде білімі, біліктілігі, арнайы білімінің немесе кәсіптік  даярлығының болуы туралы құжат;
  •  еңбек қызметін растайтын құжат (еңбек өтілі бар тұлғалар үшін);
  •  алдын ала медициналық куәландырудан өткені туралы құжат (мед.анықтама 086-У).

Кейбір жағдайларда сізден сотталмағандығы туралы анықтама талап етілуі мүмкін. Оны онлайн алуға болады

- Соттылықтың болуы немесе болмауы туралы анықтама беру

Мүмкіндігі шектеулі адамдар нені білулері керек

Мүмкіндігі шектеулі адам – бұл өмірдің шектелуіне және оны әлеуметтік қорғау қажеттілігіне әкелетін ауруларға, жарақаттарға, олардың салдарына, ақауларға байланысты дене функциясының тұрақты бұзылуымен денсаулығының бұзылуы бар адам.

Жұмысқа орналастыру және жұмыспен қамту саласында мүгедектігі бар тұлғалар қызмет түрін, оның ішінде еңбек қызметі түрін еркін таңдауға, сондай-ақ кәсіптік даярлауға және қайта даярлауға, еңбекке қабілеттілігін қалпына келтіруге және жұмысқа орналасуға құқығы бар.

«Халықты жұмыспен қамту туралы» заңның 9-бабының 6) тармақшасына сәйкес, жергілікті атқарушы органдар ауыр жұмыстарды, еңбек жағдайлары зиянды, қауіпті жұмыстардағы жұмыс орындарын есептемегенде, жұмыс орындары санының 2% - дан 4% - ға дейінгі мөлшерінде мүгедектігі бар адамдар үшін жұмыс орындарына квота белгілеу арқылы халықты жұмыспен қамту саласындағы мемлекеттік саясатты іске асыруды қамтамасыз етеді.

Квотаны жергілікті атқарушы органдар қызметкерлерінің тізімдік саны бар ұйымдарға белгілейді:

● 50-ден 100 адамға дейін - жұмыскерлердің тізімдік санының 2% мөлшерінде;

● 101-ден 250 адамға дейін-жұмыскерлердің тізімдік санының 3% мөлшерінде;

● 251 адамнан жоғары – жұмыскерлердің тізімдік санының 4% мөлшерінде.

Сонымен қатар, мүгедектердің қоғамдық бірлестіктеріне, сондай-ақ жұмыскерлердің орташа жылдық саны 20%-дан астамы мүгедектігі бар адамды құрайтын ұйымдарға квота белгіленбейді.

Елді мекендерде еңбек қызметі үшін медициналық қарсы көрсетілімдері жоқ еңбек етуге қабілетті жастағы мүгедектер болмаған кезде, аталған елдімекендердің аумағында орналасқан ұйымдарда квота белгіленбейді..

Бұл квота зейнеткерлік жастағы адамдарға қолданылмайды.

Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы шеңберінде мүгедектігі бар тұлғалар халықтың басқа да осал топтарымен қатар еңбек нарығында сұранысқа ие мамандықтар мен біліктіліктер бойынша қысқа мерзімді оқыту курстарынан басым тәртіппен өтуге, «Бастау Бизнес» жобасы бойынша кәсіпкерлік негіздеріне оқуға, бизнес-идеяларды іске асыруға 200 айлық есептік көрсеткіш мөлшерінде өтеусіз негізде микрокредиттер мен гранттар алуға, сондай-ақ қоғамдық, әлеуметтік, бос жұмыс орындарына жұмысқа орналасуға құқылы.

Бағдарламаға қатысуға ниеті болса тұрғылықты жері бойынша Халықты жұмыспен қамту орталығына өтініш білдіру қажет.

Жұмыстан шығарған жағдайда немесе қысқартуға түскен жағдайда, не білуіңіз керек

ҚР Еңбек кодексінің 131-бабына сәйкес жұмысынан айрылған жағдайда жұмыс беруші таратылған жағдайда, жұмыскерлердің саны немесе штаты қысқартылған жағдайда жұмыс берушінің бастамасы бойынша еңбек шарты бұзылған жағдайда, жұмыс беруші еңбек шартының талаптарын орындамаған жағдайда  жұмыскердің бастамасы бойынша еңбек шарты бұзылған жағдайда бір айдағы орташа жалақы мөлшерінде жұмыс беруші өтемақы төлемдерін жүргізеді.

Жұмыс беруші жұмыс берушінің экономикалық жай-күйінің нашарлауына әкеп соққан өндіріс, орындалатын жұмыстар және көрсетілетін қызметтер көлемі азайған жағдайда, жұмыс берушінің бастамасы бойынша еңбек шарты бұзылған кезде екі айдағы орташа жалақы мөлшерінде жұмысынан айырылуына байланысты өтемақы төлемдерін жүргізеді.

ҚР Еңбек кодексінің 96-бабына сәйкес жыл сайынғы ақы төленетін еңбек демалысын пайдаланбаған немесе толық пайдаланбаған жұмыскерге еңбек шарты тоқтатылған кезде, ол жыл сайынғы ақы төленетін еңбек демалысының пайдаланылмаған күндері үшін өтемақы төлемі жүргізіледі, ол жұмыскердің орташа жалақысы есебінен есептеледі.

Жұмысынан айырылған жағдайда төленеттін әлеуметтік төлемақы

Жұмысынан айырылған жағдайда төленетін әлеуметтік төлемақы міндетті әлеуметтік сақтандыру жүйесіне қатысушы Халықты жұмыспен қамту орталығына жұмыссыз тұлға ретінде тіркелуге өтініш берген күннен бастап тағайындалады.

Бірақ жұмыссыз мәртебесін алу үшін бірінші қадамда сипатталғандай жұмыс іздеуші ретінде қайта тіркелуіңіз керек.

Содан кейін, Халықты жұмыспен қамту орталығы тіркелген күннен бастап он жұмыс күні ішінде лайықты жұмыс таңдай отырып жұмысқа орналасуға жәрдем көрсетеді. Сонымен қатар, жұмыс іздеуші ретінде тіркелген күннен бастап күнтізбелік он күн ішінде Жұмыспен қамту орталығы құжаттарыңызды жұмыссыз ретінде тіркеу үшін Халықты жұмыспен қамту мәселелері жөніндегі жергілікті органға жібереді.

Өз кезегінде, жұмыспен қамту мәселелері жөніндегі жергілікті орган екі жұмыс күні ішінде жұмыссыз ретінде тіркеу туралы шешім қабылдайды.

Осыдан кейін Жұмыспен қамту орталығында сізге 30 күнтізбелік күн мерзімге жұмыссыз ретінде тіркелгені туралы қағаз анықтама беріледі.

Осы процедуралардан кейін, сол жерде Жұмыспен қамту орталығында жұмысынан айырылған жағдайда әлеуметтік төлем алуға өтініш беруге болады.

Қажетті құжаттар

1. Жеке куәлігі;

2. Жұмыс берушінің экономикалық жағдайының нашарлауына әкеп соққан компанияның таратылуы, штаттың қысқаруы, өндіріс көлемінің, орындалатын жұмыстар мен көрсетілетін қызметтер көлемінің төмендеуі сияқты негіздер бойынша еңбек қатынастарының бұзылғанын растайтын жұмыс берушінің актісінен үзінді көшірме.

3. Мекенжай анықтамасы;

4. Жұмыссыз ретінде тіркелгені туралы анықтама;

5. Банк шотының нөмірі туралы мәліметтер.

Әлеуметтік төлемді ресімдеуге өтінімді «Азаматтарға арналған үкімет» мемлекеттік корпорациясына немесе онлайн-қызмет арқылы беруге болады (жұмыссыз ретінде тіркеу туралы мәліметтер болған жағдайда)

- Әлеуметтік тәуекелдер жағдайларына әлеуметтік төлемдер тағайындау: жұмысынан айырылу

Онлайн қызмет компанияны таратылуы, штаттың қысқаруы немесе жұмыс берушінің экономикалық жағдайының нашарлауы салдарынан жұмысынан айрылған тұлғаларды қоспағанда, қалған басқа адамдарға қолжетімді.

Төлемақы мөлшері

2 жыл ішіндегі табыстың орташа мөлшері есебінен жеке есептелетін сома 24 айға бөлінеді, алынған сома 0,3 коэффициентке көбейтіледі.

әлеуметтік аударымдар төленетін міндетті әлеуметтік сақтандыру жүйесінің  қатысушысы жұмысынан айырылған жағдайда әлеуметтік төлем тағайындалады.:

● 1 айға – 6 айдан 12 айға дейін әлеуметтік аударымдар жүргізілген жағдайда;

● 2 айға – 12 айдан 24 айға дейін әлеуметтік аударымдар жүргізілген жағдайда;

● 3 айға-24 айдан 36 айға дейін әлеуметтік аударымдар жүргізілген жағдайда;

● 4 айға – 36 айдан бастап және одан да көп айларға әлеуметтік аударымдар жүргізілген жағдайда;

● 6 айға – компанияның таратылуы, штаттың қысқаруы немесе жұмыс берушінің экономикалық жағдайының нашарлауы салдарынан жұмысынан айрылған адам үшін 36 айдан бастап және одан да көп айларға әлеуметтік аударымдар жүргізілген жағдайда.

Көмек
Көмек
Ай бойы келгендердің барлығы:
Кеше келгендердің барлығы:
Қазір порталда:
URL:
Қате:
Пікір:

Спасибо, информация об ошибке принята.

Извините, в данный момент информация об ошибке не может быть обработана.
Попробуйте позже.